ياسر التويجري فوق المنافسة

[طماطة]

ياسرالتويجري شاعر معروف لكني لم أعرفه أنا إلا من مدة بسيطة ما أقول إني أفهم في الشعرلكن أحب قراءة الأشعار الخفيفة التي تفهم بأبسط العقول طبعا مثل عقلي وهذا ليس تقليلاً من مستوى الشاعر لأن القصائدالتي قرأتها له تشهد له بأنه شاعر عظيم
في شاعر المليون لم أهتم بأن أتابع هذا البرنامج لكن حصل لي موقف جعلني أرى هذه الحلقة من وقد أعجبني هذا الشاعر بموقفه وزاد اعجابي به قصيدته التي لا تنافس وهو ترفع بشعره عن المنافسة مع احترامي لجميع الشعراء وهذه هي قصيدته


ولدت ساطي ومتغطرس وأحب الخصام
ولا أعترف في إدارة طبع ولا مدير

أوجدت نفسي من اللاشي والانعدام
نبذت فالمجتمع لاني صريح وفقير

ماكان تفكيري الا كيف أخطف السنام
والحمد لله خطفت اليوم كل البعير

إن لم يكن مركزي بالصف الاول أمام
ماعاد تفرق معي لو كنت قبل الاخير

الله أكبر ولله البقاء والداوم
وهو الاله الاحد وهو السميع البصير

أخذت من مدرسة أحمد عليه السلام
مالا خذيته من مخاوى وزير وامير

وأخذت من تجربة عبدالعزيز الامام
وش يصنع العلم لاخاواه سيف شطير

واخذت من فلسفة هتلر عدم للالتزام
وكسبت نفسي وريحت القلق والضمير

وابشرك حالتي دايم على مايرام
من ركعتين الصباح الين عقب الاخير

صحيح عندي تحفظ عند بعض الانام
مثل معمر وابو مازن وتوني بلير

لكن انا مااحب اقلل الاحترام
واذهب ضحية طموح الغرب وانا صغير

قومية المسلمين اللي عليها الكلام
راحت معا خالد وعمرو وعلي والزبير

الله ولا الذل والتخوين والانهزام
ياعابدين العروش الوضع جدا خطير

يابو خلف كيف حالك عل حالك تمام
انسى القصيدة وهات علوم اخوي الكبير

شيخ عرفته وتقريبا لي اربع اعوام
يومني اجيه لا جاير ولا مستجير

يشوقني له نشوق الوسم عقب الحيام
في صفرة جوها ماهو بفية هدير

الشيخ ابو خالد محمد عداه الملام
اللي يصير من الاصرار مالا يصير

حد الثماله اعزه لا علي الحرام
اني احبه وحبٍ لو درابه يطير

يطير مثل الوحش لاضف ريشه وحام
وحول على الذايره بالجو مثل المغير

ان الملوك اذا اعطوك حب وغرام
خلوك من سائر الخدام يعني خفير

الا انت ياراعي التقدير والاهتمام
ياللي رحمت الصغير وشلت هم الكسير

اذا البلاط الاميري والكنب والرخام
له شاعر يدهله في صبح والا عصير

فانا دهلت الثريا و القمر و الغمام
وحولت اداهل طرف مشلحك مالي خشير

كفرت بالناقصه والغدر والانتقام
وامنت باانك حزامي بالنهار العسير

من لايقدر ثباتك مع عكاك الزحام
ماهو بوالله مقدر ويش معاني جرير

ياراس عيطا يا مسك البدء قبل الختام
يالنادر اللي على صيد المكارم شهير

يالمهدي المنتظر بالحاجتين الجسام
المدة المسكته والاخذ بيد الضرير

ياسيدي ودي افهق لك ضلوع العظام
واعطيك شي بصدري وانت رجل خبير

ان تراني اعاني نوب من انفصام
يوثر على البرمجة في راسي المستدير

واصير احس اني البارود والا الحسام
في ساحة الشعر من تبوك لاقصى عسير

مما يسبب لبعض اعدائي الاحتدام
اللي يحسبون قرض الشعر مثل الشعير

والشعر وان كانه المقصود باول مقام
فالله يرحم ابو الطيب ويرحم زهير

روح التنافس وحب الشيخ والانضمام
ماهي بتعني لدى الكثرة نهاية مصير

والشاعر اللي معه عزوة خوال وعمام
تفداه وايل وترقب مستعدة مطير

والله فلا ينقهر والا يضيق ويضام
لاجاء اللزز والملاقى والقبس والنذير

وجمع الدراهم ماهي باكبر طموح الغلام
اللي جمع من قلوب الناس شي كثير

من حبني رغم تفويتي له الانخدام
واللي كرهني فهذا شخص ملعون صير

دام المعارك صغيره ماعلينا لزام
ينوب عن سيفي البتار اصغر جفير

قرات فيم قراته من بلوغ المرام
اللي ترك شي لله عاضه الله بخير

وسلامتكم

[$$عطر الكلام$$]

من حبني رغم تفويتي له الانخدام
واللي كرهني فهذا شخص ملعون صير

دام المعارك صغيره ماعلينا لزام
ينوب عن سيفي البتار اصغر جفير

قرات فيم قراته من بلوغ المرام
اللي ترك شي لله عاضه الله بخير


صح لسانه وعلا شأنه

قصيدة رائعة وجزلة معنى ومفردات

وصياغة رائعة

دمت غاليتي طماطة للانتقاء البديع

اجدت الاختيار عزيزتي

بارك الله فيك

وفي انتظار جديدك الرائع دوما

ودي وتقديري

[!@ولد@الكويت@!]

والشاعر اللي معه عزوة خوال وعمام
تفداه وايل وترقب مستعدة مطير

صح لسان شاعر عنزه
الواحد يفتخر عن قبيلة فيها شاعر مثل ياسر

طماطه يعطيج العافيه

وماقصرتي

[~_نسيم الروح_~]

فعلا أنا شفته في هذيك الحلقة وأعجبني جدا

ياسر التويجري شاعر لا تصفه الكلمات وحدها

لأنه غني عن التعريف

شاكرة لك موضوعك الجميل وطرحك للقصيدة

[صبا نجد]

يووووووووووووه ياسر التويجري صراحة شي فوق الكلام بذيك الحلقة

اتمنى اللي يقدر يجيب لي الرابط الصوتي حق الشعر


الله يعطيك العافية كلك ذوق

[رمـاد الشـوق]

اقتباس   المشاركة الأصلية كتبت بواسطة صبا نجد يووووووووووووه ياسر التويجري صراحة شي فوق الكلام بذيك الحلقة اتمنى اللي يقدر يجيب لي الرابط الصوتي حق الشعر الله يعطيك العافية كلك ذوق

ماعرفت احط المقطع الصوتي موقع مجنون

http://www.qassimy.com/sd/sounds.php?mqtaa=825

روحي للرابط هذا وتشتغل يا صبا

..................

يعطيك العافيه طماطة وفعلاً ياسر التويجري شاعر مبدع وماعليه كلام ..

أرق تحيه ..

[كل الإحساس]

ماشالله كلمااااااااااااااااااااااااات رائعه

صح لسان شاعرنا ياسر التويجري ونعم فيه ..............


مشكوره اختي طماطه