ضاهرة السرقه..بليز طلب

[وحده من..العيال]

السلام عليكم..
انا حابه اليوم نتناقش عن ظاهرة السرقه..
الي عنده حديث نبوي اورأي علم النفس في تفشي هذه الضاهره او رأيكم الشخصي
في الاسباب والحلول وهل تعرضتم للسرقه..
والي عنده مقدمه بليز يكتبها انا محتاجه لها كثير
لاني محتاجه لمعلومات عن هذا الموضوع (مطلوب علي في المعهد اسوي تقرير ..يعني مو لـ لله)

[الملا عمر]

الأفضل لك إنك ترجعين لأي كتاب فقهي أو اكثر من كتاب
زي لو تشوفين مثلا المخلص الفقهي للشيخ صالح الفوزان حفظه الله، وتفهمين منه موضوع السرقة ، والكتاب مختصر
وبعدين تشوفين لك كتاب موسع اكثر زي كتاب الشرح الممتع على زاد المستقنع للشيخ بن عثيمين رحمه الله تعالى
تشوفين فيها
تعريف السرقة، لأن موب كل أخذ يعتبر سرقة ويقام عليه الحد
وتشوفين أضرارها وحكمها والحكمة من عقوبتها وهكذا
وتشوفين برضه أسبابها وما قيل فيها من آيات وأحاديث وشورحها علشان يكون عندك كمية معلومات كثيرة تقدرين تسوين موضوع معتبر
ولا تنسين تكتبين فيها قصة الأصمعي لمن قرأ آية السارق والسارقة وغلط فيها ورد عليه الأعرابي
لأنها حلوة
وتمرين على الأسباب اللي أهمها ضعف الإيمان وعلاجة تقوية الإيمان وتتكلمين عنها شوية
هذا خلاصة لأفكار ممكن تساعدك
إلا إذا كنت تبغين نكتب لك البحث
فثكلتك أمك
وما أذكر إني تعرضت للسرقة بمعناها الشرعي
لا تنسين برضه تشوفين الأشياء اللي ممكن تمنع من تطبيق حد السرقة وتذكرين قصة عام الرمادة

[حقوق الانسان]

اقتباس   المشاركة الأصلية كتبت بواسطة الملا عمر إلا إذا كنت تبغين نكتب لك البحث فثكلتك أمك

هههههههههههههههه يعطيك العافيه الملا عمر وفيت وكفيت بس الجمله هاذي اجمل ما كتبت في ردك

خخخخخخخخخخخخ

اختي وحده من العيال مثل ما قال اخوي الملا عمر ارجعي للمراجع او حاولي تكتبين اي شي تبينه عن السرقه في قوقل وتبحثين عنها في المواقع الاسلاميه بتلاقين الي تبينه بسهووله

اهم شي تتاكدين من صحة الاحاديث

تمنياتي لك بالتوفيق

[وحده من..العيال]

مشكورين اخواني على النصائح
واخوي الملا عمر بدور الكتب الي قلت عليها
بس مافي احد شاطر يكتبلي مو البحث ابي المقدمه
اعرف اني طراره واتشرط
بس مافيها شي لو تكتبون مواقف صارت لكم

[مشاعل البندري]

حبيبتي

رووحي محلات الكمبيوتر بينقشون لك البحث من الى

خخخخخخخخخخخ

أمزح لاحد يطالعني

المهم

على طاري السرقه

اختي المسكينه فرحانه بجوالها

و عملنا عزومه عندنا بالبيت و كل الضيوف معروفين الا كم وحده جدد

و بعد ما راحوا

جوالها اختـــــــــــــــــــــــــــــــفى

لا تنسين تكتبين هذه القصه في البحث عشان تنجحين بتفوق


أمزح لاحد يطالعني

[الملا عمر]

خذي كتاب المرشد في الإملاء
وبتعرفين كيف تكتبين بحث وبتعرفين وش تقولين في المقدمة
==
حقوق الإنسان
شكرا على التذكير بالتدقيق في صحة الأحاديث

[وحده من..العيال]

مشاعل البندري
البحوث الجاهزه ماحبها مع انها اريح والي مطلوب تقرير اكثر من انه يكون بحث مثل الي في المجلات تقريبا..
والف شكر عالمرور
ومعقول ضيوف وحراميه بعد
صحيح الي اختشو ماتو..

[وحده من..العيال]

مشاعل البندري
البحوث الجاهزه ماحبها مع انها اريح والي مطلوب تقرير اكثر من انه يكون بحث مثل الي في المجلات تقريبا..
والف شكر عالمرور
ومعقول ضيوف وحراميه بعد
صحيح الي اختشو ماتو..