جديد العام : أمير الجوف يرمي عقاله يطلب العفو عن بدهان / فيديو وصوره

[عبير البدره]

[align=center]

السلام عليكم ورحمة الله وبركاته


العفو عند المقدره




لا اله الا الله ومحمد رسول الله



ونظرا لاهميه الموضوع وضعته بالعام لان زواره اكثر

وهيا قضيه يعرفها الكثيرون


7


ضمن الوجاهات من الأمراء وشيوخ القبائل التي تتوافد يومياً


على منزل قبلان الشراري في مدينة الجوف

حضر إلى باب المنزل سمو أمير منطقة الجوف

الأمير فهد بن بدر بن عبد العزيز


شاهد ما حصل في المقطع

حسب المصدر



اليكم الصوره






واليكم المقطع بالصوت والصوره


اميـــــــــر منطقة الجــــــوف يرمــــــي عقاله ويطالب بالعفو


جزاه الله خير وجعله في ميزان حسناته يا رب








تحياتي






عبووره[/align]

[نوارة الخليج]

[align=center]والله مادري شقول صحيح العفوعند المقدره

وبعد هالموقف صعب كثير أن والد القتيل (قبـلان ) مايتنازل

ومن ناحيه ثانيه لو تنازل عن حقه رح يظل الثار موجود

فصعب انه يشوف قاتل أبنه أمامه ينعم بحياته

وفي نفس الوقت ابنه محروم من الحياه

هذا أب وصعب احد يعرف شلون هو يتعذب بفقدان ابنه

الله يقدم اللي فيه الخير للجميع

والف شكر لكِ عبووره على ماقدمتي

ودمتي برعاية الله

نـ الخـليـج ـوارة[/align]

[طــلال]

هلا بك اختي عبير البدره

وانا كنت ناوي انزل موضوع عن هذي القضيه

علي العموم المقطع جاري التحميل

وراح اشوفه وارد عليك


بس اولا بغيت اتطرق لعده نقاط يمكن انكم ما تعرفونها

انا من نفس ديره الشرارت

بس مو شراري

اولا قبل ما تظهر القضيه علي وسائل الاعلام وردني اخبارها

قصه القتل

قبلان الشراري وولده راحوا يحطبون بأرض شمامره

قبلان وولده اخذوا حطب كثير وراحوا به لبيتهم

راح بدهان الرمالي ومعه اثنين من خوياه

ومسك الشايب اللي هو قبلان وضربه ضربه لين تفل العافيه

الولد ما استحمل الموقف دخل بيتهم وطلع رشاش

وثور علي خويان الشراري برجولهم

شرد بدهان ورا الشاص ( الجيب الموتر اي شي ) وطلع رشاش وثور علي ولد قبلان

علما ان ولد قبلان ما اعرف وش اسمه بس الولد صغير

فوق ما انضرب الشايب قتلوا ولده

وللمعلوميه

وصلت الديه الي الان 50 مليون ريال سعودي

ومن زود اللئامه

تكلم بالكنود ( جهاز ارسال لا سلكي يكثر عند البدو )

وقال تعالوا خوذو الجرو الشراري قبل لا اذبح ابوه












شرايك بالقصه لو صارت لك او اي واحد ( بعيد عنكم ان شاء الله )

تعتقون الرمالي


عــنـــي استحااااااااااله

[عذوبه]

انا شفت المقطع وعندي على جوالي

من جد قضيه اخذت ضجه كبيره جدا وصلت لحد ان العائله الحاكمه تتدخل والأعلام يخصص لها جل وقته!!

موقف لايحسد عليه ابو المقتول



ولو الله كاتب لبدهان الحياه راح يعيش

سبحانه لاراد لقضااائه

الأيام الجاايه رااح نشووف وش يحصل لأنا دخلنا بالعد التنازلي

والله يكتب الي فيه الخيير للجميع ياارب


عبوره

تسلم يدينك على هالطرح



عذوبه

[مشاعل البندري]

لاحول ولا قوة الا بالله

اللي له حق بياخذه

والمكتوب على الجبين لازم تشوفه العين

وكل شئ قضاء و قدر

ننتظر و نشوف والله يصبر كل مصاب في مصايبه

[شـ ــووقــ]

ياكثر الكلام حول هذا المقطع وحول الموضوع بشكل عاام
من البداية قلت
ما ألوم قبلان لو ماعفا
لأني سمعت بالقصه اللي ذكرها سب زيرو
مع بعض الزيادات مانعرف مدى صحتها
فيه رواية ما أدري إذا كانت صح أو لا
تذكر إن قبلان معلق ثوب ابنه في المجلس وإذا دخل عليه أحد يطلبه العفو
قال له أطلب ولدي إذا كان بيسامح أنا ماعندي مانع(كان يتكلم وهو يأشر على الثوب)
عموما التسامح والعفو مطلوب وهذا مانتمناه
لكن لو ماعفا قبلان مالنا حق نلووومه00 أب وفقد أبنه وفلذة كبده بسبب تهور شباب
لاحول ولاقوة إلا بالله
يعطيك العافيه عبووره

[نزف الابداع]

[align=center]أخواني لازم كل واحد يحط نفسه بمكان قبلان ويحكم على الموضوع

يحفظكم الله كلكم

تقبلو أحترامي للجميع[/align]

[أنا.....فيصل]

اقتباس   المشاركة الأصلية كتبت بواسطة شـ ــووقــ ياكثر الكلام حول هذا المقطع وحول الموضوع بشكل عاام من البداية قلت ما ألوم قبلان لو ماعفا لأني سمعت بالقصه اللي ذكرها سب زيرو مع بعض الزيادات مانعرف مدى صحتها فيه رواية ما أدري إذا كانت صح أو لا تذكر إن قبلان معلق ثوب ابنه في المجلس وإذا دخل عليه أحد يطلبه العفو قال له أطلب ولدي إذا كان بيسامح أنا ماعندي مانع(كان يتكلم وهو يأشر على الثوب) عموما التسامح والعفو مطلوب وهذا مانتمناه لكن لو ماعفا قبلان مالنا حق نلووومه00 أب وفقد أبنه وفلذة كبده بسبب تهور شباب لاحول ولاقوة إلا بالله يعطيك العافيه عبووره

عذراً ع الاقتباس

بس كلامك عين العقل وربي

تحيااتي