][][§¤ديــــوان¤§][][شمــــوخ][][§¤الذاتــــــ ¤§][][

[شمــــوخ]

احبتي سوف اقوم بتجميع ماكتبته ووضعه بهذه الزاويه

اتمنى ان تنال القبول ولكم جزيل الشكر........

{1}

{{احيان يطري علي}} أحيان أقول أفلها مثل غيري لكن يعاكس دربي الوافي أحيان هو من متى ماطرت ياحلم طيري خسارتك ياحظ ليه .. صرت تعبان معاد أبعرف وش نهاية مصيري ضاعت جهاتي راحت أشكال والوان أروح من ناري الى زمهريري لا دافين قلبي ولا صار بردان ياما شكيت الصعب من خط سيري والدرب ماينظر لرجلين حفيان وين انت قلبي فاقدك ياعشيري ياوافيٍ لاخان فلان لفلان والله ماغيرك احسه نصيري غط بيديك الحانيه حلم عريان تعال وادخل في متاهة ضميري تعال ياأصدق ويا أفضل انسان ابي استشيرك لاخذلني شويري ابي دفا حضنك اذا خانت أحضان امير قلبي والزمان واميري بعدك يصير العمر من جد زهقان رجع ورودي رجع أحلا عبيري أرجع ورجع خافقي مثل ماكان مع تحياتي شموخ

{2}

{{بوح المشاعر}} يفداك قلب بين الاضـلاع محتـاس مذهول من بوحك والذوق ساحر احييت فيني من لواهيب الاحسـاس و جددت في عيني جميـع المظاهـر دقيت في قلبي نواقـس الاجـراس و جاوبتك بنوح عـن النـاس ساتـر ياهووه انا من لوعة الحب وجـاس مارخصت في بوحي ولو قيل شاعـر اخفي خفا روحي عن ظاهر النـاس اخاف من هرجـة جهـول و ماكـر لاشك اخفي لوعتي بيـن الاقـواس بين الضلوع ولو تفيـض المحاجـر لي عز ما يرضى يبيّح بالاحسـاس لي عز مـا يرضـى بحبـه يجاهـر اخاف ماله بالوفـى اقـرب النـاس اخشى مجرد بـوح باحسـاس عابـر ابي وليفي صادق (ن) لي على ساس ما ني من اللي بالوهم بات ساهر ارجي وليف(ن) ارفعه بهامة الراس لو جارت الدنيا لـه اقليـب صابـر ماني من اللي كلمته كـذب وادلاس عيبي وضوحـي صادقـه بالمشاعـر ان كان حظي جايد(ن) لي فلا بـاس وان كان دونه ما رتجي حب خاسـر هذاقراري واضـح لـك بقرطـاس هـذا قـراري واضـح للنـواظـر مع تحياتي شموخ

[شمــــوخ]

{3}

{{وداعة الله قلتها دون ترتيب}} لحظه قبل لاتطلب البعـد وتغيـب وتنهي معـي مرحلـه مـن حياتـك اخذ الهدايا ؟ والصور؟ والمكاتيـب دامي خسرتك ... ماأبـي ذكرياتـك يمكن يكون فراقنا رأي.. ومصيب خيره كتبها الله جتنـي ... وجاتـك تعكرت بالعين صـاف المشاريـب حتـى قطـار الحـب روح وفاتـك مادمت مخطي وفي عينك مصيـب معجب بترتيب الحكي فـي صفاتـك شفني مقدره عند عكف الاشانيـب مانيب بمن تومي عليه.... بعصاتـك عداني وانا بنت النشاما عن العيب والحرص واجب فيه تلقـى نجاتـك اعرف عوى دوني الفهـد والذيـب وانا بعد شفت برحيلي ... مناتك جاني كلامك حار مثـل الملاهيـب غيرت ظني فيـك وغيـرت ذاتـك تراني ابعيده عن الشـك والريـب فوق الثريـاء عاليـه فـي سماتـك إن كان ماعديـت روس المراقيـب ماني كفو اصلـن تنادينـي غناتـك ماحسبت ظني فيـك بيـوم يخيـب ولاحسبـت لـي هـذي مجازاتـك الله يعلم خافي السر .... والغيـب ويعلم قبل تكتـب وتنطـق شفاتـك رح للفراق اللي تركنا ....مصاويب شمت اعداتي قبـل تشمـت عداتـك وداعـة الله قلتهـا دون ترتـيـب خلاص حتـى لـو تغيـر صفاتـك الله معك رح.... وين ماودك تغيب هذي حياتك وانت حر .... بحياتـك {شموخ}

{4}

{{برود المشاعر}} جيته وأنا في خافقي نبض وأحساس جاني وهو يشكي بـرود المشاعـر يقول أنا عنده مثـل باقـي النـاس وأقول لوتـدري أنـا بنـت شاعـر ربيت في بيت الوفا عالـي السـاس والله ماأستاهـل بكسـر الخواطـر إن كان تجهل في هلي قلت لابـاس والعلم عنـدك وأنـت للعلـم خابـر كان الغلا رحمه كست باقي النـاس مايستوي نخليـه خلـف السواتـر ذنبي أنا إنـي أحبـك بـلا قيـاس ياحلو ذنـب صـار للعقـل ساحـر عطني قرارك بس واعطيك الاحساس يفداك قلبـي وأنـت للقلـب تآمـر {شموخ}

[شمــــوخ]

{5}

{{البدايــــــــه}} نبتـدي مـن ويـن بـدك نبتـدي من هنا نبـدا..وياطيـب البدايـه برسمـك بشعـور قلبـي وبيـدي واكتبك بالشـوق عنـوان وحكايـه في عيوني أنـت شوقـي وسعـدي وعند شوفـك زادت افراحـي هنايـه قبلـك الايـام والـوقـت .. الــردي والزمن والنـاس زادو فـي عنايـه ماعرفـت العطـر ...والـورد النـدي والهوا مـا... اعـرف أنـه هوايـه الحـزن جانـي بسرعـه ويعـدي وراحت احلامـي وجابتلـي شقايـه ضاع صوتي بيـن ونــــات رعـدي من حيا نفسي رجع صوتـي صدايـه ماعرفـت أنـي مواليـد الـجــــدي لين شفت الحـظ حطـم لـي ثوايـه كنت اعيش اليوم ماحسب وش غدي لين صرت أرضي وصرت اعلى سمايه مع تحياتي شموخ

{6}

{{وقال : القلم}} يـا قلـم بالله ارجيـك اتـروى لا تطـري نـزف ذيـاك الجـروح ريح الخافق عن السالي بسلـوى و يا قلم ارتاح من هم (ن) و نـوح خل قلبي بالسلى يطفيه ضـوى عن هوى من شاد في قلبي صـروح ياما قلبي بالقسى منـه تكـوى يشرب الاهـات مـن خلـه تفـوح من غلاته صارلي بالجوف بلوى صادق( ن ) بالود و ياخذه بمـزوح جيتهم بأمـال فرحـان تهقـوى بالغـلا يرويـك بهجـات وفـروح قال القلم لياك تظهـر لي بعنـوى لولا غلاهم ما بـدي منـي النـوح هذا نصيبك ياخفوق (ن ) تعنوى ما لك مناص دونهم ويـن بتـروح اعنز على اللي مايخيبك رجوى و اسمع كلام (ن) بالعذل قلب نصوح مع تحياتي شموخ

[شمــــوخ]

{{اهوى الشعر}}

اهوى الشعر... والشعر أجمل هوايه=واكتب هواياتي شعور وقصايد هو فرحة ايامي وبلسم شقايه=لوما الشعر...همي وحزني طرايد بنت وكتبت الشعر حرف وروايه= على بساط المعرفه حبل جايد والشعر للشعار محكوم غايه= في غايته تبنى البيوت الجوايد ياللي بوسط القلب شوقي وصايه= عسى يجي مضمونها لك فرايد لاغبت غاب النور وأظلم سمايه=في ديرة ماهي لهمي عوايد اناظر الساعه بحرقة عنايه=واحسب ثوانيها بشوقي قلايد مدري وش اللي صار وشهو بلايه=يوم القوافي للمواجع تزايد تعبت من بعدك حبيبي غلايه=لاتبتعد وتزيد للهم كايد ابا انتظر وصلك... مزودعنايه=ابا انتظر واعلن تباشير عايد نهايتك عندي وانا لك بدايه=عنوانها بالبنط مثل الجرايد شمـــــــــوخ

[شمــــوخ]

{{مرتني طيوفك}} ياقصيدي صب قهوتك لضيوفك وشب دلتهم على رهف المحاني وياوليفي والبياض اللي بجوفك ارتوى فيض السحايب وارتواني اعتبرني دفترك!! واجمل حــــروفك امسح اسمي لو تبي واكتبه ثاني والنقط بدموع عينك نهج شــــوفك هاتها فوق الحروف اصدق معاني والقلم من راحة ايدك عن كفوفك لو نزعته قلت لك نازي انــــــاني انــــــاني انــــــاني انــــــاني ياغلاي بخط يدك اشرح ظـــروفك !! شانك اللي متعبك ياشوق شاني ماعليك ان طال مع وقتك وقوفك قبلك اتعبت انتظاري في مكاني مرت اعوام احتري بالوصل نوفك وكلما قربت من وصلك عصــاني نار!!! مع برد وظما كنت بعــــزوفك ودي اروي منك ياكلّ الامـــاني لو طلبت العذر مايعذرك خـــوفك ماعدا لو جيت تسأل عن مكاني وانتبهمن احتمالاتك وسوفك ياعقاب اللي بلا بيّك بـــــلاني الوعد قرب وياخوفي يطـــوفك والندم ياخذ من ايامك زمـــاني ثم يتساوى بك النور وكسوفــك لوذكرتك وقتها لأقطع لســـــاني ودامني اتمناك واتشوق اشوفك لاتصد اللي دعاك وقد دعــــــاني واعتذر لو تكــــــرّم من طيـــوفك امس مرتني وتناثرت بمـــكاني والشكر كل الشكر لأجمل حروفك دوم تبحر بي على كل المواني ياقصيدي صب قهوتك لضيوفك وشب دلتهم على رهف المحاني وياوليفي والبياض اللي بجوفك ارتوى فيض السحايب وارتواني اعتبرني دفترك واجمل حــــروفك امسح اسمي لو تبي واكتبه ثاني والنقط بدموع عينك نهج شــــوفك هاتها فوق الحروف اصدق معاني والقلم من راحة ايدك عن كفوفك لو نزعته قلت لك نازي انــــــاني ياغلاي بخط يدك اشرح ظـــروفك شانك اللي متعبك ياشوق شاني ماعليك ان طال مع وقتك وقوفك قبلك اتعبت انتظاري في مكاني مرت اعوام احتري بالوصل نوفك وكلما قربت من وصلك عصــاني نار مع برد وظما كنت بعــــزوفك ودي اروى منك ياكلّ الامـــاني لو طلبت العذر مايعذرك خـــوفك ماعدا لو جيت تسأل عن مكاني وانتبه من احتمالاتك وســـوفك ياعقاب اللي بلا بيّك بـــــلاني الوعد قرب وياخوفي يطـــوفك والندم ياخذ من ايامك زمـــاني ثم يتساوى بك النور وكسوفــك لوذكرتك وقتها لأقطع لســـــاني ودامني اتمناك واتشوق اشوفك لاتصد اللي دعاك وقد دعــــــاني واعتذر لو تكــــــرّم من طيـــوفك امس مرتني وتناثرت بمـــكاني والشكر كل الشكر لأجمل حروفك دوم تبحر بي على كل المواني

[النجم الثاقب]

الله يسعد حياتك
اعجبني الكثير من الصور الشاعريه ومنها
اناظر الساعه بحرقه عنايه _واحسب ثوانيها بشوقي قلايد
بس بصراحه اكثر ما اعجبني اهتمامك بقصايدك والله تمام عليك
ما دامنا نسهر وللعين سهده_
حتين سود محجر الجفن بالعين.
ونرسل مع التحنان والشمع ورده_
ونعطر الجلسه بالازرق من اثنين.
نشري السعه والعمر ياصل لحده_
هي هيه ياكثر الورق والدواوين.