موقف حصل لي اليوم في الطائره

[انسان يكتب]

توجهت اليوم الصباح الى المطار مغادرا الى جده دخلت المطار وانا كاشخ وطاق النظارات السود على بالي توم كروز المهم قصيت (البوردنق ) درجه اولى قلت ابي ارتاح وانعم بالخدمه الفاخره
نادى المنادي على الرحله طلعت السلم وكالعاده الا بتسامه شاقة وجهي ركبت الطائره و كان المقعد بجوار الممر جلست وبعد شوي دخل رجل كبير بالسن وجلس على يساري بجوار النافذه اعلن الكابتن عن الرحله وقال تربطو ابقلع بكم تربطنا انا والشايب الي بجنبي وستر الله واقلعنا الحمدالله وبعد ماستوينا بالسماء جاب المضيف الدله وقهوانا انا والشايب وقهوا الى معنا بالرحله وبعدها طوالي مددت واسترخيت وبديت اسرح وامرح بافكاري جاني المضيف وقطع حبل افكاري قالي تشرب ايش قلت شكرا مالي نفس سأل العم الي بجنبي قال ابي برتكان بارد (برتقال) جاب المضيف العصير للعم جزاه الله خير ورجعت امدد واسترخي ومع اول حلم يقظه احسست بشي بارد جدا اوانه حار جدا نزل في حضني والعم الي بجنبي التفت علي يقول معليش انكب العصير عليك الحقيقه لحظتها ودي اصيح ودي اصرخ ودي اقوم ودي انسدح بالعربي مادري ايش اسوي من شدت الاحساس الغريب وبسرعه تماسكت نفسي قلت (عيب قدام الناس يضحكون عليك اركد) التفت على العم الي بجنبي قلت لابسيطه فداك الثوب المهم بديت امسح العصير وانا ماعرف ايش اسوي فجاءه جات المضيفه وجاب مناديل وبدت تمسح ثوبي معي الصراحه انا ساعتها انبسطت
وبدا الشيطان يلعب لعبته وقلت ياولد رب ضارة نافعهdkhan وفجأه قام الشايب وقال: روحي روحي والله مايمسح العصير الا انا عطيني المناديل . الصراحه انا انقهرت تبي تروح المضيفه
قلت ياعم استرح والله مايحتاج لكنه رفض وراحت المضيفه التفت على العم وقلت والله استرح خلاص مايحتاج كله نص ساعه واصل وأغير الثوب وصلنا المطار والحقيقه هنا بدت المعانه نزلت من الطائره وثوبي فيه بقعه صفرا كبيره من النصف الى الاسفل والناس كلها تطالع فيني الصراحه اللحظه هاذي كنت شوي وابكي من القهر والمصيبه انه في ناس ينتظروني في المطار اول مره اشوفهم توكلت على الله ودخلت المطار وانا ميت بثيابي رحت دورة المياه وبدلت ثوبي مباشره
هاذى الموقف الي رايح مأنساه طول حياتي لوكنتم بمكاني ايش رايح تعملون .
انسان يكتب

[مشـاري]

المضيفه وجاب مناديل وبدت تمسح ثوبي معي الصراحه انا ساعتها انبسطت

قلت ياعم استرح والله مايحتاج لكنه رفض وراحت المضيفه

هههههههههههههههههههههههههه
هههههههههههههههههه

حسبي الله عليك شرقتني وانا اشرب المااااااااااااااااي

<< صار له نفس الموقف بس انا بحري غزيز اشووي عنك

مشكور اخوي انسان على هل السالفة الحلووه

مشــاري كابتن طيار سابقآآ

[الملا عمر]

ههههههههههههههه
كان المفروض تلبس ثوب الشيبة

[حقوق الانسان]

خخخخخخخخخ تعيش وتاكل غيرها اخوي انسان

ما صار الا العافيه هو اكيد شي محرج بس موكبير الله لا يجعل الدنيا اكبر همنا

تحياتي لك وللشيبه الي ركب جمبك

[لحـ<الخلود>ــن]

هههههههههههههههههههه

بجد موقف لا تحسد عليه

يلااا تعيش وتفتكر

دمت بخير اخي

[نوارة الخليج]

بصراحه موقف محرج ويقهر مررره

وانا لو كنت مكانك كنت بكيت من القهر

يعطيك العافيه أخوي وتعيش وتفتكر

نـ الخـليـج ـوارة

[مشاعل البندري]

والله كنت بحزن عليك وابكي من القهر

لكن لما قريت مقطع المضيفه


قلت ليته كب قهوه مولعه على عيونك

ههههههههههههههههههههههههههههههه

[عبير البدره]

الحمد لله ان احنا نلبس عبايات وهيا سوده

لو شنو ينكب عليه ما يبين اللون ههههههههههههههه


والله فشله ما بيقولون عصير انكب ههههههههههه


الله يعينك



عبوووووره