عهد الطفوله

[النجم البراق]

عهد الطفوله

ليلي أعيشه بين ذكرى وتذكار
وعيد ايام مضتلي جميله

أرجع ورى لسنين فاتن لي كثار
وارتاح انا لو مابهن لي حصيلة

أذكر زمان الامس من طين لي دار
في وسط حيٍ به بيوت قليله

حيٍ قديم تحيط به عدة اشجار
وطفله معي تلعب زمان بضليله

علمي بها تجمع معي طين وحجار
ابني وهي تلقط حصى في شليله

اركض وراها ما تحريت معيار
طفلٍ بري ماخاف قالاً وقيله

ونجلس على تل من جدار منهار
ونحكي حكاوي الف ليله وليله

ثم انتقلنا مرحلة سن الأكبار
وحطوا موانع بيننا مستحيله

واليوم حنا في تصاريف الاقدار
وان جيت يمه جيتي له ثقيله

أخشى هروج الناس واخاف الانضار
مرضى عليها بالحكايا الطويله

يكفيني أني صنت حبه بتذكار
ما خون حبه والليالي كفيله
وسلامتكم

[رماد]

ويل حالي انا كذا اضيع

أهنيك على طلاقة لسانك ووصفك الجميل