|
.gif) |
|
||||||||
 |
|
|
LinkBack | أدوات الموضوع | طرق مشاهدة الموضوع |
08-04-2006, 10:32 AM
|
#1 | |
|
|
مكتأبة جدا وخايفة من الجنون الحقوووووني
في الحقيقة والواقع المر الذي نعيشه هذه السويعات القلقة مدري وش فيني ما جاني نوم وحسيت اني أرقانة (يعني فيني ارق) قلت ادخل المنتدى واطش لي كم كلمة على راس اللي يقرأ الحين عشان يشاركني ارقي وبما أني عندما أأرق (يعني أصاب بأرق) يبدأ قلمي بالسيل تقصد الحبر حيث إنه يسيل أجمل الكلمات التي تخطر على بالكم ولم تخطر لحد الان انا مستعدة اخطرها على بالكم بقلمي وقلبي المشتاق الولهان بدأت بالرومانسية قبل شوي يعني هنيهات من الوقت اتحدى احد منكم يقول مثلها للأسف محد طلعلي كلكم طالعين لامكم متأثرة بالوالد المهم نرجع للموضوع اللي ابيكم كلبوكم تصدقون معي تدرون ليه لان الكذب حرام والصدق منجاة والدنيا فانية ما تدرون يمكن وانتم تقرأون كلامي هذا وتكذبون علي تطيحون تحسبون حالكم طايحين بس كذه دوخة بسيطة لا تطلع موتة ما بعده رده للدنيا نرجع لقبل هنيهات من الوقت وش كنت افكر فيه كنت اقول لنفسي انا أرقانة الحين والأرق يؤدي نسأل الله السلامة اربطوا الاحزمة بقولها وامري لله وكلي ثقة بأنكم ستقفون صامدون في وجه الصاروخ القادم تؤدي تؤدي تؤدي للاكتتاب عفوا اقصد الاكتئاب الا على طاري الاكتتاب عساكم بس اكتتبتوا في المكاتبة الجديدة ؟ لا تدعون الفرصة تفوتكم وتفوتكم مصيبة عاد لا سفر سافرتم وبعد تضيع عليكم اعرف ناس وهم في بلدان اخرى اكتئبوا اقصد اكتتبوا المهم خلونا باللي يسببه الارق اللي هو الاكتئاب انا صراحة قلقت على نفسي قلت الاكتئاب يؤدي للائتججنان اللي هو الجنون يعني طيب وانا عبقرية طبعا هذي شهادة من غيري لا تحسبوني اثني على نفسي الله يستر علي من العين المهم يقولون بين العبقرية والجنون شعرة فقط وانا قبل فترة اعاني من تدهور بشعري بسبب الاصباغ انصحكم لا تصبغون يا بنات الا لأزواجكم واذا كانوا يستاهلون معليش لكن والله ما يستاهل ويقولك ابغاك شقرا وعيونك خضرا يتشرط عليك قولي انا كذه عاجبتك ولا انت اصلا من يومك مو عاجبني ايه خربيها لمتى واحنا منطمين وساكتين ما خلينا شي ما سويناه لهم وفوق هذا كله مو عاجبهم بعد المهم نرجع لموضوع الذكاء اللي بينه وبين الجنون شعرة اليوم ما راح تخلص لاحظوا انا ما دخلت في الموضوع لسه – dkhan
__________________
 §¤°~®~°¤§Too0oo0ooT§¤°~®~°¤§
التعديل الأخير تم بواسطة : D a N a بتاريخ 08-05-2006 الساعة 11:55 PM. السبب: أول ضحيه من الضحايا <= شوفي الي رزيته بالسطح |
|
|
    
|
|
08-04-2006, 10:33 AM
|
#2 | |
|
|
" التكملة "
مثل ما قلت لكم ان شعري بدأ يخرب ويتساقط ولكني اعمل قصارى جهدي لاستعادة نضارته النضارة اللي هي الاشراقة مو النظارة اللي نشوف فيها مثل ما يكتبها نهاروه اتركونا من شعري الحين كل شي تتدخلون فيه حتى شعري اعوذ بالله هالناس فاضية ما عندها شي ما غير تتبع اخبار بعض واحنا نقول وش فينا يالعرب مالنا كلمة وقلوبنا مو على بعض خربتها دخلت بالسياسة - المهم ان شعري بدأ يخرب يعني الشعرة اللي بين الجنون والعبقرية تبي تتساقط وتنقطع وتخرب ساعتها وش اسوي بالله عليكم معي ائتراق ومعي جنون وش معناتها وين يودوني هالمسميين مالي عاد الا شهار اللي يسلمهم وسميت شهار لان اللي يدخلها ينشهر وتطلع ريحته يعني اذا دخلتها بنفضح بعيد عنكم وتصير سيرتي على كل لسان والله مو كاسر خاطري بالسالفة الا امي المسكينة حاطة امل علي كبير تبيني اصير دكتورة وبالاخير اصير في المستشفى اشتغل مجنونة بدل ما اشتغل طبيبة عاد ساعتها وش اسويلها ما اكون بعقلي تدرون عاد التفكير اخذني وشالني وجدعني في شهار صدق ان المسافة طويلة بس كل شي بالاحلام حقة اليقظة طبعا يجي بسرعة ويروح بسرعة المهم دخلت مستشفى شهار الحرمة خيالها واسع يا هووووو عطوها مجال تعبر عندما وصلت لهذه المستشفى اول من طرى علي تدرون مين مو اهلي ، اهلي امر مفروغ منه اكيد بيتبرون مني بس امي تجلس تبكي علي ومن بعيد لبعيد كم يوم وتنسى اول من فكرت فيه انتم يا اعضاء الخليج قلت معقولة ما يسألون فيني وانا في اشد اللحظات لهم عاد ما يقربولي يتعرون مني شفت كل واحد فيكم داخل علي يزورني نبدأ طبعا بالراس الكبيرة محمد اول ما يدخل سلامات صبا عساج بخير (وجهه بابتسامه محبوسة) انا فاهمة عليه هو مستانس من داخل اني بالمستشفى لان رأيه فيني من اول اني مهبولة عاد المستشفى تأكد له هالشي ما همه ضياع مستقبلي وتشرد عائلة بأكملها المهم عنده تطلع توقعاته بمحلها يوم دريت عنج قلت ما بدهاش اركب اول طيارة وعلى طول للمستشفى حق وواجب صبا عشرة عمر يا ما خدمتي عندنا في المنتدى زيارتي لج واجبه طبعا انا ساكتة اناظر فيه ، فتحت فمي اتثاوب يحسبني بسولف - لا لا لا تقولين شي انتي تستاهلين كل خير ، معاه 347 ريال يدسهم تحت المخدة هذي مساعدة من اعضاء المنتدى لما دروا عن حالتج قالوا لازم نوقف معها هذي اختنا ما يصير نتخلى عنها ويسلمون عليج اشد السلام وبعضهم بيجي يزورج قريب والبعض يعتذر منج عندهم شغل كثير في المنتدى طبعا انا كاشفة وماخذة راحتي ايه مينونة ما علي حرج خخخخخخخ - وهو طالع صبا تامرين شي قبل ما امشي طيارتي الحين ؟ والله فيه الخير جاي بس عشان يشوفني وعلى طول طالع طبعا انا ساكتة توني ماخذة جلسة كهربا ومروقة على الاخير - صبا معقولة صرتي خرسا بعد ولا انتي اصلا خرسا وانا مدري ؟ المهم اسلم عليج الحين وبذكرج بشي ينفعج في المستقبل ( أي مستقبل والبنت في مستشفى المجانين خلاص ) صبا ياما قلت لج وحذرتج الطريق اللي انتي فيه غلط غلط غلط - أي طريق انت داري وين امشي ؟؟ - المهم الله يقويج وقلبي معاج ( لا والله قلبك مع غيري اهئ اهئ اهئ) راح محمد وبعد ما راح عاد صحصحت شوي ثاني يوم جاني نهار ( انا مستغربة ليه ما جوني مع بعض الله اعلم بالنيات مااظلمهم ) نهار جايب معه لبن وعسل وتمر ، صبا شوفي وش جايبلج عشان تتقوين وتطلعين لنا احسن من اول ( البلا مو بالجسم بالعقل يا نهار الأكل ما يسوي شي ) شوي الا نهار يبكي ، انا عاد فتحت فمي نهار ذاك اللي يهزئ وما يتهزأ يقعد عندي ويبكي كذه اهلي اللي هم اهلي ما سووها يبكون عندي يا قلبي عليه حنون هالرجال ومحد فاهمه انا مع اني مجنونة وفاقدة عقلي لكن استوعبت ان فيه حزن ونهار يبكي رحت طلعت منديل من الزبالة اللي جنبي عاد وش اسوي تخلص علي المناديل واتوهق وامسح دموع نهار بيديني نهار ابتسم وقال مشكورة يا صبا والله انج طيبة بس محد مقدر هالطيبة صبا بقولج شي انا تورطت في الاسهم وضاع اللي وراي واللي قدامي وكرامتي ما تسمح لي اطلب من احد مهما كان ابوي اللي هو ابوي مقدر اطلبه لكن انتي يا صبا شي ثاني ( حسبي الله طمعان فيها ؟؟) انا سمعت ان الاعضاء قاطين لج قطية مبلغ حلو يقول محمد تعطينياها الحين وان شاء الله اول ما ترتفع الاسهم اعطيك ضعف ضعفها ( يرابي الاخ ) هاه صبا وش قلتي ؟؟ ، عاد تعرفون انا قلبي طيب هزيت راسي يعني زين وطلعت له الفلوس ( كل شي اضيعه الا مكان الفلوس ما ضيعته ) وقلت بنفسي مع اني مجنونة كيف لو اني عاقلة :( وعلى الدنيا السلام كلن يفكر بنفسه ويدور مصلحته ) طلع نهار وهو مستانس طبعا ما يدري عن المبلغ كم على باله مبلغ يسوى خخخخ بعد يومين كذه جالسة افكر مع نفسي واتذكر مع نفسي ( ماعاد معها احد يسولف لها) قلت الحين وش استفدت وش اخذت من الدنيا كل شي راح وضاع وانا بحسبة الميتين ( لا يغركم انها مجنونة بس تراها عبقرية بالافكار خخ) وانا جالسة اتأمل وافكر الا هذا راشد المهموم جاي من بعيد يركض يركض صبا ،،، صبا ،،، صبا انا على كثر ما فرحت على كثر ما خفت انصدم فيه هو بعد الف الف الف مبروك يا صبا ( مبروك على وشو بالله على البلوة اللي انا فيها ؟؟ ) صبا فزتي بالمسابقة اللي في المنتدى اوووووووه نسيت اقولك الف سلامة عليك ما تشوفين شر وكلنا لها والله يا صبا هذي اخرتنا ( قبر هو ؟؟) انتي بس تفاءلي وانظري للأزهار كيف ملونة والسماء صافية ، والنجوم تلمع في الليل وتختفي في النهار كله يعطيك امل في الحياة ( حشا درس مطالعة ) والمنتدى مشتاق لك كثير ودهم ترجعين بس ؟؟ انا عاد عند هالكلمة ما قدرت اتحمل ساكتة كل هالفترة مالي خلق اكلم احد لكن اللقافة ذابحتني مثل ما تعرفون قلت : بس وش يا رشود ؟؟ قال : لا خلاص ما في شي قلت : رشود تراني فاهمتكم واحد واحد في المنتدى قل وش فيه قال : بصراحة يا صبا في ناس في المنتدى مطلعين عليك اشاعات وانا جالس اسكت فيهم ما في فايدة قلبي قرصني قرصة قوية مثل قرصة دخلتي للمستشفى قلت : راشد ممكن تقولي وش قالوا عني قال : لا اعذريني مقدر قلت : شوف انا الحين مجنونة يعني أي شي اسويه ما اتحاسب عليه ولا يهمني احد خطيرة تعرف تهدد عاد هو خاف صدق المسكين قال : ابد يقولون انك مجنونة ما جبت شي جديد قلت : أولاد الايه وصلت فيهم يقولون عني مجنونة ؟؟ قال : والله يا صبا انك اعقل العاقلين هم المجانين ما كنت ابي اقولك بس وش اسوي زلة لسان قلت : راشد المهم ابي اعرف من اللي طلع هالاشاعة علي ( اشاعة !! خخخ) قال : مدري يا صبا صدقيني لكن اذا ودك اجيب لك خبره بكرة جلس يتلفت ، يووووووووه وين ذولي وين راحوا قلت : مين قال : عازف الناي وابو شبرية وسلطان حايل قلت : يا حليلهم جايين معك قال : لا انا جاي معهم ، بس غريبة طولوا قالوا برقمون بنت مجنونة هناك ويرجعون بسرعة ( حتى المجانين ما سلموا من الترقيم ) عن اذنك صبوبة بروح ادورهم ونجيك قبل ما يروحلهم ولا هذولا هم جايين ابو شبرية حاط هالشبرية على جنب وبارم شواربه ويناظر لي بطرف عين يقول هذي صبا ؟؟ سلطان : الظاهر هي لان راشد واقف معها على باله ذكي عازف الناي : هلا صب صب شخبارك ماد يده شاف الدعوة فلتانة قال خليني اسلم عليها بس انا ايش لا زلت في جبروتي وقوتي قلت : رجع يدك في جيبك الفاضي لا قطعها لك الحين واعلقها في الشجرة اللي وراك هو عاد بلع ريقه وكنه بلع لوزه معه عازف الناي : شدعوة صبا انا جاي اسلم عليك وابارك لك في الفوز قلت : الله يبارك فيكم ما تقصرون سلطان : تدرين صبا بغيبتك هذي سويت اربع مسابقات انما ايه كل وحدة تقول للثانية قومي وبنسدح مكانك ابو شبرية : اقول بس اسكت كل ما شفت احد قلت له سويت سويت يخي استح على وجهك من زين قسمك عاد لو قسمك مثل قسمي وش سويت سلطان : اقول يا راعي الشبرية اللي حاطها على الفاضي وتخاف حتى تمسكها ، شرايك تمسك قسمي كم يوم وبشوف تقدر تسوي فيه مثل ما اسوي الحين ابو شبرية : اصلا ما اتنازل اصير مشرف على هالقسم هع هع يووووووووه قلبوها هواش قلت : اقول شرايكم تطسون الحين مالي خلقكم وتروحون تتناقشون بعيد احسن ؟؟ عازف الناي : يناظر نظرة خجل مع ابتسامة ، حتى انا صبا اروح معهم ؟ ولا تبيني بموضوع خاص قلت : خصخصوا راسك قل امين وش ابي فيك انت وخشتك ناقصني احلام مزعجة !! انت فارق اول واحد راشد : ايه صبا قبل ما اروح على فكرة انا تبرعت استلم الجائزة عنك بحكمي المسؤول عن المسابقات الاول وبحفظها لك لحد لما تطلعين من المستشفى بالسلامة (موت ياحمار ) قلت : يعني هذا اللي جابكم عشان الجائزة تتقاسمونها خذوها ما بيها واحنا واقفين الا نسمع صوت من بعيد : يا مصيييييييييبتي اااااااااااااااه عليكي يا حبيبتي ياختي يا صبية يا قميلة لسه ما عشتيش حياتك يختي اهئ اهئ اهئ ويطل علينا هاللي يصوت ، فينها ياخويه ...؟( يأشرون علي ) ديه اللي أصادي ديه ؟؟ متشكر يخويه مين غريب مهاجر يا هلا يا هلا التموا عليه الثلاثي المرح وبالأحضان يا غريب ازيك بتعملوا ايه هنا ؟؟ ابو شبرية : زي ما بتعمل انت غريب : انا قاي اسلم على اختي حبيبتي صبا واتطمن عليها سلطان : واحنا بعد جايين نتطمن عليها غريب : لأ مفتكرشي انتم ما تقوش الا وراكم حاقة !! ابعدوا عني سيبوني اسلم على اختي صبا ازيك يختي انا : الحمد لله بخير غريب : محمد آلي عليكي وعلى الحالة اللي انتي فيها ألت مش هستنى حاجي على طول وأفت الترمباي وركبت على طول هنا عدل انا : من مصر يا غريب ليه تعب نفسك ؟ والله ما تسوى يا غريب غريب : بالعكس ديه تسوى وتسوى المبلغ اللي عندك بسيط أأصد المرض اللي عندك بسيط ههههه انا : اها الحين فهمت كلن زارني طمعان فيني ااااااااااااااه يا قلبي بعد هاللي حصلي وش رايكم استسلم للكآبة والائتراق ولا شسوي ؟ ( هذه الحكاية كتبتها وانا بنصف عقل – دايخة عشان مواصلة لحد الان الساعة يمكن دخلت على تسع او اكثر الصباح – وانا في حالة اكتتاب مدري اكتئاب – لم ارجع لاي كلمة كتبتها واقرأها او اصححها لان مالي خلق اعيد القراءة فاضية بعد احمدوا ربكم كتبت كل هذا وانا في هذه الحالة المرثي لها )خ4 سي يو – سي تو مي
__________________
§¤°~®~°¤§Too0oo0ooT§¤°~®~°¤§
|
|
|
|
|
|
08-05-2006, 03:11 AM
|
#4 | |
|
|
وربي مية موضوع في بعضهم ماأدري هو شعره وإلا أكتتاب وإلا مسابقة
أقول في سرير فاضي جنبك بس يكون قريب من المخده هههههههههه يسعدك ربي يا الحالمة ... بس ما قلتي أيش الشيء اللي مكتأبك ههههه أقول نسيت .. فالك العافيـــــــــــــــــــــــــة .
__________________
.
 . ربما قريباً سيكون ................ !!!! . |
|
|
|
|
|
08-05-2006, 04:00 AM
|
#5 |
|
|
