أشياء ترفع الضغط<<<<<

[cry_girl]

[align=center]بسم الله الرحمن الرحيم

السلام عليكم


الأشياء اللي ترفع الضغط كثيرة ... ومنها مايلي

* أنك تشرب ببسي حار

* أنك تصلي وأنت لابس شراب مشقوق

* أنك تعطي أخوك سيارتك ... ويرجعها والتانكي فاااضي

* أنك تدخل المسنجر .. وما تلقى ألا اللي ماتبيهم

* أنك تـتـفاهم مع رجل آمن سعودي

* أنك تناظر مباراة على الأي آر تي وأنواع الحماااس وفجأة ينقطع الاشتراك

* أنك تلعب كوره وأنت حافي .. وتشوت غطا البياره

* أنك تذاكر تذاكر تذاكر تذاكر <-- أخلص .. وبعدين تكتشف أن اللي ذاكرته مهوب داخل معك في الاختبار

* أنك تعطي جوالك لواحد ويرجعه لك والرسايل محذوفه

* أنك تقوم من صباح الله وتروح للجامعة تمشي مليون .. وتلقى الدكتور معتذر

* أنك تقوم الصبح وتلقى معجون الأسنان مخلص

* أنك تنزل للبقاله وما تلقى عنده عسكريم جلكسي

* أنك تـَـغص بالماء

* أنك تلعب كيرم وتدخل الخمسين 3 مرات ولاتقدر تدخل الطباقه .. أو أنك تدخل الطباقه والمصقال معه

** أنك تغرز بالبر وأنت معك جيب .. ويمر من جنبك ددسن يمشي بشويش ويناظرونك ويضحكون

* أنك تتروش .. وأذا خلصت ماتلقى المنشفه <-- أعرف أقول فوطه .. ولا روب .. بس هي منشفه

* أنك تكتب موضوع طويييييييل ... وأذا جيت ترسله يطس .. مدري وين يروح

* أنك تغص ولاتلقى أحد يطق ظهرك

* أنك تتفرج على اجتماع دول مجلس التعاون الخليجي

* أنك تلبس نظاره وسخه

* أنك تشوف فـلم .. وواحد جنبك يقولك القصة

* أنك تمسك خط وفيه ذباب بسيارتك وأنك تفتح الدريشه ولا يطلع

* أنك تسوي فيها متابع مع الدكتور وتتوهق ويسألك سؤال وماتقدر تجاوب

* وانت بالطيارة يجيك إسهال .


أعتقد إنها ترفع الضغط ولا لا ؟؟؟؟

أرجو منكم المشاركة والتفاعل


للامانه والصدق منقوووووووووووووووووووووول[/align]

[برينسيسه]

هههههههههههههههههههههههه

مشكوووووووووووووره

بصرااااااااحه
رووووووووووووووعه

[bee cool]

أنك تدخل المسنجر .. وما تلقى ألا اللي ماتبيهم

خخخخخخخخخخخخخخخخخخخخخخخخخخخخخخخ

هذي اعاني منها كثييييير


يعطيك الف عافيه على الموضوع

تحياتي

[هــــــدgggلــــــــــه]

أعتقد إنها ترفع الضغط ولا لا ؟؟؟؟
مو ايه الا اييييييييييييييييييييييييييييه

cry_girl
مشكووووووووره الله لايحرمنا منك يالغلا عن جد معانات

[أسير المشاعر]

هههههههههههههههههههههههههههههه

مشكوووره اختي والله يسعدك

متشوق لجديدك

أسير المشاعر

[cry_girl]

شكرا لمروركم على
الموضووووووع
دمتم بود
تقبلو تحياتي
cry_girl

[عازف الحرف]

تدرين وش بسوب انا
اذا صارلي شئ من الحاجات ذي وش بسوي
<<<جاك القوي>>>د
والله اني لانتحر

[cry_girl]

أخوي راعي مزاج
مشكووووووووور
على مرورك الطيب
ودمت بود