ديوان ابراهيم الجابر

[ابراهيم الجابر]

[poem=font="Simplified Arabic,5,blue,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
عشق النقـى


انالاكتبتـك شعـر صفقلـي الجمـهـور=تحلي قصيـدي وانـت نبضـه وعنوانـه
امدالوفى وتمدلـي مـن غـلاك جسـور=هوانا صعـب يذبـل وياصعـب نسيانـه
غرامٍ نشى بصدورنـا يـوم حنـا بـزور=فرحنـا وغنينـا وعشنـا علـى شـانـه
وسقينا رياض العشـق ليـن اثمرٍبزهـور=وحلمنـا وعلينـا صـروحـه وبنيـانـه
عشقنـا ولا خفنـا ليـال الزمـان تـدور=وعشـق النقـى شرعلنـا كـل بيبـانـه
امـوت بغلاهـا كنـي بحبهـا مسحـور=وقلبـي تـرك مـن شانهـا كـل خلانـه
تذوب خفوقـي سلهمتهـا بذيـك الحـور=ومـع همسهـا دمـي يوقـف بشريانـه
لهـا طلتـن تزهـر وخدٍشعـاع النـور=وليـلٍ تحـدر كاسـي العنـق وامتـانـه
ومبسـم نحـر صدرٍزهـا كنـه البلـور=عسـى الله يحفظهـا دعيتـه وسبحـانـه
الى منها غابت احـس الفضـى مهجـور=ويضيـق الفضـى والقلـب يزدادبركانـه
على بعدها دمعـي مطـر دايمـا منثـور=واصبـر خفـوقٍ مغـرمٍ زادت احزانـه
اهوجس متى ترجع وانا خاطري مكسـور=واذا جـت تبددحـزن قلبـي وحرمـانـه
انا لوجمعـت الحـب لعيونهـا معـذور=لان الجمـال ان شافهـا قـال ذي دانـه
ولا اسمع عذول بحبها ابداً(ن)ماطيع الشور=لان الغـلا فـي خافقـي بانـي اركانـه
واذا قلتهـا بالشعرصفقلـي الجمـهـور=احـس انهاهـي نبـض قلبـي وعنوانـه


ابراهيم الجابر [/poem]

[ابراهيم الجابر]

[poem=font="Simplified Arabic,5,blue,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]

غرورك



اجي تواضع وانت لاجيت تختـال=لانعنبو كبر النفـوس وغـرورك
الله يجيب لخاطري طولت البـال=واذوقك من بعض ظلمك وجورك
لانك على صدق الاحاسيس متعال=وابشرك بالحزن جا اليـوم دورك
ودي تذوق الي مضالي من افعال=واشوف دمع العين بهداب حورك
ان كان مابكيـك مانـي برجـال=واولعك واطفيك واشـب نـورك
قلبي عطاك اصدق مشاعر ولاطال=الاتجنيـك وجـفـاك ونـفـورك
ياما قضيت الليل والدمـع همـال=اراقب الساعه واطالـع لسـورك
وقضيت بالقسوه على كل الامـال=امدلك جسري وتطوي جسـورك
عقب الجفى لاترتجي مني اوصال=بجبر كسوري وانت جبر كسورك
مادام انا اجيك امتواضع وتختـال=رح دور الي بيتحمـل غـرورك



ابراهيم الجابر[/poem]

[ابراهيم الجابر]

[poem=font="Simplified Arabic,5,blue,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]

علمـوهـا



علموها ان الصدوداكبر جريمه=وعلموها بدونهامالـي حيـاه
وعلموها تصير في وصلي كريمه=وعلموها حبها مالـي سـواه
وانشدوها قصة الحب القديمـه=قلبها باقي على العهداونسـاه
وعلموهاوسط خفاقي يتيمـه=حبها صافي وقلبـي ماشكـاه
وعلموها حبها ببقـى زعيمـه=لونسانـي قلبهامنسـى هـواه
وعلموهاحالتي صارت سقيمه=والخفوق ببعدهاموتـه طـواه
وانشدوهاكان باقيله حشيمـه=تغفر الزلـه وصوهـا وصـاه
كان ماصارت على قلبي رحيمه=موت قلبي بيدها غايـة منـاه
لانها في وسط خفاقي مقيمـه=ساكنه وسط الحنايافي حشـاه
تسرح بقلبي وتسكن في صميمه=وبيدها سقمـه وبيديهاشفـاه
رغم تعذيبي بقت عندي عظيمه=مالكه قلبي وهي سبـة شقـاه
لونست قصة هوى عشقٍ قديمه=قلبي المجـروح حبـه مانسـاه
وعلموها كان تنوي بي جريمـه=موت قلبي بيدهاعندي حيـاه



ابراهيم الجابر [/poem]

[ابراهيم الجابر]

[poem= font="Simplified Arabic,5,blue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
شعري منزه


الـشـعــردلـــــه والــقـوافـي فـنـاجـيـل=وانـاتـقـهـويـت الـشـعـرمـن دلالـه
اشـرب فـنـاجـيـلـه وازودبـهـا الـهـيــل=واتــرك سـريـبـه واتــجــرع زلاله
لاعـنـلـي طـاروق اجــــر الـمـواويــــل=والـقـاف اشـيـلـه كـل ماجا مجاله
تـزاحـم ابـيـاتـه بـصـدري كـماالـسـيــل=اخـذ مـن الـصـافـي واخـلي خماله
شـعـري مـنـزه عـن هـل القال والـقـيل=مـعـروف ابـوجـده وعـمـه وخـالـه
ريـح الـشـمـال وجـــوهــا والـتـعـالـيـل=وصـدرالـغـلام الـي مـمـيـل عـقاله
وحومات فارس متعب السيف والخيـل=يـطـرب ويـسـكـرلـنـتخـوبـه رجاله
ارسـم مـن نـجـوم الـسـمـا تـالي اللـيل=والـبـيـت لامـن عـز ادور بـــدالــه
واسـهـرمـع الـنـجـمات واناجي سهيـل=والـفـكـر اسوقه لين يصفى خياله
يـامـا تـجـرعـت الـعـنـى مـنـه والـويــل=والـيـا عـصى المعنى تركته وفاله
مـرات يـــاصـعــبــه ومــرن تـسـاهـيـل=ومـرات احـلـحـلـهـا ويـفـتـل حباله
تـتـعـبـنـي الـفـكـره واجـيـهــا بـتـمـثـيـل=واصـور الـمـعـنـى وكـنـي قــبـالــه
ذي حـالـتـي والـشـعر عـندي فـنـاجـيـل=ارويت فـكـري والـحـشى من دلاله




ابراهيم الجابر[/poem]

[ابراهيم الجابر]

[poem= font="Simplified Arabic,5,blue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الـــشـــعـــر



الشعر سبك وحبك واسلوب واحساس=ومعنى وفن ووصف وافي وتعبير
وفكروادب واعلوم تبنى على ساس=ومنطق وحكمة واقعية وتقدير
وحشمة لذوق المستمع ترفع الراس=لاصار وافي مكتمل دون تقصير
الشعرالاول فيه حنكة ونوماس=وعادات ماترضى عليه اي تغيير
واليوم صارالشعرحبرٍ بقرطاس=سب وشتم واسلوب بايخ وتشهير
ماعم بس الغالبيه من الناس=تكتب شعرمن شان تكسب دنانير
احداً يغيص ويجلبه در والماس=واحداً غشيمٍ مثل من يشوي الطير
يدفن قصور القاف في قرع الاجراس=وتحس باللقائه غباوه وتخدير
والشاعر الي يكتب الشعر نبراس=يجمع زهر ويزينه بالنواوير
يطربك شعره لو معانيه لاباس=لاصار فيه احساس شاعر وتصوير
ويميزه شعره على كل الاجناس=ويوصل المعنى ولا فيه تقصير
والشعر صار اليوم عرضه للافلاس=من يوم صار ايدار شانه من الغير
والقصر لامن صار مافيه حراس=يصير عرضه دايماً للتدابير
قلته وانا فكري مشوش ومحتاس=ماني بشاعر بس ذا كان تحذير


شعر
ابراهيم الجابر[/poem]

[ابراهيم الجابر]

ودالخبر

وصلتني رساله قبل ايام عبرالجوال من صديق عزيز على نفسي وله مكانه غير عاديه والذي ابعدتني عنه ظروف العمل

واصبح تواصلنا عبر الاتصال او في ايام الاجازات فقط وقل ان نلتقي كما كنا من قبل لظروف العمل والحياة وبعد الديار

والرساله هي عباره عن ثلاث ابيات هي:-





[poem= font="Simplified Arabic,5,blue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ود الخبر يانديب اهـل الوفـا وده=لديار حرٍ يهوز الصيـد مخلابـه
ماكل من صد نسئل عن سبب صده=وماكل من غاب نبحث عنه بغيابه
الكفو نحسب حسابه زيـن ونعـده=ان غاب يفقد واذا ماغاب يدرابـه [/poem]



وكتبت هذي الابيات وارسلتها لهذا الصديق :-




[poem= font="Simplified Arabic,5,blue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
رد الخبر يانديـب اهـل الوفـا رده=للصاحب الي وفيـن دوم لصحابـه
قله ترى صاحبك غدر الزمـن هـده=والوقت الاقشر عليه مكشـر بنابـه
ماينعرف هزل هذا الوقت من جـده=ظهره وعصره وليلـه صارمتشابـه
وترى خويك لو ان اقشر زمن حـده=دايم وفين معـك لـو طـول غيابـه
يغيب لاكن ترى مايعـرف الصـده=مطلق حجاجه لجار وظيف واصحابه
ومثلك وفين يعرف الطيـب ويعـده=والطيب يجزى بطيب ونحسب حسابه
لودار فيـه الزمـن ماينكـر مـوده=من دون ظيفه وجاره ماقفـل بابـه
ماتملـك ايـدي والله عنـك مالـده=لو هو بعيد المدى نفـزع لمطلابـه
اناحزامـك بوقـت الليـن والشـده=يخسى شنب مطلب الاصحاب ماجابه
طيرك ترى حرفي وقت الهدد هـده=يقص لحم وعظم بطـراف مخلابـه
والله وحده يشيـل الـراس ويـرده=غيره ترى ياخـوي العمـر ماهابـه
وترى الخوي للخوي لو باحله سـده=لابد مايجتهـد فـي نيـل مطلابـه
ماكل من ياصلـك تاصلـه لاحـده=وماكل مـن عاتبـك تهتـم بعتابـه
هذا الخبر يانديـب اهـل الوفـا وده=وقله ترى صاحبك مانامـت اهدابـه [/poem]




وهذي الابيات التي ارسلتها لهذا الصديق اتمنا ان ترتقي لمستوى معزته وان تليق بذائقه اعضاءوزوارالخليج



ابراهيم الجابر