فطورنا مافيه طحينيه !

[مدمن شاهي]

صباحكم بردقان ياجماعه ..

فطورنا كالعاده مايخلو من حبيبة القلب ( طحينيه ) مع كم صحن فول وعدس وشويّة جُبُن سايل << مانكثّر جُبُن لأن الجُبُن غالي .. والإقتصاد واجب .. وسوريا أرخص << الاخيره مالها دخل وما أتحمّل تابِعاتها !

ولكن وبما أننا شعب عربي يتأثر على طول بأي خبر .. ومايمدي الخَبَر يمدّ رجله إلا ونصف الشعب متراسلين بالرسايل يحذّرون أو ينصحون أو رُبما يهنأون .. والخبر على قَدرَه ووزنه !

قبل أيام وصلتني على الجوال أكثر من رسالة تحذير من طحينيه مُتسرطنه والسرطان يدبي في جنوبها وجوانبها .. ويقولون ( ترى اللي بياكل منها فالله يرحمه ويسكنه الجنّه .. ولاينسَ يكتب وصيّته ) .

ومضمون الرسايل أن خمس أو ست شركات مُصدّره للطحينيه الكامشه صدر بحقّها عِقاب لأنها تبي توديّ البشر في داهيه .. وأن وزارة التجاره ألزمتهم بإتلاف ماعندهم من الطحينيه مع تغريم مبلغ مالي والتشهير بهم و ( اللي مايقدر يشتري طحينيه اليوم ومامعه دراهم .. خبره اليوم ببلاش ) !

قبل فتره كتبت أيضاً موضوع عن رز أبو كاس .. بعد ماوصلتني أكثر من رساله كالعاده على الجوّال تُحذّر من شرائه لأنه راعي رسمي في برنامج تلفزيوني ( وقاطعوه ياجماعه ) و( لاتشترون رزّه ) و ( عليكم بالإندومي تراه أبرك واحسن واوفر ) .. وانا صراحه واعترف بهالشي ( طرت في العجّه ) وارسلت الرساله لكم راعي بقّاله عشان مايقصّر معي ويحاول أنه يأخر سداد دراهمي له بعد فتره ، ولكن تبيّن لي فيما بعد أن الرساله خاطئه من ساسها إلا حدّ راسها .. ,,7

ويوم جتني هالمرّه ( رسالة الطحينيه ) .. قلت : ياولد أركد ولا تفكّر ترسلها لأحد .. ثم تبلش وتحطّ شي في ذمّتك .. لكن صار الأمر صحيح .. وان الدعوه متسرطنه وجايبتن العيد فالاوادم !

انا اقول .. ياوزارة التجاره وياغرفتنا التجاريه من زمان ماشفناكم ( تكفشون أحد ناوي بالبشر ) .. وهذا الشي مايُنقص من قدركم .. لكن نحتاج إلى جهود أكبر في مقاومة كُل مايُنتَج لنا ويُتكدّس على الأرفُف في الأسواق والمحلات التجاريه !

أذكر قبل فتره كنت في بقّالة في أقصى ديرتنا .. اكتشفت أن ثلاث أرباع البقّاله [ بضاعه منتهيه صلاحيتها ] .. حتى أن عنده ( شطّه حارّه أم ثلاثة فلافل حمرا ) ويوم شفتها توقعتها ( كتشب ) من سوادن قالبن لونها !

البعض يستغرب تشهيرهم بالشركات .. وانا أقول ( هذا هو الأصل ) .. لأن مثل هالشركات راح تودّي عالم في عذاب طول عمرهم .. على حساب ( كم ريال ) في جيب صاحب الشركة " الفلته " !

وبودّي أن وزارة التجاره أيضاً تلتفت بتوصيه منها إلى البلديات للقيام بمسؤوليتهم في تنقية المحلات التجاريه من البضائع المُنتهية الصلاحيه والمتفرشخه عندهم " سنين طويله " وبانتظار " زبون " يضفّها ويحشرها في بطنه وبطن عياله !

سلام ياطحينيه

[عذوبه]

افاا يالطحينيه طلعت مسرطنه

الله يرحمك ياجديدتي الحيين عرفت سبب الوفااه

كانت مدمنه طحينيه الله يغمد روحها الجنه

طيب والشااهي ماله مضاار

الله يستر يوم والثاني طالعه لنا شغله مسرطنه والمشكله انها تستخدم بكثره

والمشكله لصرنا ننصح احد عنها يقولون (كل شيء صار يسبب سرطان خلها على ربك)

مدمن شاهي

اسلوب رووعه لطرح قضيه مهمه

يعطيك العاافيه

ننتظر جديدك بشووق





عذوبه

[نوارة الخليج]

إذا تخلى الأانسان عن مبادئه وبااع ضميره

من أجل كسب المال فعندها نقول على الدنيا السلام

والحمد لله ان وزارة التجاره اتخذت هذا القرار السليم

وتداركت الموضوع

وان شاء الله يكون هذا درس لكل من يحاول يلعب بأرواح الناس

حسبنا الله ونعم الوكيل

والله ينتقم منهم

تسلم اخي مدمن شاي على هالموضوع

والله يعطيك العافيه يااارب

نـ الخـليـج ـوارة

[عبير البدره]

طرح جميل ورائع وذو فائده كبيره


بجد صارو الناس ما تهمهم غير مصالحهم ونفسهم

وصارو الناس ماديين وعلشان الفلوس يدوسون على الناس

وحتى لو اكتشفوهم الواسطى تلعب دور ويتم تغطيه كل شئ طبعا كلها مصالح في مصالح

قرت عن الموضوع وللاسف 3 شركات كلهااا متشاركه بهل الشئ

والمشكله اني احب الطحينيه وشنوا لبديل مكانه ؟

مدمن شاهي

اشكرك جدا على طرح هذه القضيه



وبانتظار الجديد منك



عبوووره

[حقوق الانسان]

الله يعطيك العافيه اخوي مدمن شاهي مابه زود علا كلامك طال عمرك

كلام في محله واسلوب رااائع في طرح القضيه واتفق معك في كل الي قلته

لاعدمناك يالغالي ولا عدمنا قلمك المتميز

تحياتي لك

[الملا عمر]

إن وزارة التجارة لا يمكن الإتصال بها الآن
إن وزارة الشؤون البلدية والقروية لا يمكن الإتصال بها الآن
جميع الوزارات مشغولة الآن، وبعد الآن أيضا
عزيزي المواطن المتصل
للمساعدة ... دق براسك في الجدار

المفروض يقلبون مسمى وزارة التجارة إلى وزارة التجار
وقسم حماية المستهلك إلى حماية الغشاش

والشرطة إلى مديرية التعهدات

والمرور يقلبون اسمه مديرية التحصيل

دايما اقول

لو الملك الله يحفظه يستعير مشعابي ويدبغ الوزراء هذولا لين تقر عقولهم
ويخص وزير الإعلام بمزيد من الدبغ التربوي

يشهرون بشيخ من المشايخ أو الهيئة أو نحو ذلك بناء على خبر مكذوب
والغش اللي في البلدية في دورها في المدن والقرى ماحد يتعرض فيه للمسؤولين
والحلاوة الطحينية يتكلمون عنها بحياء البنات اللي في السنين الخوالي
والخمسطعشر طن من اللحوم الفاسدة تناقل الناس أخبارها بالدس
والملاهي اللي طاحت وقتلت اثنين رفضوا ذكر اسمها
والوجبات المسمومة اللي تقتل وتمرض بالعشرات ماحد يجيب طاري اسم المطعم



ليش؟؟؟؟
علشان حقوق التاجر لا تروح بلاش
والمسؤول بعد لا يقل أهمية عن التاجر
والمواطن طز فيه
هذه الحقيقة اللي أغلب الكبار ما يدرون عنها، هذا في حالة لو كانوا يبغون يعرفون شيء
لأنهم عايشين في عالم على مزاجهم من صنع بطانة السوء
نقي من التبن
وسبب النقاوة إن الفقراء والمساكين والبسطاء ما تركوا مجال للكبار إنهم يشاركونهم في وجبتهم اليومية




تصدقون

أغلب المسؤولين ما يعرفون وش صاير في الدنيا إلا عن طريق الجرايد

[حقوق الانسان]

سلمت يدك يالملا عمر والله انك صادق في كل الي قلته

وفعلا المصيبه في البطانه الفاسده عند حكامنا ولا هم احلف عليهم انهم ما يبون الا كل عز وخير ورخاء لشعوبهم

لكن البلاء في البطانه حسبنا الله ونعم الوكيل

الف تحيه وتقدير لك اخي الملا عمر

[رقية]

بس يا ترى ده فى بلد ايه
اصلى بمووووووووووووووت فى الطحينة

شكرا على الموضوع