زلقت حبة الشمري

[رمـاد الشـوق]

اليوم جايب لكم قصة مثل مشهور في الجزيرة العربيه

" زلقت حبة الشمري "

مثل يستخدم اذا وقع الفأس بالرأس !!

ليش سويت كذا يا فلان ..؟؟ والله زلقت حبة الشمري

حبة الشمري كلها جت من “بصري الوضيحي” الشمري والقصة تقول:

ان بصري الوضيحي راح يحج ويتوب الى الله ..وان يتوب عن التغزل والغزل ..كونه مشهور بالغزل .. وبعد كبر سنه نوى ان يتوب ..
طلب من ابنه لكي يحججه ... وبعد ما سعى وطاف طلب من ابنه ان يحب الحجر الاسود .. ولكن الحجر الاسود كان مزدحم من الناس ...رجال ونساء ... والرؤوس متقاربه بعضها لبعض .. فتزاحم معهم بصري وابنه .. وعندما وصل الى الحجر ويريد حبة الحجر ... اعترض بينه وبين الحجر ...خد بنت جميله كانت تريد حبة الحجر ... وفي هذه اللحظه السريعه انبهر بصري الوضيحي من لمعان خد البنت وبدل مايحب الحجر حب وجنة البنت ....فقالت له البنت حج حج ياشايب .... وحاول ولده أنه يرقع الموضوع قال هذا شايب تايه(مهذري) ...فخجل الوضيحي وقال يابعد حيي زلقت الحبة ابيها بالحجر وصارت فيك ...وصار هذا مثل (ازلقت حبة الشمري)

وقال القصيدة :

التايه الي جاب بصري يقنه ... هيض جروح العود والعود قاضي

جينا نحب ونطلب الله جنه ... جنة نعيم يوم يابس الحاضي

ياليت كانت حبتي في معنه ... يوم العيون عن الخوامل غواضي

يامن يعاوني على وصف كنه ... اشقح شقاح ولاهق بالبياضي

الريح لازفرة ولاهي مصنه ... ريح النفل بمطمطمات الفياضي

والخد ذابوح القلوب المرنه .... براق مزنٍ لاعق اللون ياضي

ياليت لو سني على وقم سنه ... بايام مابيني وبينه بغاضي

أيام جلد الذيب عندي محنه... نصبح وزرق الريش لهن إنتفاضي

ياجرح قلبي جرح وادي وطنه .... غر المزون اللي وطنه وفاضي

البيض قبلي محسنٍ عذبنه... ونمر على وضحى جرا له عراضي

والبيض كم ٍ واحد ٍ يبسنه .... يبسة شماشيل العذوق النفاضي

عزي لمن غر الثنايا كونه .... واركن على كبده كوايلٍ عراضي

الا ارتوى بستان قلبي سقنه... واخضر جنابه عقب يبست الحاضي

القلب غضات الصبايا شعنه .... بنت الشيوخ مخدمين الحياضي

شوفي بعيني والخدم يركبنه .... على زعاع يوم قوطر وناضي

فوق اشقح من زمل ابوها مضنه ... ركبة عليه اتشنطح ٍ باعتراضي

وامشجر من سوق هجر مغنه ... على خياطة نابي الارداف راضي

وين انت يامشفي على طردهنه ... انا طويت ارشاي وقفيت قاضي

انا صدرت ووردهن عقبنه .... على العدو مشرعات الحياضي

احد بوسط النار واحد بجنه .... وترى البخيت اللي له الرب راضي

كنه اسم البنت اللي حبها

______________________

ويقال بعد مارجع الوضيحي ندم على مافعل وقال: بيتين شهرين يتنااقله الصغير قبل الكبير :

ياليتنا من حجنــا سالمينــا ... كان الذنوب اللي علينا خفيفـــات

.

رحنا نبي نخفف ذنوب علينــا ... وجينا وعليها كثرها عشـر مــرات


اتمنى تكون القصه راقت لكم ولقيت استحسانكم ..

تحياتي ..

[نهار]

يعطيك العافيه رماد الشوق

وقصه وابيات حلوه واله يعين الشايب ويعينا لا شيبنا عسانا ما نزلق


الف شكر لك ومن احلى القصص الي قريتها

نهار

[هـتـان]

ياليتنا من حجنــا سالمينــا ... كان الذنوب اللي علينا خفيفـــات



رحنا نبي نخفف ذنوب علينــا ... وجينا وعليها كثرها عشـر مــرات





اكثر من رائعه يارماد

بالحيل نالت استحساني

لاخلا ولاعدم ياخلفهم

تحيتي

[رمـاد الشـوق]

نهار

الله يعافيك يا رب ..

فعلاً صدقت عسانا مانزلق لاشيبنا مع اني أحس نفسي قريب من الزلقه

الف شكر على مرورك الكريم اللي شرفني واسعدني ..

لك تحياتي ..

[رمـاد الشـوق]

هـتـان

الأكثر من رائع مرورك الجميل على الموضوع ..

الحمدلله ان القصه و القصيده نالت على استحسانك و هذا بحد ذاته يكفيني ..

تحياتي لك ..

[حبسيه]

رماد الشوق

حياك الله في التراث ياخوي

وسلمت يمناااااااااك على القصه الاكثر من رائعه

والابيات رهيييبه

ياليتنا من حجنــا سالمينــا ... كان الذنوب اللي علينا خفيفـــات

.

رحنا نبي نخفف ذنوب علينــا ... وجينا وعليها كثرها عشـر مــرات

عاد الاهل رايحين الحج وخابره اخوي من ها النوع فالله يهديه ويبعده عن الزلق

رماد الشوق

لا تحرمنا من جديدك

تحياتي لك يا خوي

[رمـاد الشـوق]

حبسية

الله يحييك يا سعاده السفيره ..

أهم شي تكون القصه والأبيات حازت على اعجابك ..

وبالنسبه لأخوك الله يهديه ترى الحين تغيرت الدنيا يمسكونه الشرطه وتصير فضيحته بجلاجل ماتسوى عليه

الف شكر على مرورك الجميل ..

تحياتي ..

[حــلــم]

والخد ذابوح القلوب المرنه .... براق مزنٍ لاعق اللون ياضي


هههههههههههههه خطيرة ....فديت الشمامرة كلهم