مجاراه للشاعره غلا نجد في قصيدتها (سمو وكبرياء )

[بعيد الارماس]

[ALIGN=CENTER][TABLE="width:100%;"][CELL="filter:;"][ALIGN=center]السلام عليكم ورحمة الله وبركاته


مجاراه متواضعه للأخت والشاعره غلا نجد

في قصيدتها ( سمو وكبرياء ) وقد أعجبت حقا في مستوى هذه القصيده

إليكم هذه المجاراه آمل بأن تنال الرضى

::


:[/ALIGN][/CELL][/TABLE][/ALIGN]



[poem=font="Simplified Arabic,5,darkblue,bold,normal" bkcolor="transparent" bkimage="" border="double,4,darkblue" type=2 line=1 align=center use=ex num="0,black"]
كثر ما للوله عندك من التقديـر والشيمـه=وكثر ماتنـزل الدمعـه دخيـل الله يكفينـي

وكثر ما للغلا بيننـا والقـرب مـن قيمـه=ترجيتـك وانـا برحـل لعـل الله يقوينـي

عدد ماترسم البسمه على وجه السما غيمـه=دخيل الروح انا ما ابي ظلام يظلـم بعينـي

قيودك من مسد ياصـاح يكفيـك تحطيمـه=هدب ماقوا ظلمك لـك الله مـن يواسينـي

انا ما ارضى نهايات الشجن والهم والضيمه=سلم الفخر يبقى دوووم للطولـه يحوينـي

انا لي راي ياقلبي واظنٌه صعـب تحجيمـه=ولي مبدأ اعيش وقامتـي بالعـز تبارينـي

انا مهره اصيله ولي شبيه من الفلا ريمـه=وقلبي للفـرح لوحـه الونهـا بشرايينـي

بإختصار قلبي صدوقن يستظل الطهر خيمه=عزاي اني اعرفه لا ْ.. ولا يمكن يجافينـي

سمو وكبرياء وعـز تمطـر للغـلا غيمـه=ترجيتك وانا برحل دخيلك ضاق الفضا بعيني

صوت / غلا نجد[/poem]




[poem=font="Simplified Arabic,5,black,bold,normal" bkcolor="transparent" bkimage="" border="double,4,black" type=2 line=1 align=center use=ex num="0,black"]
كثر ما للمعزٌه في خاطري دقه وترنيمه=وكثر ماهب نسناس ٍ من الغربي يسليني

وكثر ما أسج فج ٍ واسلى في مخاريمه=وغدي في عال الرجم لين الليل يمسيني

وكثر ما لأبتسامات الطفل فرحه وتقسيمه=أفز وفرحتي يم السماء العالـي توديني

وسحاب ٍ لمح ضوء القمر يبرق مقاديمه=خطف من القمر نوره وصارت دوم تضويني

تسوقه قـدرت الله بين تكبيره وتسليمه=وشمس عصير يحجبها كذا ما بينها وبيني

واعيش أيام عمري في رباه وفي تقاسيمه=وخلاص تصير بعض الحاجات تغنيني

وحفل ٍ يجمع الأحباب وأنـا مـن معازيمه=تساق المجمره في ناحيتـه يسار ويميني

أعز أيام عمـري كلها وأغلى تحاليمه=وأعيش بذكرياته في وسط جمع المحبيني

وصراحه يا غلا نجد خير القول تحكيمه=وصبرك كان طالت بك ليال العمر وسنيني

صدى / بعيد الارماس[/poem]

[&احساس طفله&]

على صوت الرحيل المر جذبني لحن ترنيمه
.................................................. على اوتار الحنين يعزف ويسكن في شراييني
حبست حزني بصدري وهطل حزن هالغيمه
...............................................قلت اسكب دموع الحرف قبــــــــل لاتسكبه عيني
تغلغل داخل عروقي وخلى للشعر قيــــمه
.................................................. ونزف حبر القلم وده يوصل اعجاب يحـــويني
بعيد ارماس وتعجز حروف الشعر تقييمه
................................................وي عجز كل حرف كتبته فيه يوصف لهفه ايديني
يقولون نـــــور الشمــــس ابد ماتحجبه غيمه
.............................................. مثل نور حرفك ابــــــــد مايحجبه كلام واشيني


بعيد الارماس تمنى حرفي مجاراتك وعجز
فنزف حبري بهذه الابيات اتمنى تتقبلها ..

؛
؛
؛
؛
ღ بعيد الارمـــــاس‎ღ

كرنفال الحرف هنا

تجول بين لحظات تملا قلوبنا

ألبست المعاني أجمل الحلل

؛
بمجاراتك الرائعه..
؛
لسيدة الحرف غلا نجد

انت حقآ مبدع في حياكة الجمل

ومحبرتك ذات نكهه عبقه

اصبحت تنقش في قلوبنا كلماتك

فنعشق لقاءك دوماً

فمااروعك

وماابهاك

فسحر احساسك هنا لايقاوم

؛
؛
واصل السير في شرايين الكتابه

فان دفقك غزير يروينا لنعطش لجديدك في كل مرة

؛
؛
غاليتي...غلا نجد...

كوني كما عهدتك شعاع لاينطفئ
وعزف متواصل
؛


؛
لكم ودي


؛
؛

[غـ نـجـد ــلا]

اخي العزيز

بعيد الارماس

لحضور حرفك هتان ديم

ووجود اسمك في مشاركاتي هو مبعث اطمئنان

بأن القصيد ارتقت لذويقة الشعر ..


وتلك المجاراة التي اعجز عن وصفها

البستني جميل الثناء وتعذرتها كلمات الشكر فلن توفيك حق الامتنان

بعيد الارماس

لك تحـــــــــــــاياي


‘

‘


احساس طفله

شكرا غاليتي لهذا الاطراء

شكرا لهذا الثناء

شكرا لهذا التواجد


تقبلو حروفي المتقزمه أمام هاماتكم الشعريه

اختكم : غلا نجد

[ابراهيم الجابر]

تسوقه قدرت الله بيـن تكبيـره وتسليمـه
وشمس عصير يحجبها كذا ما بينها وبينـي

استاذي والشاعر المبدع بعيدالارماس

صح السانك وسلم بنانك على هذه المجاراه الممتازه والرائعه جزله من شاعرجزل

اقف احتراما لذائقتك الشعرية وانتقائك للكلمات وتوضيفها بشكل مميز صح السانك

كل التقديروالاحترام

[فواز البوعينين]

صوت وصدى من أجمل ما يكون


صح لسانك ولسان شاعرتنا غلا نجد


لكم مني كل الود

[$$عطر الكلام$$]

وسحاب ٍ لمح ضوء القمر يبـرق مقاديمـه
خطف من القمر نوره وصارت دوم تضويني

تسوقه قدرت الله بيـن تكبيـره وتسليمـه
وشمس عصير يحجبها كذا ما بينها وبينـي

واعيش أيام عمري في رباه وفي تقاسيمـه
وخلاص تصير بعـض الحاجـات تغنينـي

وحفل ٍ يجمع الأحباب وأنـا مـن معازيمـه
تساق المجمره في ناحيته يسـار ويمينـي

صح لسانك مداد الراقي بعيد الارماس

مجاراة مميزة مضى بها الحرف في ميادين المعنى الرائع
وتبارزت فيها الحروف في جمال التصوير
ابدعت اخي القدير وطوعت الحرف بجمال ما نظمت

وكم هي رائعة تلك القصيدة التي برعت في مجاراتها
ودفعت حبر القلم ليبدع هكذا

سلمت يمناكم جميعا بما منحتونا اياه من رقي

جل التحايا

[خالد احمد]

بعيد الأرماس ..



صح لسانك على هالمجاراه العذبـه ..


سلمت .. ودمت بخيــر ..

[مشـاعـل الخـالـد]

صح لسانك ولاهنت بعيد الارماس

مجاراه تستحق الشكر

دمت بخير