؛×؛ضــرابـــــه بـيـن شــيــبــه و عـيــوز؛×؛

[حبسيه]

السلام عليكم و رحمه الله و بركاته

شحالكم ان شاء الله بخييير!

ضرابــــه بيـــن شيــبــه و عــيــوز:::


الشيبــــــــــــــــــــــه:
قلبي شباب ولازم اني اعرّس .. مابا العيوز اللي اتوسّد على الباب
الخير وايد وانا ماني مفلّس .. عندي فلوسٍ تدعم البنك في الحساب

العـــــــــــــــــــــيوز:
ما باقي غير خشمك وهالضرس .. تبغي تعرس وانت غادي شالغراب
جابل صلاتك الله يشفيك م المس .. والاّ ترى باطب ويهك بالتراب

الشيبـــــــــــــــــــه:
إنتي عيوز وأكلج الروب والخس .. اما انا ماكل سوى تكه و كباب
ما فيني سكر غير ضغطي نازل بس .. دام الهوى فيني ترى كل شي طاب

العيــــــــــــــــــوز:
لا بارك الله فيك يا الشيبه يا النحس .. ما تيبك الرمسه ولا ايبك اعتاب
قصرلي صوتك مابا اسمع ولا حس .. عطني طلاقي وانجلع واقبض الباب

الشيبــــــــــــــــه:
دومك نحيسه وذا لسانك يبا قص .. ربي ترى حلل لي اربع بالكتاب
هذا خميس الاعمى يا كم عرس؟ .. مرتاح في الدنيا بل اهم واعصاب

العيــــــــــــــــوز:
بطران وراسك كالصخر يابس وعص .. مالوم طبعك يوم ربعك هالكلاب
غادي شرا الاريل.. ودومك اتحيّس .. استح على ويهك.. أصلع ولعاب

الشيبـــــــــــــــــه:
فكيني من ويهك ترى مالي أي نفس .. زهقان من شوفك وابغي لي أحباب
هذا طلاقك طالقه اربع وخمس .. شلّي طلاقك من ضميري بلا احساب

العيـــــــــــــــــوز:
مشكور يالشيبه ومن دون أي دس! .. عندي حبيب ما ابتعد لحظه وغاب
يشريك ويبيعك تراه ابثمن بخس .. ما تسوى ظفره .. حلوٍ اسمر وجذاب

الشيبــــــــــــــــه:
يالله قبل لا موت منك واغتص .. طلعتي لي قرنٍ وراسي بعد شاب
يا شينه البرقع ترى قدرك اختس .. عيوز ولك في الدنيا خلان واحباب

العيــــــــــــــــوز:
مثلك تراني وهذا لك في العمر درس .. لاني أميز بين شيبه وشباب
والا نسيت اني على الموضه ألبس .. ما علموك اني بلا شيله وحجاب

ههههههه وحليلهم ويا ضرابتهم
ان شاء الله استانستوا و انتو تقرون ...

تحياتي

سعادة السفيره

حبوووووسه

[amane]

ههههههههههههههههههههههههههههههه
كتير حلوه الموضوع حبسيه
عجبتني هاي
العيــــــــــــــــــوز:
لا بارك الله فيك يا الشيبه يا النحس .. ما تيبك الرمسه ولا ايبك اعتاب
قصرلي صوتك مابا اسمع ولا حس .. عطني طلاقي وانجلع واقبض الباب

ههههههههههههههههههههههههه
حبسيه دايمن تقدمي كل شئ جميل وحلوه
ومهضوم

الله لا يحرمني من مواضيعك
الحلوه

مع ارق التحيات
اماني

[حبسيه]

اقتباس   المشاركة الأصلية كتبت بواسطة amane ههههههههههههههههههههههههههههههه كتير حلوه الموضوع حبسيه عجبتني هاي العيــــــــــــــــــوز: لا بارك الله فيك يا الشيبه يا النحس .. ما تيبك الرمسه ولا ايبك اعتاب قصرلي صوتك مابا اسمع ولا حس .. عطني طلاقي وانجلع واقبض الباب ههههههههههههههههههههههههه حبسيه دايمن تقدمي كل شئ جميل وحلوه ومهضوم الله لا يحرمني من مواضيعك الحلوه مع ارق التحيات اماني

هلاااااااااااااااااااااا وغلاااااااااااااااااا

اماني

الله يسعدج يارب

ونورتي التراااث ياعمري

تحياتي لج

[%ساحرالكلـ@ـات%]

تحياتي لك اختي حبسيه وكل عام وانت بالف الف خير
يسلمووووووو على هذا النقاش اختي العزيزه
واحب ارد بلسان حال الاثنين معا
ما لي غير عجوزي تداويني ------ لو شح دواي ما غيرها يكفيني
هذا الشايب
يسلم شايبي من كل عيبه ------ خيمه وعلي يذرف من عطوره وطيبه
هاذي العجوز
بعد هذي المناقشه وجب التصالح
وختلاف الرئي لا يفسد في الود قضيه
ههههههههههههههههههههههههههه
شكرا جزيلا اختي السفيره
انهيتها لك ما عاد يتشاجرون ثاني توبه

[الأيام]

حبسيه

يعطيج الف الف عافيه يارب

تسلمين على هذه المحاوره الرائعه بين شيبانا وعجايزنا الله يرحمهم ويخلي الموججودين يارب

لج الف الف تحيه

[حبسيه]

اقتباس   المشاركة الأصلية كتبت بواسطة %ساحرالكلـ@ـات% تحياتي لك اختي حبسيه وكل عام وانت بالف الف خير يسلمووووووو على هذا النقاش اختي العزيزه واحب ارد بلسان حال الاثنين معا ما لي غير عجوزي تداويني ------ لو شح دواي ما غيرها يكفيني هذا الشايب يسلم شايبي من كل عيبه ------ خيمه وعلي يذرف من عطوره وطيبه هاذي العجوز بعد هذي المناقشه وجب التصالح وختلاف الرئي لا يفسد في الود قضيه ههههههههههههههههههههههههههه شكرا جزيلا اختي السفيره انهيتها لك ما عاد يتشاجرون ثاني توبه

هههههههههههههههههههههههههه

والله مساكين الشوااااااااب

تسلم الساحر على كلاماتك الجميله

وتواصلك الاجمل

تحياتي لك

[حبسيه]

اقتباس   المشاركة الأصلية كتبت بواسطة الأيام حبسيه يعطيج الف الف عافيه يارب تسلمين على هذه المحاوره الرائعه بين شيبانا وعجايزنا الله يرحمهم ويخلي الموججودين يارب لج الف الف تحيه

الايام

الله يعافيج يارب

اللهم آآآآآآآآآآىمين ياعمري

تسلمين على روعة حضورج