شي يبط الجبد .........

[LATO∫A]

1- تبط جبدي الاشكال الغريبه اللي قمنا نشوفها بالديره واللي على ويوها نقط خضر من عقب ما بطلوا الحدود مع اشقاءنا بالدوله المجاوره

2- يبط جبدي اللي يسافر بره ويقعد مع البنات الخياس ويصورهم ويشبه فيهم الممثلات على كيفه ولا يكتب كويتية استح على ويهك

3- تبط جبدي البنت اللي من تدش المسنجر واهيا بالخارج تنام واهيا بالخارج تطلع واهيا بالخارج شلون بالله شابكة من رادوا السياره حضرتج سوي بلوك وفكي عمرج

4- تبط جبدي الهبه اللي هابين فيها مالت ريجيم دشتي الصبح خضره وبالليل دهون لحم ودياي شنو اسد واذا ماكو شي تمشيها جبن تقول فيران وجان زين نافع عاد

5- يبط جبدي اللي يقول الجريمة زايده بالديره اي شوفوا اول من قاعد يسوي الجرايم اول بعدين حكموا واللي ماله داعي قلعوا بره الديره يبه والله حاله

6- تبط جبدي البنت اللي ترقمها وتدق عليك بعد شهرين وتقولك عرفتني تقول لها لا والله تقول اييييي اكيد عندك وايد ياعمي روحي موتي بس

7- يبط جبدي الاهبل اللي انت واقف على اللفه وناطره يطوف واخر شي اللوح يلف واهوا مو طاق اشاره و دك تاخذ فوق تحت وتنام ابمردانه

8- تبط جبدي محطة الغناء العربي اللي بين 500 دعاية حطولك اغنيه بالله اي غناء عربي هذا اشوه انهم سوو محطة المرينا88.8 عشان اطيح سوقهم

9- يبط جبدي لي رحت مطعم وصار المنيو مالهم بالانجليزي وليييييييه حق الوهقه عاد من امه ادور كلمة ستيك ولا همبورجر اظمن شي

10- يبط جبدي لي قعدت تسولف بالمسنجر ويقعد يمك واحد رزل ويتبع الكلام اللي تكتبه لالالالا وقوات عين بعد مرات يقولك ارجع ورى شوي طافني الكلام

************************


11- تبط جبدي البنت اللي لي صار الولد ما يبيها وتقوم تسويله سحر عشان بس يلزق فيها ترى والله حرام

12- يبط جبدي تصرف بعض الشباب اللي لي تعرف على رفيجة رفيجة الا يبي يدور عليها من ورى وين الصداقه وين الاخوه يا لوح

13- يبط جبدي المدير اللي اييك اخر الدوام ويتسلط عليك ويعطيك شغل وانت قاعد تتخيل شكل الغدا بالبيت لما ترد

14- تنبط جبدي لما يتروالي ان الجو برد بره وتلبس صوف ولما تطلع تلاقي الناس لابسين صيفي ونص جم من امه داش اقرب محل وشاري تي شيرت عن الفشله

15- تنبط جبدي لي طلبت من مطعم اكل وانت حدك يوعان ولما توصل عند الدوار وتبطل الجيس ولا الحمار ناسي يحطلك كتشب ولا مخلل اااااااااااه يا قلبي عكر المزاج

16- يبط جبدي اللي فاهم الدين غلط ويقعد يخرب بديرتنا على بو ان جهاد ياخي روح اطلع بره جاهد شكو تصروع الناس

17- يبط جبدي اللي يدق عليك تيلفون ولما تشيله تلاقيه يكلم اللي يمه يعني انا حدي بزي اي شكو داق يا بل جيتس

18- تبط جبدي الهبه اللي هابين فيها يلزقون لزقة هاردروك 1و2و3 على السيارات عاد من زين المطعم الله يزيد النعمه شارع المطاعم ارحم منه

19- يبط جبدي اللي يلزق في بالبنت عند الاشارة الا تشغلين البلوتوث برقمج ياخي لي الاحراج بالله تيلفونها بشار القديم

20- يبط جبدي لبس البنت وخصوصا المتحجات تنانير قصيره وبنطرونات جينز مجفوسه وتحتها بوتات تقول عبدالرحمن العقل في مسرحية السندباد البحري

************************


21- تبط جبدي العيوز اللي مسوية اشتراك بصالون وما تخلي شيره ولا حف ولا سشوار واهي عمرها الف اشتبييييييييييين ناقصين زحمة بالصالون

22- يبط جبدي الطابوق الاحمر اللي بالارض بمرينا كريسنت جبال كوستا خنت حيلي البنات لي مشوا عليه تقول يرقصون بريك دانس والكعب يولي لووووول

23- يبط جبدي النخل اللي حاطينه داخل المرينا ليش مادري تقول داش جنقل لاند مو المرينا ناقص بس جم اسد وتكمل السالفه ياخرطي والله

24- يبط جبدي لي قالوا في كويتي ويشجعون على شراء المنتج الكويتي عاد جان زين شي سياره ولا جهاز اقصاه عيش وقوطي دهن ومعكرونيه المطاحن ام هلال خخخخخخخخ

25- تبط كل وحده عندها تيلفون بوكاميرا عسى ما شافت ان رسم عينها حلو صورت عينها وحطتها بالمسنجر لوووووووول اخاف المبرقعه بس

26- يبط جبدي الواحد اللي لي كنت مشغول حدك او متضايق ويدق عليك واحد مطول على المسجل يقولك اسمع اسمع هالاغنيه.....من امه معطيه الدقمه الحمره بالموبايل

27- يبط جبدي لي صار جبالك بالشارع سيارة قرمبع ولي يت عند المطبع تصير رزريـــز ياعمي امش مشاك بطنك

28- تبط جبدي اللي مو حاصل لها ريل ولا زواج وتتكلم عن امور الزواج وكيفية التعامل مع الريل اقول روحي الله يستر عليج بس

29- يبط جبدي اللي يقول انا خلاص بعتزل النت ياعمي روح موت النت علم بحر قول بعتزل المسنجر والجات مو النت يا العليمي

30- يبط جبدي اللي لي شاف بنت خربانه سيارتها وقف لها على طول واهوا ما يفهم شي بالسياره تلاقي يشيك على الدهن الحبيب لوووووول ياروحي على الشهامه

************************


31- تنبط جبدي لي دقيت على 101 وترد عليك الموظفه واهيا تطقطق بالعلج تقول داق على طقاقه بتحجز حق يلوه مو مكان حكومي

32- يبط جبدي لي مشيت بالشارع وتلاقي باص ولا شاحنه تتسابق معاك لالالا ويبتون بعد اللوح حده راهي الاخ

33- يبط جبدي لي كنت دايس بتلحق على الاشاره وشبت صفره وجدامك واحد من ربع مياه وبوالكلام ويكع بريك جدامك اووووووف ياخي رووووووح مافي كاميرا وثول

34- تنبط جبدي لما تسوي بلوك حق احد بالمسنجر ويكون عنده كاشف البلوك ويدزلك ايميل يقولك سويت لي بلوك يا النذل لووووووول ياخي افهم دمك ثقيل

35- تبط جبدي البنت اللي حاطه لها 3 تيلفونات اثنين منهم مو بسمها وتسولف مع الشباب براحتها واللي يعجبها تحوله على تيلفونها الخاص لووووول نجحت بالاختبار

36- يبط جبدي الابو اللي يسأل بنته وقت اسبوع المرور شفيج يا يبه تعبانه جنج ميده اوديج الطبيب اي قولي شفييييييج ياعمي افهم افهم علامك حنه على البنت ليش الاحراج خخخخخخ

37- تنبط جبدي لي صورة صوره وانت حدك كاشخ واخر شي مصورينك وانت مغمض ولا توك بتغمض تعال شوف الويه استغفر الله,,,, كل من المصور لي ما يعد 123

38- يبط جبدي اللي يشتري تيلفون نوكيا ويخلي اللزقه مالت الشاشه قرن ما يشيلها على بو ان يمكن ابيعه ويكون شكله يديد يامال الفقر

39- تبط جبدي موضه الجينزات اللو ويست اللي هابين فيها الشباب تقول قاعد يسوي دعاية حق صرواله المبكر خخخخخخ

40- تنبط جبدي لي صرت ماشي في امان الله وجدامك بنت ويصادف ان اهيا صافطه يمكن واخر شي تلتفت عليك وتقولك خير اخوي في شي ليش لاحقني لوووول

************************


41- يبط جبدي اللي تلتفت عليه بالاشاره واهوا حاط ايده بخشمه واهوا يدري انك قاعد تشوفه وهم مستمرررررررررر في التبري الوصخ لالا ويطالعها بعد

42- يبط جبدي اللي يلبس دشداشه مخصره واهوا جسمه يالله من فضلك حق لوعت الجبد بس

43- يبط جبدي لي طلعت ويا واحد بالسياره وغصب طيب الا تسمع الاغاني اللي اهوا يحبها وانت من داخل ودك تحذف الشريط بالشارع

44- تنبط جبدي اذا نزل معاشك وخلص وبخاطرك تشتري شي والفيزا والماستر مفولين مافي مجال تسحب منهم اعتقد راح تتذكر حنان الام حزتها لوووول

45- يبط جبدي لي رحت السينما وقعد يمك واحد مرته ما تلحق على الترجمه ويشرح لها بصوت عالي تعال فجج عاد

46- يبط جبدي لي سألت واحد شلون الفلم يا فلان قام وسردلك قصته كلها وحرق عليك الفلم وكلش ولا يقولك البطل مات

47- يبط جبدي لي صرت مواعد الربع بالقهوه وتدق عليهم يقولون لك بنروح الصالحيه ولا ستاربكس وانت لبسك تقول راعي البيبسي خخخخخخخ

48- تنبط جبدي لي لحقت بنت واهيا اتبوسم ولما ترقمها وتتصل عليك تقولك ممكن تعطيني رقم رفيجك اللي يمك هممم اعتقد انك ماراح تطلع معاه مره ثانيه

49- تنبط جبدي لي قالولك انك معزوم على الغدا ولما تروح ولا الغدا كله زفره وانت ما تواطن الزفره اشكره مقزرها رقي وتمر ولي طلعت منهم مريت ماكدونلدزززززززززز

50- تنبط جبدي لي طلبت خدامه وقعدت تنطرها دهر ولما توصل من اول شهر يدقون عليها يقولون ان ولدها متوفي وليييييييييييه شهالحظ الدايخ

************************

51- تنبط جبدي اذا بديت اطول اضافيري عندي عرس ولا استقبال ويوم العرس ينكسر واحد ولا يتسلط اللي بالنص اهوا اللي ينكسرخخخخخخ للبنات

52- يبط جبدي اللي لي دقيت عليه ويقولك دقيقتين ويدق ويدق عليك بعد اسبوع

53- يبط جبدي اللي عينه حاره واهوا يدري بهالشي ويتفاخر فيه واذا طلب منك شي جنه يهددك ياتسويه ولا يصكك بعين اعوووووذ بالله

54- تبط جبدي الياهل اللي تلزق فيك بالمسنجر وتقولك انت شنو سيارتك وممكن توريني صورتك وشنو عايلتك والسؤال المليق شنو برجك نام عليج برجي قولي امين

55- يبط جبدي لي حطيت جلوس على شفايفي والجو صار غبار احس ان حلجي صار مخيم من الرمل خخخخخخخ تعال شوف تجكجك الرمل بالضروس-للبنات

56- يبط جبدي لي تصددت عن الواحد وما تبيه يشوفك واهوا غصب طيب الا يبي يسلم عليك ويقولك هاااااا قاعد تنحاش ياخي افهم مالي خلقك الله ياخذك

57- تنبط جبدي لي دقيت على البنك بشوف جم في رصيد بحسابي ولي يت حزت اللي بيقول رصيدي قاموا يصارخون الخمه اللي يمي وما ااسمع شي

58- يبط جبدي الهندي مال محطة البنزين لما اقوله صب ب 3 دنانير ويخلي الهوز ويروح ولا واصل 5 دنانير عمه بعينك انشاءالله بالله ماعندي شلون

59- تبط جبدي اللي تحطلك صورة ممثله هندي بالمسنجر مو معروفه وتقولك هذي انه اخر شي شايفها بفلم وتحس انك عبيط لوووووووول

60- يبط جبدي اللي لي رحت تسحب فلوس ويلزق وراك لقافه الا يبي يعرف جم رصيدك

[LATO∫A]

- يبط جبدي الهندي مال محطة البنزين لما اقوله صب ب 3 دنانير ويخلي الهوز ويروح ولا واصل 5 دنانير عمه بعينك انشاءالله بالله ماعندي شلون

لوووووووووووووووووول هذي مليون مره صارت فيني ....

بس اشواا قدرت اتلاحق عمري خخخخ

[عازف الناي]

بالفعل فيه اشياء من جد تقهر من جد

بس ثانيه مره انزلي من السيارة وصبي بنزين انتي اضمن لك خخخخخخخخخخخخخخخخ


مشكوره

[LATO∫A]

عازف الناي

انا اصب حق عمري ؟؟؟ ماعرف خخخخخخخخخخخخخخخ

شرفني مرورك ...

[برينسيسه]

21- تبط جبدي العيوز اللي مسوية اشتراك بصالون وما تخلي شيره ولا حف ولا سشوار واهي عمرها الف اشتبييييييييييين ناقصين زحمة بالصالون



هههههههههههه

ياكثرهم في الصالونات من جد يقهرون

مشكوووووووره على الموضوع اختي

[ميـــــرنا]

تسلم ايدك والله يعطكي العافية
لطوفة يا قمر
تحياتي

[LATO∫A]

برنسيسه

هههههههههههه

شرفني مرورج ...

[LATO∫A]

ميرنا

شرفني مرورج ...