۩.... ديـــوانـ اسيــر الـ ـوجـ ـد ...۩

[اسير الوجد]

[poem=font="Simplified Arabic,5,red,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
اسيـــر وجـــد وزايــدات(ن) طعـــونـــي = تـــوي صــغير وبين براسي الشـيب
يالله انــا بحمـــاك شـــابت عيونـــي = يالله ياللـــي تعلم الســـر والغـــيب[/poem]

الســــلامـ عليكــم ورحمة الله وبركــاته


في البدايه احب ان اشكر كل القائمين على المنتدى سوا من ادارهـ ومن مشرفين واعضــاء
على الرقي في صرح من صروح الابداع حتى وصل المنتدى الى ماهو عليه الان والى الامــام انشالله .

واتمنــى ان مــا قدمته من قصـــايد وما ســأقدمه في المنتدى ان يحووز على اعجــابكـم


واي انتقــاد من اي شخص اتقبــله بسعة صدر


ولكم مني اجمل وارقـ التحــايا

اخــــ ـــوكـــم

۩ نـايف الحــربي ۩

۩ اســـير الــوجـــد ۩

[اسير الوجد]

۩ بالمنتــــدى ۩




[poem=font="Simplified Arabic,5,blue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
بالمنتدى بشكي هموم طـوتــني = ولاحد يلوم اللــي شكى ضيم دنــياه

دام السنيــن الغـابره ظالمـــتني = وش حيلة اللي من سنــينه تــبلاه

علمــتها من هو انا وعـلـمــتني = وشلون يفقد غــالي شخـص اغلاه

بفرقى حبيبي فرحتي فــارقتــنـي = لا واعذاب القلـب من ضيم فرقاه

الوجد اسرني والليالي احرمــتني = شوف الحبيب اللي خفوقي تمــناه

الوجد اسرني والظروف احكمتني = حسيـــبي اللي كل خلـــقه تــرجاه[/poem]

[اسير الوجد]

۩ ايـــه بــدوي ۩



[poem=font="Simplified Arabic,5,blue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
ايه بدوي يابنت الاجـواد رحّـال=لاشان وقته ماتراخـت عزومـه
ماهمني طردة هل القيـل والقـال=ولارضيت بعزة النفـس سومـه
يابنت انا وان شفت ماشفت رجّال=مايشتكي لو هي تكاثـر همومـه
لو هي همومي هدت بضيمها جّبال=ولو الحزن بانت عليّـه رسومـه
الوجد اسرني ودنيتي ليلها طـال=اخاوي القمـرا واسامـر نجومـه
قالت تمنى قلت تحقيقهـأ محـال=قالت علامك قلت قـد راح يومـه
ايه اسمحي لي مابقى شي ينقـال=وشاعرك هذي هي اخر علومـه
لاترتجي رجعه ولاترجي وصـال=روحي ترى كل الامور محسومـه[/poem]

[اسير الوجد]

۩ تـــذكــ1ر۩


[poem=font="Simplified Arabic,5,blue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
راحت وخلت لي مع الليل تذكـار=راحت وانا مابين طـاري وطـاري
صرح (ن) بنيته يابن الاجواد وانهار=وقدام عيني شفـت فيـه انهيـاري
اضحك مع العالم وانا داخلي نـار=وفراقها اللي طـال هـز اعتبـاري
اسامر نجوم السماء لوقت الاسحار=وهموم قلبي بيـن بايـع وشـاري
لاعاد تسال ليه وشلون وش صـار=ماني بـداري بـس مانـي بـداري
تمشي بنا الدنيا على كـف الاقـدار=لا باختيـار الزيـن ولاباختيـاري
ولاصرت انا في دار والغالي بدار=وشلون ماشكي غربتي وسط داري [/poem]

[اسير الوجد]

۩ يـاســعــد ۩


[poem=font="Simplified Arabic,5,blue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
ولاواعـــذبي ياسعد كل ماطريت= ذكرى تضيق وسع هالكون فـــٌيه

لا واعـــذبي ياسعد كل ما اوحــيت=صوت يشابه صوت ذيك البنيـــٌه

صوت سمعته ياسعد ثم فزيـــــت=فزة خوي(ن) ينتـخي به خويــــــٌه

تطري عليه كل ما اصبحت وامسيت=ويضيق صدري يوم تطري عليـــٌه

السالـــفه مابـــين يمــكن ويالـــــيت=يمكنـــــها زلـــت ويمـــكن بريـــٌه

حبــــيتها من قلب ولعــــيونها جــيت=وارسلت لها اشواق قلبي بوصـيٌه

وعلمتهـــــا اني من عــناها تعنــــيت=وعلمتها عن ساس كل القضـــيٌه

وقالت نـسيت الحـــــب والا تنــــسيت=وخذ العنا بدنيـــاك مني هـــديــــٌه

سالــــــتها يابنـــــــت انا ويش سويت=وليه العذاب المر حـــكمك عليــٌه

صـــدت وانا من عزة النفـس صديت=ومات الغلا وقلوب الاحباب حـــٌيه

بكيت من حرقة عنا القلب وابكـــيت=كل الجـــــــروح اللي بقلبــــي خفيه

الوجد اسرني وعـــايش بالتنـهاهيت=وضيعت ثلاث سنين ماهي شويــٌه

يمكن خطاي بدنيــتي يوم حبـــــــيت=ويمكن خطاي اني على طيب نيــــٌه

واذا وصلكم علـــــــمي اني توفـيت=قولــــــــو رحمه الله رب البـــريــٌه[/poem]

[اسير الوجد]

۩ يا شــوق ۩


[poem=font="Simplified Arabic,5,blue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
ياشوق انا مليت من كثر ما اشتـــاق= وزادت جروح القلب من لوعة الشوق

لــيه تحكم باعــــــدام قلبي بالفـــراق=مدري لقيت بحب غيــــري لك فـــروق

انا عــطيــتك قلـــب بالحــب خــفـــاق= واهديت لك دمع ســـــكن داخل الموق

وعطيتني جرح سكن وسط الا عماق=وخليت قــلبي من عنا البــــعد محروق

وسع الفضـــا يامنيتي بعدكم ضــــاق=اغني بالوان الـــحزن كل طـــــاروق

اكتب واردد صرخـتي فوق الاوراق=ابيات اكتبها من الشــــوق ياشـــــوق[/poem]

[اسير الوجد]

۩ الليــالي القديمــات ۩



[poem=font="Simplified Arabic,5,blue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
لامـن تذكـرت الليالـي القديمـات=يالايمي وشلون مـا اشفـق عليهـا
يدور فكـري بيـن ذيـك المحطـات=وكل مـا انتهـا مشوارهـا ابتديهـا
كنت اتحـدى هالزمـن بأبتسامـات=تلعب بي الدنيا وانا اضحـك عليهـا
ولعيون ريـم أهـوّن المستحيـلات=واكبر همومـي بـس منهـا وفيهـا
كانت تقول اكتب بي يانايـف ابيـات=وماتدري ان قافـي عجـز يحتويهـا
هذا وانا بقافـي بنيـت الحضـارت=وعجزت اوصف بس لمسـة يديهـا
واليوم كل شي (ن)تعدى وقضى وفات=وراحت وانا محتار وشلـون اجيهـا
راحت وخلت لي مع الليـل سجـات=اوقـف علـى ميعادهـا واحتريهـا
منهـا تعلمـت ابتـداء النهـايـات=ومن قبل لا ابدى خطوتـي انتهيهـا
يالايمي ماهـي سوالـف وهقـوات=وش حيلتـي مـادام قلبـي يبيـهـا
ببقى على ذكرى الليالـي القديمـات=وكل ما انتهـى مشوارهـا بابتديهـا [/poem]

[اسير الوجد]

۩ قــالت عــلامكـ ۩


[poem=font="Simplified Arabic,5,blue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
قالت علامك؟؟ قلت يابنـت محتـار=قالت وش الاسباب؟؟ قلـت الغبينـه
حظـي تـردى والزمـن يالغلاجـار=وعمري غدت يابنت احلـى سنينـه
قالت تحب ؟؟وقلـت بالقلـب تذكـار=حبٍ مضـى يابنـت وينـي و وينـه
حب بناه الوقت مـن يومنـا صغـار=واليـوم يهـدم مـا بنـاه بيديـنـه
اسير وجد وولع الشـوق بـي نـار=وزادت معانـاة الخفـوق وحنيـنـه
وسط الجبيل وعايـش بغربـة ديـار=اقاسـي الحرمـان فـي هالمدينـه
قالت علامك تشكي من ضيم الاقدار؟؟=قلي وش اللي صار بينـك وبينـه؟؟
حكم القدر يابنت وصار الـذي صـار=وقلـبٍ طـواه الهـم ربـي يعينـه
واختامها لاجتك عـن نايـف اخبـار=قالـوا توفـى والسبـب تعرفيـنـه
قولي رحمه اللّه عدد وبـل الامطـار=يرحمه مـن كـل البشـر عابدينـه [/poem]