تغطي يا بنت هذا سعووووووووووودي ؟

[مشاعل البندري]

السلام عليكم ورحمه الله وبركاته


مشاهد يوميه تحدث بمجتمعنا واحببت ان اشارككم النقاش بوجهه نظر شخصــيه انه موضوع

مهم وربما احد سبقنـي بطرحه ولكــن لعل كثره الطرح والنقاش يصحي بعض الضمائر او يولد

شراره التوبه والرجوع الى اللــه ..

كالعاده شي بالعين تصدقه أكثر إذا كنت تكذب كلام الناس وهذا هو الواقع نبدأ الجوله

شــاهـد وشاهــدي !!! ( موجهه لكـ ولكي) ..


تغطي يابنت هذا سعودي !!

طيب السعودي حرام والأجنبي حلال !!!

الموضوع صريح ويتحدث عن واقع نعيشه

وهنا بانقل لكم بعض المشــــاهد

المشهد الأول ...

فتاه تتحدث مع أحد العمال الأجانب وتأخذ راحتها معه بالكلام والنقاش ويدخل سعودي تغطي

كأنها ما كانت تكلم رجال مثله مثل اللي دخل وتغطي يا بنت سعودي.


المشهد الثاني ..


إمرأه تخرج للسواق أو العامل في المنزل بملابس عاديه لا عبايه ولا اي ستر بحجه أنه أجنبي

عادي تكلمه بدون ما تتغطى عنـه أو أي شي يكـون ساتر بينـهم ولو دق الباب سعودي قالت

تغطــي يا بنت سعودي.


المشهد الثالث ..



بنت تطلب عشاء من أحد المطاعم وطبعا يجيبها عامل توصيل الطلبات تخرج تستقبل وتأخذ

منه الطلب مع الشكر والتقدير ولو كان سعودي احد الاطفال راح يطلع له .. وتغطي يا بنت

سعودي.

المشهد الرابع ..

مجموعه من الفتيات في أحد المجمعات أو في أي مكان يريدون ان يسألوا عن شي صادفوا

شخص لابس جينز وقميص لو سمحت يرد سمي اوووه آآآآسفين وتغطي يا بنت سعودي ..

ياويلي طلع سعودي ..

المشهد الخامس ..


وقفـو الليموزيـن بيروحون للسوق وهات ياكلام واخبار والأجنبي مستمع ومنصت حرفاً حرفاً

وطبعا صارت جميع اسرار العوائل لديه مع الأسف .. ولو وقفو ليموزين وطلع سعودي

هذي اخرتها نركب مع سـعودي مانعرف نتكلـم .. لا لا شكراً اخوي مانبي نروح .. نركب مع

سعودي ايه هيــن !!

وغيرها من المشاهد لاتــعد ولاتحصــى ..


طبعا كل المشاهد تحصل عند بعض الأب والإخوان وشي عادي لو شاف بنته أو أخته تكلم

أجنبي عكس لو شافها تكلم سعودي .... مع الاسف يعتبره من مظاهر التحضر والتقدم ..

ان يكون الأجنبي داخل المنزل بل استغنوا عن الطباخه بطباخ والسائق يصل لأخر المنزل ..

وليس جميعهم لكن !!!!!

الا من رحم ربي والقليل جدا جدا ..

قد يكون هذا التصرف عن غباء أو جهل إلخ .. يعني من الممكن أن تكون هذه الفتاه على

خلق ومحترمه لكن مالقت من يوجهها إن معامله الأجنبي لازم تكون زي معامله السعودي

ومعامله أي غريب ..!!

اعذروني اخواني واخواتي هذا الواقع الذي نعيشــه .. والله مانقلت لكم المشاهد الا انا

شاهدتها بنفسي والاكثــريـه شاهدوهـــا .. !!

المشكله والله ..( هندي + فلبيني + باكستاني + لبناني+ أندنوسي))عادي مولازم تغطي هذا

أجنبي ..

( سعودي) يؤ يؤ يؤ يؤ مصيبه ياكبرهــا عند الله .. لايفضحنـا بكـره بس !!

وكأن المصائـب لاتخـرج غير من السـعودي ..!!


اتمنــى اعــرف رايكــم بصراحـــــــه ..... ؟؟؟

ملاحظه:
لم أضرب مثلاً بالسعودي كونه تحيز ولكن كوني أعيش في هذه البلاد ولي منظوري

[مملـgggggح]

[align=center]لا لا خرطي هذ1 ماهو موجود عندنا ..


يكفي تخريب سمعه


بنات الحمايل مايسون كذ1


يكفي كذب علينا ..


السعوديات يخافن الله مع سعودي وغير سعودي ..


ياليت يحذف الموضوع لان اصلن المشكله غير موجوده عشان نناقشها


خلاص خلصت المواضيع مالقيتو غير بنات السعوديه[/align]

[.. ليدي السكر ..]

شكراً لك مشاعل على طرح الوضوع ..

وصحيح و الله عندنا مشاهد مثل اللي قلتيها و أكثر بعد ..


طبعاً أنا أخالف مملوح في الرأي ..

وليش ينحذف الموضوع .. أنت ما شفت مثلهم ...حنا شفنا .


مره ثانيه مشكوره مشاعل لطرح الموضوع
إلى اللقاء

[انـ ج ـال]

مـشــاعـل فعـلا صـح الكـلام اللي قلتـيـه مو بـس بالسعوديه بالنسبه لكل الـدول

فيـهــم مـثـل الحـالاتـ

يعطيكم العـافيـه .

[نزف الابداع]

[align=center]خلصت المواضيع كلها
تركتوا الأحتلال وتركتو الشيعه بأنتهاك لحقوق السنه بالعراق وخليتو كل شي
ورجعتو للسعوديين والسعوديات

على العموم هذه وجهة نظر ولازم أحترمها مثل مو لازم تحترمون وجهت نظري

بس حبيت ابين لك شي معين يا أختي بندري
الكلام اللي تقولينه هذا صحيح موجود ولا أنكر وجود هذا الشي في بلدنا الطاهر أرض الحرمين الشريفين بس تأكدي عزيزتي بندري أن هذا الشي غير موجود عند العوائل الأصيله
ولكن موجود عند العوائل الذين ليس لهم عروق وأصول قديمه بهذه الأرض
وليس كل من حمل الجنسيه السعوديه اصبح سعودي

لكن ثقي أختي ثقه تامه نحن نعرف من يقوم بهذه التصرفات

والحمدلله أن هذه التصرفات لا تشكل نسبه كبيره في بلدنا الغالي

وأهم شيء أنها تدلي بجلبابها اذا رأت شخص سعودي لأنها تعلم أن السعودي لا يقبل هذا الشيء

ولك فائق تحياتي[/align]

[مشـاعـل الخـالـد]

اهلين البندري

طرحت هذي القضيه اكثر من مره


صدقيني الشي هذا قليل يصير ومثل ماقالو الاخوه ان صار يصير عند المتجنسين

مو بنات القبايل



والله يالغلا

اخوي لو بس ارفع صوتي بالبيت انادي امي وعندنا مثلا عامل كهربا يصلح او اصحابه

يطلع عيونه يطاير منها شرر وده يذبحني يقول ارخي صوتك فيه رجال شفيك انتي


كمان لو اروح السوق مايركبني السياره لو حجابي مو تمام سواء قدام اجانب او سعوديين

وسيارات الاجره ياويلي ياسواد ليلي لو افكر انا وبنات اخوي نطلبها

ننطق بالسوق الين يجون اخواني طبعا معانا ولد اخوي عمره 15 سنه مانروح لحالنا

السوق

طلبات من مطاعم انسي اي شي نبيه اخوي يجيبه لحدنا مانتعامل معاهم

واشيا كثيييير ذكرتيها مو موجووووده عندنا



نادرا جدا تلاقين بنات كذا ولمن تسالين عن عايلتهم تلاقيهم من البيت الفلاني
مو من القبيله الفلانيه.. مع ان فيه كمان من العوايل هذي ناس محافظين


بس شتقولين دايما الشر يعم


الف شكر

[مشاعل البندري]

مشكورين حبايبي

يعطيكم العافيه

لكن هذا ليس حكرا على المتجنسات فقط بل على الجميع

السوء عمره ما يخص فئه معينه ابدا

في كل مكان الزين والشين

وما حد منزه عن الغلط مهما طلع او نزل



والله يهدي الجميع

[شــوق*]

مشكورة على الموضوع لكن بقول مثل ماقالو اللي قبلي
هذا الشي نادر وقليل وجودة اللي يخاف من الله سواء مع سعودي او غير سعودي