يانااااس عـن خافي الحال تدرون

[فتاة السعودية]

[align=center]يانااااس عـن خافي الحال تدرون
محدٍ على لحظــــة وناسة حسدني
كان أنكم من هم ساعه تصيحون
أنا الشقاء طول السنين يحصدني
يامـــا سهرت الليل وأنتم تنامون
مافيكم إللــــي عن همومي نشدني
وياما شكيت من العناء ماتحسون
محــدٍ درى عنــي ومحـــدٍ فقدني
ياللــي إلليا ضـــقتم دقايق تملون
ليــــت الهنا في هالدقايق وجدني
من عاش مثلي بالشقاء يقبل الدون
مـــن الفرح قبل آخر العمر يدني
النــــــاس يمضي همهم ثم ينسون
وانـــا..لاضـــاقت بهمٍ عمدني
وحيد ..وإلا بين تسعين مليون
لمحة بصر عدى الجميع وقصدني .

منقول من دفتر أحتفظ فيه بلأشعار المفضله [/align]

[$$عطر الكلام$$]

[align=center][grade="00008B FF6347 008000 4B0082"]
ياللــي إلليا ضـــقتم دقايق تملون
ليــــت الهنا في هالدقايق وجدني
من عاش مثلي بالشقاء يقبل الدون
مـــن الفرح قبل آخر العمر يدني

غاليتي فتاة سعودية

دمت على القصيدة الجميلة

صح لسان شاعرها وسلمت على الانتقاء المميز

في انتظار جديدك دوما[/grade][/align]

[مشـاعـل الخـالـد]

كان أنكم من هم ساعه تصيحون
أنا الشقاء طول السنين يحصدني



لازيد على ذلك الهم


سوى جورية شكر


دمت دونه

[خالد احمد]

فتاة السعودية



إختيـار أكثر من رائع ..


أبيـات جميله تستـحق النقـل ..


سلمتي .. ودمتي بخيــر ..

[دعاء]

أنا الشقاء طول السنين يحصدني
يامـــا سهرت الليل وأنتم تنامون

ياما سهرت الليل وانتم تنامون..
فتاة السعودية
فرصة سعيدة بين سطور الخليج الراقية برقي كل من فيها

صح لسان القائل
وسلمت هالانامل الناعمة الرقيقة التي نقلت لنا كل هذا الجمال

يسلمو كتير

[الملا عمر]

يانااااس عـن خافي الحال تدرون
محدٍ على لحظــــة وناسة حسدني
كان أنكم من هم ساعه تصيحون
أنا الشقاء طول السنين يحصدني
يامـــا سهرت الليل وأنتم تنامون
مافيكم إللــــي عن همومي نشدني
وياما شكيت من العناء ماتحسون
محــدٍ درى عنــي ومحـــدٍ فقدني
ياللــي إلليا ضـــقتم دقايق تملون
ليــــت الهنا في هالدقايق وجدني
من عاش مثلي بالشقاء يقبل الدون
مـــن الفرح قبل آخر العمر يدني
النــــــاس يمضي همهم ثم ينسون
وانـــا..لاضـــاقت بهمٍ عمدني
وحيد ..وإلا بين تسعين مليون
لمحة بصر عدى الجميع وقصدني .



والله القصيدة كلها حلوة زيي
ومعبرة
وعلى فكرة تراني رديت بس المنتدى مسح المشاركات الأخيرة
وكرر الحركة هذه مرة ثانية
واللي مزعلني فوق إنه حذف ردودي العظيمة كلها
إنه مسح موضوع لي هنا عن شاعر اسمه (بديوي الوقداني)
هذا الشاعر اللي قلت لك عنه موب مانع العتيبي
وإن شاء الله أرجع مرة ثانية ابحث عن قصايده وأجيبها لك
واعتبريها هدية
بغيت اهديك من قصائدي بس خفت تحبيني قلت أجل بلاش، موب مكفي الجمال أزيد فوقه الشعر الخنفشاري؟
خلنا على القصايد المنقولة أحسن
===
ملاحظة على كلام دعاء
وسلمت هالانامل الناعمة الرقيقة التي نقلت لنا كل هذا الجمال
!!!!!!!!!!!!!!!!!!!!!!!!!!!!!!!!!!!!
أي انامل وأي رقة وأي نعومة؟؟؟؟؟؟؟
تراها مواصير من كثر الحفر والدفن في المزرعة
قصدي على مواصير فتاة السعودية
اها يمكن دعاء تفكر إنه أنا اللي نقلت القصيدة

[فتاة السعودية]

حياكم الله جميعاً
واشكركم على مروركم الطيب إلي زاد هذه القصيده جمالاً بردودكم الجميله
ولو كنت عارفه إنها بتعجبكم كذا كان نزلتها من زماااان ... :)
هذه القصيده تعتبر من القصايد المحببه عندي والقريبه من نفسي وإلي دايم أرددها لحد ماحفظتها ...
وإن شاء الله أجيب لكم القصايد الثانيه ...

===
ملا حرام عليك أنا أناملي مواصير ...
دنا يابني أيديني تغنى فيها الشعراء القداما والمحدثين بعد ...
حتى أشك بقايل هذه القصيده .... :)
هههههههههه
الله يسعدك يارب ...
وللمعلوميه تراني قريت الموضوع حق الوقداني قبل لاينحذف بسبب الهكر الله يهديه ... ورديت على الموضوع بعد وشكرتك على الهديه بس الظاهر إنه هكروا عليه قبل لاتقراه ...
وبرضه رديت على كرسي الأعتراف يوم رشحتني اجلس عليه ووافقت عليه بناءاً على طلبك ...
===
وعلى طاري المزرعه أحب أهني جميع اصحاب المزارع والمزارعين بما فيهم أنا أحم احم :)
بمناسبة بداية موسم التمور الله يجعله موسم مبارك يارب ...
والله الله أبعدوا عن النخل لايفقع عيونكم <<<هذه كلمة أمي دايم هههههههه الله يطولي بعمرها

وإلي يبي تمر بأنواعه أو رطب يحجز من هالحين وارسله له بالبريد السريييييييييع ...
طبعاً ماعدا الملا خخخخخخخخ

:)

مزووووح تجي وتروووح

شاكراً لكم مره ثانيه ...

[الملا عمر]

أول شيء موسم مبارك إن شاء الله
وثاني شيء يا خسارة شكله موب مبارك
بدل ما تستغلين الملا في الدعاية عن تمركم تقولين ما بتعطينه شيء

طيب

موب بس انتم المزارعين
إحنا بعد مزارعين
صحيح ما عندنا تمر في الباحة ولكن عندنا اشياء ثانية كثير زي (عنب أبيض واسود، رمان حلو وحامض، مشمش، خوخ، بخار، بوص -زي الكرز- يوسف افندي، حماط - اللي يسمونه تين، تين -اللي يسمونه برشومي، جوافة، كمثرى، تفاح أخضر صغير وكبير، لوز، فركس )

هذا اللي تذكرته

وعندنا بعد شيء خرافي ما تلقينه في أي مكان في العالم
عندنا نوع من الورد لونه وردي وريحته ما فيه زيها، قسما بالله تشرح الخاطر على طول، وشكله أصلا ياخذ العقل، بس مشكلتها إنها ما تطلع إلا في أيام المطر والبرد، يعني علشان تنزلين المزرعة تشمينه (ممنوع القطف) لازم من خطة مدروسة
كنت افكره ورد جوري، بس بعدين شفت الجوري وطلع لا شيء جنبه،


يالله
هات تمر واعطيك اللي تبغين