|
 |
 |
 |
 |
 |
|
||||||||
 |
|
|
LinkBack | أدوات الموضوع | طرق مشاهدة الموضوع |
02-18-2007, 04:56 PM
|
رقم المشاركة : 1 | |
|
|
125سنه ولازال الناس يذكرون اقوى مرثيه...مرثيه نمر وقتله لزوجته
السلام عليكم ورحمه الله وبركاته
مساكم بالله بالخير والسرور والرضى وصبحكم بمثله 125سنه ولازال الناس يتذكرون اقوى مرثية في الشعرالنبطي واقوى مثل ورد فيها - هذا بلا ابوك يعقاب - وهذي السالفة : مرثية نمـــــر بن عــــــــــدوان هوالشيخ نمربن عدوان..أميرالبلقاء من الشعراء اللذين صهرتهم المصائب وصبتهم في قالب الخيال المرير وهزتهم العواصف القاسية من غيررحمة ولاهوادة نمربن عدوان الاميرالشاعراللذي قتل زوجته بلاعمد ولاقصد وقصة القصيدة تبداء..إن الشيخ نمرقرر يتزوج.. وطلب من احدىقريباته تدله على بنت مزيونه فقالت ياشيخ نمرمالك إلابنت الشيخ فلان والشيخ ماياخذالابنت شيوخ المهم إن الشيخ نمرراح للشيخ المقصود..وخطب بنته وكان الشيخ عنده بنت وكانت في غاية الجمال وهذي هي اللي يبيها الشيخ نمر وبنفس الوقت عنده بنت اخوه اليتيمه ولكنهاليست على قدرمن الجمال مثل بنت عمها فقررالشيخ انه يعطي بنت اخوه للشيخ نمر وتزوجهاالشيخ نمر وفي ليلة الدخله شافها وماعجبته وكان اسمهاوضحى..حست وضحى انهاماعجبت الشيخ فقررت تشيله على كفوف الراحه عشان مايصرف النظرعنها وفعلاكانت عند عزمها..وتدريجاحبهاالشيخ نمرالي درجة الجنون وعاشت معه عشرسنوات كلهاحب وسعاده وراحة بال وكانت وضحى معوده الشيخ نمرانه اذا جابالليل تربط الخيل وتدلك ظهره قبل ينام وفي ليله من الليالي نست تربط الخيل .. المهم ان الشيخ قبل تدلكه..سئلهاوقال ربطتي الخيل ياوضحى..؟؟ خافت انه يزعل لودرى انهاماربطته ..وقالت ايه ياشيخ ربطته ونام الشيخ نمرعشان تدلكه ولكنهاماجت..وفجئه سمع صوت احدعندالخيل ..اخذسلاحه وراح يشوف..وكانة الدنياظلمى..المهم حس بحركه غريبه ورمى بالسلاح تجاه الشخص اللي عند الخيل يوم راح يشوف من اللي عندالخيل إكتشف إنهاحبيبة قلبه وضحى قام يصيح جمبهاويقول وش جابك ياحرمه وش مطلعك..؟؟ قالت وضحى وهي تبتسم..ذبحتني يانمر..!! قال الشيخ نمر:اناماذبحتس انتي اللي ذبحتيني.... وماتت وضحى..ومن يومهاوهويكتب القصائدالمرثيه اللي تقطع القلب من شدة حزنه عليها.. وهذه احد مرثيات الشيخ نمر الله يغفرله ولجميع المسلمين : البارحه يوم الخلايق نياما بيحت من كثرالبكا كل مكنون قمت أتوجدله وانثرعلاما من موق عيني دمعهاكان مخزون ولي ونة ٍ من سمعهامايناما كني صويب ٍ بين الأضلاع مطعون ولاكما ونة كثيرالسلاما خلوه ربعه للمعادين مديون ولافي ونة راعي بيت حماما غادي ٍ ذكرها والقوانيص يرمون تسمعلهابين الجرايد حطاما ومن نوحهاتدعي المواليف يبكون مرحوم ياللي مات شهرالصياما صافي الجبين بليلة العيدمدفون حطوعليه من الخرق ثوب خاما وقاموعليه من الترايب يهلون مرحوم ياللي مامشى بالملاما جيران بيته راح مامنه يشكون اخذت اناوياه عشرة اعواما مامثلهن في كيفة مالهالون والله كنه ياعرب صرف عاما وياحيلة الله شغل الأيام وشلون واكبرهمومي من بزوريتاما لاجيتهم قدام وجهي يبكون وان قلت لاتبكون قالوعلاما نبكي ويبكي مثلناكل محزون قلت السبب تبكون قالويتاما قلت اليتيم اناوانتم تسجون مع البزوروكل جرح ٍ يلاما الاجروح بخاطري مايطيبون قمت اتوجدعند ربع ٍ حشاما جوني على فرقاخليلي يعزون قالو تجوز وانس لامه بلاما وترى العذارى عن بعضهن يسلون قلت انااخاف من غاديات الذماما اللي على ضيم الدهرمايساعدون تزعل عيالي بالنهروالكلاما واناتجرعني من المربغصون والله لولاهالصغاراليتاما واخاف عليهم من السكه يضيعون لاقول كل البيض بعده حراما واصبركمايصبرعلى الحبس مسجون عليه مني كل يوم سلاما عدة حجيج البيت واللي يطوفون وعدادمانبة نفل والختاما على النبي ياللي حضرتوتصلون قيل إن نمرقبل وفاته بكم شهركان جالس يون ويبكي على وضحى..وجاه ولده عقاب وقال يابوي انت وش يبكيك !!... قال نمر امك امك امك قال يابوي امي ريحتهاغنم...(يبغاه يسلى) قال الشيخ نمر..هذا بلى ابوك ياعقاب ومن هنا طلع هالمثل المشهور..... وفي عام 1300هـ توفى الشيخ نمربعدمعاناة من المرض وسلامتكم تحياتي لكم دمتم بالف خير ابو مهند |
|
    
|
|
02-18-2007, 05:08 PM
|
رقم المشاركة : 2 | |
|
|
هلا باخوي مهند
انا قريت قصة نمر بن عدوان ويعطيك الف عافيه عليها وعلى طريقة صياغتك لها لكن ودي انك تتأكد من ناحيه المقطع يابوي انت وش يبكيك !!... قال نمر امك امك امك قال يابوي امي ريحتهاغنم...(يبغاه يسلى) قال الشيخ نمر..هذا بلى ابوك ياعقاب ويعطيك الف عافيه |
|
|
|
|
02-18-2007, 05:41 PM
|
رقم المشاركة : 3 | ||||||||||||||||||||
|
|
 قصه مؤلمه وابيات تزيد الالم جمرهـ رحم الله تلك المرأه فأخلاقها جعلت منها مثلا يتذاكرونه الناس من قديم الازل ابو مهند سلمت لما طرحت دمت بخير |
||||||||||||||||||||
|
|
|
02-19-2007, 12:05 AM
|
رقم المشاركة : 4 | |
|
|
رحم الله الشيخ
شئ يطقع القلب ورحم الله من توفى وصح اللسان الشيخ ابو مهند عوفيت |
|
|
|
|
02-19-2007, 01:34 AM
|
رقم المشاركة : 5 | |
|
|
يطقع = يقطع
 ابو الفضايح يا شيخ |
|
|
|
|
02-19-2007, 09:38 AM
|
رقم المشاركة : 6 | |
|
|
ابو مهند عليك السلام ورحمة الله وبركاته مشكوره يخوي ع الموضوع والمعلومات يعطيك العافيه تحيتي لك |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
دردشة ا دردشه ا دردشة صوتية ا دردشة كتابية
العرض العادي
