البنت الدلوعة

[الوحدانية]

السلام عليكم شباب
وانا اشوف برنامج سيره الحب اذا تعرفونه قالت فوزيه الدريع المذيعه لهذا البرنامج ان الرجال يفضل البنت الدلوعه اغلب الرجال اذا مو كلهم
فهل هذا الكلام صحيح؟؟؟
يعني شلون يفضل الرجال ان البنت تكون(زوجته يعني)
دلووعه؟
عاديه؟
وله ماتفتكر ؟؟كله واحد عندك
واذ تبيها دلوعه يعني لين اي حد؟؟
لان في دلع يرفع الضغط
فحبيت اعرف رايكم ياشباب ويعطيكم العافيه

[احلى الاسامي]

الرجال اذواق..... ولوتشابهت الاذواق فسدت البضائع(عفوا لهذا التشبيه)

هذا رأيي.............

[الملا عمر]

البنت المدلعة تطلع زوجة فاشلة
وأفشل منها الولد اللي يطلب بنت مدلعة
هذا من خبائث الإعلام
الآن الشباب والبنات بشكل عام يحبون الدلع ويتبعون اسلوب الإعلام الفاسد والخبيث
والنتيجة حالات الطلاق اكثر من 30% خلال السنة الأولى فقط، السنة الأولى من عمر الزواج
بينما في السابق
في عصر الحريم على قولة الإعلام
كانت نسبة الطلاق لا تصل إلى 5% خلال الخمسين سنة الأولى من عمر الزواج
لأن الزواج حياة مشتركة وجادة وطويلة المدى
إذا ما يكون الأساس صحيح، فبكل تأكيد الفشل هو النتيجة الحتمية
بالنسبة لي شخصيا
أحب البنت المهذبة العاقلة الرزينة الراكدة الهادية
تكون مليانة حياء وحشمة وصبر
مطيعة
عندها دين وعلم شرعي بالأساسيات على الأقل
حريصة على نظافتها ونظافة بيتها قدر المستطاع
عندها من الأخلاق الحميدة والحب والحنان ما يكفيها ويكفي زوجها واطفالها وأهلها وأهل زوجها
ما تحط ميكاج
وعلى هذا المنوال
يعني أنثى حقيقية

[THE FIRST MAN]

ما عندي دلع تتدلع اصكها بكف اعدلها (( بمزح))

ما احب الدلع الزايد لنه يفقع المرارة

وسط اوكي يعني لا تكثر.

[حقوق الانسان]

والله انا اشوف انه لا بد تكون المراه فيها شئ من النعومه والغنج الي يظهر لزوجها ويدعوه الى زيادة محبتها ولكن ما يكون الدلع والغنج المصطنع

يعني فيه بنات تسوي نفسها مدلعه وناعمه وهي من جنبها ولا حتى يلبق عليها فلو تكون على طبيعتها احسن وابرك

وفي نفس الوقت ما ابي وحده كنها واحد من زملاي بالاستراحه لا نعومه ولا دلع لا ابي انوثه

تجعل الفرق واضح بيني وبينها نعومه وحنان يحببني فيها كزوجه

اكثر من كذا ما ابي لانه بتصير مصخره وكذب وتصنع

[الوحدانية]

شكراعلى مشاركتكم واثرائكم الموضوع بردودكم