(( * ( الغمّـازتـين ) * ))

[رمـاد الشـوق]

إهداء لكم

..............................................

أي والله انـي ضايـق ومرهـق ومخنـوق وحزيـن
وإما بموت مـن الولـه ولا بمـوت مـن القهـر ..

واللـي لعـب فـي حسبـة ايامـي وخلاّهـا سنيـن
إني على ذا الحال يا شعري لي اكثـر مـن شهـر !!

بعت ( المدينه ) لجل ( عين ) وقالـوا الخافـي يبيـن
ودفنتك ( بجوفي ) وقالوا وش بقابـك مـا ظهـر ؟!

يا مطوّل الغيبه يا طـول الشـوق .. ميـر الله يعيـن
العاشق اللي عـاش ظامـي بيـن عـدّك والنهـر .!

يا صاحبي لو تعتـذر عـن غيبتـك عـذرك سميـن
حبك بعد ما غبت عـن عينـي تمـادى وازدهـر ..

من يوم شفتك ( والنعاس ) بعينك النجلا ( سجيـن )
ومن نفس ذاك اليوم و عيوني ( سجينه للسهـر ) !!

علقتنـي بالضحكـه اللـي تسـبـق .. الغمازتـيـن
وتركت لي شاعر !! كتب فيك القصايـد واشتهـر ..

سيّلـت دمعـك واستبـاح الدمـع ستـر الياسمـيـن
وعلمتنـي كيـف النـدى يجمّـل خـدود الزهـر !!

ليتك عقـب مـا غبـت غيّبـت اشتياقـي والحنيـن
أو ليتني ما قد دفعـت احـلام عمـري لـك مهـر ..

وياصاحبي .. لاعاد تسألنـي عـن الحـزن الدفيـن
أقسى الطعون : ( الطعنه اللي من حبيب و فالظهر ) !!


..............................................

و سلامتكم

قصيده ماعرف شاعرها بس أعجبتني وحبيت انقلها لكم .

تحياتي ;;

[بعيد الارماس]

وياصاحبي .. لاعاد تسألنـي عـن الحـزن الدفيـن
أقسى الطعون : ( الطعنه اللي من حبيب و فالظهر ) !!

وانا اشهد


قصيده رائعه وجزله .. صح لسان شاعرها

وتسلم يمناك رماد الشوق أجدت بالإختيار وأبدعت بالطرح

لك أطيب تحيه وتقدير


إحترااامي

[رمـاد الشـوق]

بعيد الارماس

صح بدنك بالنيابه عن شاعرها ..

الله يسلمك و الحمدلله ان القصيده ارتقت لذاقئتك أخوي ..

الف شكر على مرورك و تقبل تحياتي ;;

[$$عطر الكلام$$]

يسلمووووووو رماد الشوق

قصيدة رائعة صح لسان شاعرها

ودمت للانتقاء المميز


لكن مكانها بقسم كنوز الشعر الخاص بالمنقول من القصائد

شكرا لسعة الصدر

دمت بود

[رمـاد الشـوق]

$$ عطر الكلام $$

الله يسلمك ..

صح بدنك نيابةً عن قائلها ..

بصراحه مادريت عن قسم كنوز الشعر الا بعد ماكتبت الموضوع و حاولت احذفه من هنا بس ماقدرت لكن سامحونا هالمره بإعتبار اني ضيف جديد على قسمكم

لكن خلاص عرفت الطريق و ان شاء الله المشاركات القادمه بتكون في مكانها الصحيح ..

الف شكر اختي على مرورك الكريم و تقبلي تحياتي ;;

[@ الفهد @]

علقتنـي بالضحكـه اللـي تسـبـق .. الغمازتـيـن
وتركت لي شاعر !! كتب فيك القصايـد واشتهـر ..

سيّلـت دمعـك واستبـاح الدمـع ستـر الياسمـيـن
وعلمتنـي كيـف النـدى يجمّـل خـدود الزهـر !!

اقسم بالله مبدع
وتراني استحيت اكتب شعر
بعد مامريت على هالابداع
الله لا يحرمني منك
تحياتي لك

[رمـاد الشـوق]

@ الفهد @

حياك الله أخوي و الحمدلله ان القصيده اعجبتك و ارتقت لذائقتك ..

مشكور على مرورك الكريم ..

تحياتي ;;

[كيوت GIRL]

ليتك عقـب مـا غبـت غيّبـت اشتياقـي والحنيـن
أو ليتني ما قد دفعـت احـلام عمـري لـك مهـر ..

صح لسان شاعرها

الف شكر رماد على انقل المميز :)