نصائح للبناااات للي منقهرين من التمااااسيح ؟؟؟؟

[الـ غـ مـ وض]

عندي دروس خطيره لا تفوتكن يا بنات .. شوفن اللي مقهوره, واللي تبي تنتقم , واللي تبي ترفع ضغط التمساح تتبع خطوات المقيدة

هالخطوات والله يقويكن...........


*** عند التلفزيون ***

لا صارت فيه مباراه , والاخ متحمس اقطعي هالحماس وشلون؟! انا اقولتس .. شوفي اذا صار مبقق عويناته وماهو يم احد يعني لو تجيبين صاروخ تفجرينه قدامه مالتفت لك اعرفي انه منسجم , هنا بس تقومين بشغلتس.. وتسوين نفستس بنت سنعه وروحي جيبي قطعة قماش وبخاخ للتنظيف واوقفي عند التلفزيون وامسحي الشاشه ولا تعطينه فرصه يشوف زين ,

لا قال: ابعدي. قولي مانيب فاضيتلك بنظف وامسح ، وبعدين روحي جيبي المكنسه واكنسي المكان اللي هو فيه وحاولي من لحظه للحظه تكنسين قدام التلفزيون وغطي عليه.. ولا يهمتس احد.. واذا قال: ابعدي لاصنتس على دميجتس بالكاس قولي معصي بيجون ضيوف . . العبي عليه حتى لو مو جايكم احد , والا سوي نفسك جالسه وتذكرتي ان الكيك بالفرن احترق ناقزي لين توصلين للفيش وامصعيه برجولتس ولا تلتفتين وراتس ..


*** عند النوم ***

لا صار التمساح يشخر.. نكدي عليه نومه وشلون؟! دخلي عليه بزارينكم على بزارين جيرانكم وصكي الباب عليهم وخليهم يلعبون بغرفته ويناقزون على راسه .. تخبرين اطفالنا احباب الله خخخخخخخ

والا تعالي وهو في سابع نومه وارجفيه ذيك الرجفه اللي يفز مايدري عن نفسه الا وهو جالس وبكل برود قوليله نبي نروح للسوق

<======= يمديكم على هالبرود؟ خخخخخخ


*** مع الشله ***

ذي ما يبيلها جهد ولا تعب, اذا شفتيه جالس هو وأخوياه طلعي راستس من باب الشارع وقوليله فلااان أمي تبيك لو يصلون عليك بنفس اليوم ترى مالي دخل

*** اذا المزاج صفر ***

اذا شفتيه ماله خلق ومو رايق ومقفله معه لا تخافين بالعكس هذي فرصتك تنتقمين منه يعني تحرشي فيه خلي دمتس ثقيييييييييل بالمزح بس انتبهي في هاللحظه راقبي حركات يده لان ممكن يصك أي شيء قدامه بوجهتس ولازم تصيرين مجهزه مفتاح الغرفه.. ماتدرين السالفه يا غالب يا مغلوب خخخخخخخخ

المهم.. اضحكي على شكله والا على جلسته والا على لبسه .. هو بيقول ترى مانيب رايق وضفي وجهتس, انتي لا تسكتين قوليله واذا ماضفيت وجهي وش بيصير عاد هو بيقوم ويوريك وش بيصير على سنع انتي في هالوقت اقضبي اول درجتين توصلتس لغرفتس وطلي عليه من فوق وقوليله ههههههههههههاااااي اهم شيء رفعة ضغطك وقومتك من جلستك

<===== يلعن ام المبزره

عادي .. عادي ولا صرتي بزر وش فيها اهم شيء تحقيق الغايه اللي هي (( تفجير الامبير )) خخخخخخخخخ


*** وقت الطقاق ***

لا جاء يوم وبراستس حرش وتبين تطاقين انتي والتمساح لازم تجهزين نفستس من كل ناحيه:

1/ اللبس: لازم تلبسين ترنق خخخخخخخخخ علشان يسهل الركض والمطامر وتفركين من يده بسهوله

2/ الشوشه لازم تلمينها وتسوين حفله براسك ذاك اليوم تحطين انواع الشباصات والمغاطات وانتبهي ولا خصله تنزل منتس, وياليت يكون ذاك اليوم حاطه براستس حناء علشان مايتجرأ ويلمس شعرتس <==== ابن أمه يجيب مثل هالتفكير

3/ مفتاح الغرفه ولميه الاحتياط واجب

4/ جمعي لتس كم زبيريه وخليها على جمب

اذا بدت المعركه حطي راستس براسه ولا تبينين له انتس خايفه وبققي عويناتس فيه وقوليله وش براستس عاد هو هنا بيقولتس هذا اللي براسي طراااااااااااخ الا ومخمس مصفي طبلونه , لا تستسلمين عطيه بوقس على عيونه الثنتينعلشان مايشوف الدرب وحطي رجلتس ومن عند الدرابزين طلي عليه وقوليله ان كان فيك خير قابلني هو بيستشيط وبيجي التمساح يقابلتس مايدري انتس اذكى منه , هالحين جاء دور الزبيريات اللي جمعتيها وبدووون رحمه .. واضربي فيه ليييين تضربين

الارض من تحته . وعلى طووووووووول لغرفتس اللي مجهزتن مفتاحها من قبل واقفلي عليتس .. ويادار مادخلك شر بس نصيحه اقعدي يومين لايشوفتس ولا تشوفينه لانه يبي ينتقم لكرامته وبيوريتس حق الله فيتس

وبسسسس.. هذا اللي اتذكره اذا فيه اساليب جديده ماراح ابخل عليكن يا حلووووات...

واتمنى تطبقين هالتعليمات وهذا وجهي ان تحداتس أي تمساح على وجهه الارض خخخخخخخخخخخخ ومالي دخل
لو طلعلتس صعرور والا طلع بعيونتس الوان الطيف والا ماسلم فيتس ضل


عااد ماادري اللي تبي تسوي هالطرق وتتبعها ..<<<تتشهد قبل ماتسوي اي شئ


تحياتي dkhan


مـــــــــــــــــــــنــــــــــــــــــــــقــــ ـــــــــــــول ,,7

[$ دلع $]

مشكووووره اختى
على الموضوع العسل

[الـ غـ مـ وض]

يسلمو دلوعتنا عالمرور


ولا اوصيتس


الله الله بالنصايح والتطبيق الفوري لها

هههههههههههههههههههه

[ولد العروبه]

هههههههههههههههههههههههههههههههههه
==========
هين والله خليها تحاول تسوي معايا هذي الاشياء لارميها مع الطاقه<<<<<<يلعن ام العنف الي عندك
========
ويلتك عندي غموض لرميكي مع السطوح<<<<<يالله كل هذا حقد
========
يسلووووو الغمووض والله لا يحرمنا منك ومن مقالبك

[عازف الناي]

اوووووووووووووووووووووووووووووووووف

كل هذي نذاله خخخخخخخخخخخخخخخخ

بس ابشرك ماتحرك شعره منا نحن الشباب ياسحالي خخخخخخخخخخ

[غرووووور]

هههههههههههههههه
غمووووض الله يرج ابليسك موتيني ضحك
لا والله ذولي تمااااسيح والله يخلووونا سلطه ..

بناااااااااات لا تتهورووووووون .. ترا بتوديكم بداهيه

[الـ غـ مـ وض]

ولد العروبة


ابي رقم اختك

بقولها عن طرق خاصة للتعامل مع ذوي الاحتياجات الخاصه

ههههههههههههههههههههههههههههههه

[الـ غـ مـ وض]

عازف الربابه


ومنكم نستفيد



انتو اهل الخبرة بالنذاله

ههههههههههههههههههههههههه