أقـول أشــره على قــلــبي

[كل الإحساس]

[frame="7 80"]أقول أشره على قلبي .. وأشوم أبرك عن أشكالـك
لأنْ ذاك الهوا اللي مات يشرفـك.. مـا يشرّفنـي
ولأن( أكبر فخر لأرضك) وطت رجلي على جالك
وأنا أدري خطوتي بدربك تزيدك.. بـس تنقّصنـي
هقيتك شخص متعافي.. وعقلـك.. طوقـه عقالـك
هقيـت إن مرجلـة جـدك ف دمـك تبتطمّـنـي
هديتك.. للأسف حبي.. وحلمي.. لحظة بوصالـك
حفرت إسمك وسـط ذاتـي.. يشتّتنـي ويلملمنـي
كتبتـك أجمـل أبياتـي وقلـت الشعـر يزهالـك
همست بمسمعك عشقي... بغيتك (حـب) تسمّعنـي
لقيتك (مـا معـك ذمـة) وسيفـك يقطـع حبالـك
تخون بعشرتـي.. وخنجـر خياناتـك... يقطّعنـي
خيانة... كانـت الشعـرة لظهـر بعيـرك الهالـك
ومات الحب.(( لابو الحب..وغرام(ن) فيك جمّعني))
خسارة فيك..حتـى الذم...خسـارة بـك وبأمثالـك
((وترى حتى الهوا نفسه.. علـى حبـك يأنّبنـي)) [/frame]

[!@ولد@الكويت@!]

صح لسانج عديمه

وتسلم يمناج على الكلمات الحلوه

وماقصرتي ياغاليه

[كل الإحساس]

يسعدلي مساك ياولد الكويت ويسلم من قال

ومشكور يالغالي على مرورك

[انـ ج ـال]

ولأن( أكبر فخر لأرضك) وطت رجلي على جالك

الله روعه

سلمتي ودمتي وصح الله لسانج ..

يعطيج العافيه ..

[كل الإحساس]

سلم من قال وصح ابدنج يالغاليه

ويسلمو على مرورج


:)

[سلطان الدوسي]

الظاهر عشان افهم القصيدة لازم نسمعها بصوتك

حاولت افهم بعض الجمل والكلمات فلم استطع
القصيدة اختي غير موزونة لأسف

حقيقة لم افهمها

خيانة... كانـت الشعـرة لظهـر بعيـرك الهالـك ( وش ذا )

هقيـت إن مرجلـة جـدك ف دمـك تبتطمّـنـي ( بيت ثقيل جداً عند قرأته )وهذا يدل على خلل في القصيدة

أقول أشره على قلبي .. وأشوم أبرك عن أشكالـك ( وش تقصد بكلمة اشوم , وبعدين ابنعدنا عن الفصيحة الى النبطي عشان يكون سهل وواضح ومفهوم المعنى وكلمات سهله وسلسه موكذا )

لن اطيل ولكن انا متابعك يا كاملة الاحساس

تحياتي

[$$عطر الكلام$$]

غاليتي عديمة الاحساس

قصيدة بديعة ورائعة وجزلة

دمت للانتقاء

يا ليت بعد اذنك نكتب على المنقــول منقـــول

ودي وتقديري

[كل الإحساس]

يسلمو اخوي سلطان لو اقدر قلتلها لك بصوتي هههههههههههههههه


ويسلمو اختي عطر وانشالله يالغاليه


مشكورين


:)