خسيتي لعنبو جدك..خسيتي واقلبي وجهـك

[twwag]

[align=center]خسيتي لعنبو جدك ؛ خسيتـي والغلـط ينعـاب
خسيتي واقلبي وجهـك ؛ ولا كلمـه ؛ولاجابـه

خسيتي والزمي حدك ؛ تراها ضاعـت الاداب
انا لاطاشت جنوني ؛ يعـرف الجاهـل ادابـه

وش المغزا من الكلمه بلا داعي بـلا الاسبـاب
وهرج الكذب والتجريح ؛ قوليلـي وش اسبابـه

انا الشرهه علي اني فتحت لخافقـي كـم بـاب
ولكن مثل ماجيتي !!! ترا كبـر الجمـل بابـه

خذي نفسك معك برا ؛ ثم انقلعي بـدون إيـاب
فمان الله ؛ والا اقول :: فمان ابليس واصحابـه

تحسبيني على فرقاك ابنـدم واغـرق الاهـداب
انا مبسوط يوم اني ؛؛ طردت الشـوم وغرابـه

انا ما اعاشر الخاين ولا اسمع هرجـة الكـذاب
ومثلك قيمتـه عنـدي تحـت الزيـرو حسابـه

هذاك اللي تحبينه ؛ حقيـر و خكـري ولعـاب
عاجبك ان قذلته شقراء ويميّـل بالشعـر كابـه

صحيح انه حقير و زين وشكله للنسـاء جـذاب
تشّبه بأختـه فلانـه ؛؛ ومنهـا الـدم متشابـه

وانا مانيب حرف الجر ؛؛ تجرينه على الاعراب
انا حرف(ن) جزم نفسه ؛ ومثلي يصعب اعرابه

تشوم النفس عن زينك عقب ماطاح فيها ذبـاب
وانا حر(ن) ولد حر ؛؛ تركت الزيـن وذبابـه

انا يابنت من ربع(ن) لهم فوق الفخر محـراب
انا من روق ياخبله ؛ وربعي الهيله ( عتابـه )

نسيا ماكلى (عمهوج) وكم روس بدون ارقـاب
رزقك الله بحكم اللي حفظ عمهوج فـي جرابـه

انا شيخ(ن) ولد شيخ ؛ بذكره تنعـم الانسـاب
اليا قام العرب كـلاً ؛؛ يراجـع دفتـر انسابـه

ولد شيخ(ن) وسط ربعه له بين الرجال حسـاب
اليا ضاقت به الارياء ؛ يهـز الارض مشعابـه

محنكني على الطيبه من يومي صغيـر وشـاب
اجل وش رايك بطفل(ن) دلال القهـوه العابـه

ترى بدري على مثلك تعيب وساسهـا معيـاب
ياليت اللي يعيبنـي ؛؛ يحـاول يستـر ثيابـه

انا لاجتني الزله ؛ من الجاهـل وهـو كـذاب
تركت القافله تمشـي ؛؛ وراهـا تنبـح كلابـه

وانا ليامن كشف ان الخوي اصبح لسانـه داب
. نزعت السم من عرقه وكسرت بمخلبي نابـه

خلاص اليوم يافلانه ؛ كرهتك والقلوب غـراب
وترى كل طير(ن) بكبد السماء يشبـع مخلابـه

خساره مثلك بقلبـي تضمـه غرفـة الاحبـاب
وخساره غلطة العاشق ؛ يحطـك اول احبابـه

بعد هذا تبين ارجع لاجل عينك نصير اصحاب
خسيتي واقلبي وجهك ؛ ولا كلمـه ؛ ولاجابـه
.
.
.
.

((راكان العضياني الروقي العتيبي))[/align]

[ـالهنوفـ]

صح لسان شاعرها ..

,

تواق ..

صورت القصيدة بشكل رائع ..

يعطيك الف الف عافية ..

بـ انتظار بقية الصور ..


.



ارق تحية ..,,

[twwag]

[align=center]ـالهنوفـ
.
.
((صح لسان شاعرها))
.
.
نيابه عن الشاعر
صح الله بدنك
.
.
((صورت القصيدة بشكل رائع))
.
.
تواق المصوراتي
.
.
((يعطيك الف الف عافية ))
.
.
يعطيكي مليون مليون عافيه
على مرورك وتشريفك وردك
.
.
((بـ انتظار بقية الصور ))
.
.
في انتظارك تشريفك
.
.
تحياتي
تواق
المصوراتي[/align]

[غريب مهاجر]

تواق

رائع التصميم

وما يحتاج لقصيدة

التصميم قصيدة فى حد ذاته

أبدعت فى استخدام الشفائف

والتركيب ولا أروع

والفكرة واضحة قوية




غريب مهاجر

[حقوق الانسان]

يعطيك العافيه اخوي توااق قصيده رااائعه وتصوير اروع


دمت بخير

[ملاك المشاعر]

ياهلا والله بمتمردنا تواق

بصراحة الكلمات من جد قوييييييييييييييية وقااااسية حيل

بس تستحقها كل خائنة ماعرفت قيمة الحب

التصميم كعادتك معاه رسمته برسم الكلمات

يعطيك العافية يارب

في أمان الله

[عســـــوله]

تواااق

تصميم راقي يخوي

:)

تسلم يمينك



تحيتي لك