و آآآآآ شرطتاه

[رمـاد الشـوق]

السلام عليكم و رحمة الله و بركاته

وشلونكم يا أهل المواضيع الجاده

أنا يا جماعة الخير بحكيلكم معاناة شخصيه صارت لي اليوم مع حبايبنا الشرطه

يعني بالعربي ضغطي مرتفع وابي افضفض لكم

بسم الله

السالفه طول الله اعماركم بدأت ظهر اليوم الخميس لما اكتشفت ان سيارتي تعرضت لمحاولة سرقه وهي واقفه عند باب البيت < -- حراميه كشخه يسرقون الظهر عينك عينك

طبعاً السياره ولله الحمد نجت من محاولة الإعتداء الغاشمه ولكن مع بعض الأضرار مثل تكسير النافذه و سرقة بعض محتويات السياره اللي ماتسوى

مداخله خاشه عرض < --- أكثر شي قاهرني ان السياره فيها فلوس عشرة وريالات محطوطه قدام و مع ذلك الحرامي تركها و سرقه اشياء تافهه مثل اشرطه و قلم ابو نص ريال

المهم ماعلينا نرجع لمحور حديثنا

و بحكم اني مواطن صالح قررت أبلغ الجهات المسؤوله حفاظاً على سلامة المنطقه و من باب التعاون مع رجال الأمن .. لكن قراري طلع زي وجهي

رحت لقسم الشرطه و هنا بدات المآساه !!!

طبعاً بعد ربع ساعه كل واحد يرميني على الثاني ..

= نعم وش عندك ؟؟

= عندي بلاغ سرقه

= رح للمكتب اللي جنبنا

و من مكتب لمكتب و مالاقي الا نفس الجواب

لكن كله كوم و اللي قعد يسالني ساعه الا ربع وشي سيارتك ؟؟ كم موديلها ؟؟ وش لونها ؟؟ وين ساكن ؟؟ أول مره تنسرق سيارتك ؟؟ تشتبه في احد ؟؟ فيه بينك و بين احد خلاف ؟؟

و في الأخير ايييييه اجل رح بلغ فوق في المكتب

يعني الأخ بس فاضي و ملقوف يبي يعرف السالفه

مالكم بالطويله

طبعاً لفيت على ثلاثة موظفين من هالنوع كل واحد يسألني نفس الاسئله و يقولي بالأخير ايييييه اجل رح المكتب الفلاني عشان تسوي بلاغ

المهم في الأخير سويت بلاغ أخيراً

وكنت معتقد انهم الحين بيجيبون لي الحرامي من غبائي

قالوا لي انزل تحت قسم البصمات عشان يطلع معك واحد يبصم سيارتك

ورجعت لنفس السالفه من جديد اصلاً مافيه قسم بصمات

و من كثر مازعجت الموظفين اللي بالاستقبال رايح راجع واحد منهم قالي أقولك وش رايك تروح وتجينا بعد صلاة الظهر الحين موظف البصمات ماهو موجود

قلت خير ان شاء الله مو مشكله

و أنا طالع برى اكتشفت ان الساعه 2 الا ربع واني مصلي الظهر قبل اجيهم اصلاً

رجعت لهم و استهبلت معهم اعاملهم بنفس الطريقه دخلت وقلت خلصت صلاة الظهر و انا جيت

المهم بالأخير لقيت موظف البصمات و ياليتني مالقيته !!!

طبعاً في البدايه عاد علي نفس الاسئله كلها مع ان ماله دخل هو شغلته يبصم السياره وبس

وبعد كذا قالي اقولك سيارتك هنا ؟؟ قلت لا سياراتي عند البيت في موقع الجريمه ..

قالي طيب رح جبها عشان ابصمها قلت لا ياشيخ طيب لو ركبتها أنا بتطلع عليها بصماتي انا وبصراحه أخاف تسجنوني عادي تجي عليكم

قالي لا ماعليك حنا نعرفك واذا شفنا بصماتك بنعرفها

وبعدين الذكي اللي جالس جنبه تدخل وقال ياخي لا تفتح الباب رح مع الباب الثاني واركب

قلت له طيب الكرسي كله قزاز شلون اركب قال عادي حط بطانيه واجلس عليها

المهم بصراحه طولت بالي على الآآآآآخر معهم و رجعت للبيت وفي نيتي خلاص بخليهم يولون

لكن بعد اقناع من أحد الاصدقاء قالي ياخي انت بلغت وقطعت نصف المشوار وش انت خسران ود السياره لهم وخلهم يبصمونها و اتخذت ثاني اغبى قرار بالعوده لهم ..

رجعت و بدأت معاناة البحث عن موظف البصمات من جديد يا جماعه الخير مدري وين يطس هذا

وبعد مالقيته قالي انتظرني عند باب القسم لين اجيك و طلعت انتظره بالحر ..

طبعاً وانا واقف كان فيه حرمه واقفه عند الباب و سبحان الله هالعسكر اللي مايعبرون احد صايرين قمة في الذوق و الأخلاق معها كل واحد يمر عليها تفضلي استريحي داخل يا اختي ليش واقفه برى و ترد بالرفض و على هالحال مافيه واحد يمر الا ويقول هالجمله

< --- واقف بالحر محد حتى يسلم عليه اذا مر

المهم طلع موظف البصمات الحبيب و جا معي للسياره و هو في الطريق يمشي قالي تراني طلعت معك ابصم سيارتك خدمة مني شفتك تعبت بالقسم ؟؟؟

قلت له لا يا شيخ اصلاً النظام انك تروح لموقع الجريمه لكن انا خدمة مني جبت لك السياره
سكت ومارد علي وكأنه مايسمعني

يوم وصلنا للسياره جاءت الصدمه الكبرى !!!!!!!!!

أول ما شاف سيارتي قال يوووووووه ياخي ليش ماقلت لنا ان سيارتك مراتبها جلد ؟؟ قلت وش الفرق

قالي الجلد مانقدر نبصمه يالله اخوي مع السلامه و مشى

أنا في هاللحظه بس عصبت لحقته بتهاوش معاه وبصراحه قلت كلام واجد ماتذكر منه الآن شي لأنه كان انفعالي بس المهم اني ماخليت مسبه ماقلتها

في الأخير قالي ياخوي انت ليش معصب اصلاً سيارتك مافيها شي ومانسرق منك الا اشياء تافهه رح غير قزازة موترك و توكل على الله

قلت طيب والحرامي ؟؟ قال يعني مصدق لو بصمنا بنلقاه انا من اول ماتعينت بالقسم كل يوم يجينا عشرات البلاغات و عمرنا مامسكنا ولا حرامي ..

في هاللحظه بس هدأت اعصابي و تعوذت من ابليس و مشيت بعد ماحطيت في بالي قاعده استفتدها من اللي صار اليوم ..

بقدم لكم نصيحتي و ياليت تستفيدون منها :

اذا انسرقت سياراتكم يالربع تكفون لاحد يبلغ وحتى لو شفت الحرامي واقف عند الباب رح سلم عليه واعزمه وافتح له باب السياره عشان يسرق اللي يبيه و يروح بدال مايكسر قزاز سيارتك

والسلام خير ختام ,,

[ابــوشـبـريــة]

ههههههههههههههههههههههههههه


ماشفت شي


انا مره انسرقت سيارتي ورحت بلغت

تصدق ولا ماتصدق اني اول ماجيت القسم وبلغت السياره قالي العسكري بكل برود

من الي سرقها ؟؟ <<< مادري هو يستبهل او انه مواصل خخخخخخخخ

وبعد يومين دقوا علي جوال ولقوها

والضحك انه واحد بلغ عن السياره وقالهم فيه سياره له يومين واقفه عند بيتي ومكسر القزاز
هههههههههههههههه


يعطيك العافيه

[ياقوتة الحب]

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههه

عااااااااااااااااااااادي ياخي خل روحك رياضيه تلعب تنس وكوره وكراتيه..

انت ما انسرق شيء احنا بتنا بكبره انسرق على الصفر حتى التحف ما رحموها كل شيء مكيفات 4 تلفزيونات..

وفي الاخير قالوا لابوي انت بطران اشتري جديد اعتبرها زكاة امواااال..

والله بهذا النص قالوا له..

يعني عااااااااااااااااااااادي..

[ياقوتة الحب]

نسيت اقولك معوض خير في القزاز..

هههههههههههههههههههههههههههههههههههههههه

[عذوبه]

ههههههههههههههههههه رمادوه

==>>تقول في قلبها ليته دووم تنسرق سيارتك دامك بتكتب لنا موضوع مثل كذا

ضحكتني من قلب

وبالنسبه للشرطه انا دايم اسمع في الأفلام المصريه (ان الشرطه في خدمة الشعب)

عاد مدري والله صدق ولا كذب ماجربتهم

وجعلني ماجربهم بعد سالفتك

رماد الشوق

الله يعوضك عن العشر ريالات

وقلم ابو نص ريال

والله يبسطك مثل ماضحكتني وانا مابي اضحك

اووم ثوب ازرق ملقلق



عذوبه

[مشاعل البندري]

ما أزيد عن كلام ياقوتة حبي :

نسيت اقولك معوض خير في القزاز..

هههههههههههههههههههههههههههههههههههههههه








التوقيع :
أنا سعوديـــــــــه في عيشتي تنعــمت**رمز الوشم سيف وللكف دلـــــــه

محبوبــتي السعوديـــه في حبها همت**أعشق سهلها والنجوم المضلــه

ويكفــي اني في السعوديــــــه تعلمت**ان الخضوع لغير ربــــي مذلـــــه



سامحيني ياقوتة حبي نسخت كلماتك لأنك ياقوته حقيقيه :)

[مشاعل البندري]

نسيت أقولكم شئ كلكم بلا استثناء يا حبايبي

اللي يبي شرطه حقيقيه أنا أقدر أجيب شرطة الدولة

لكن لو تبون الشرطه الربانيه وهي الأعلى عليكم بالمنتدى الاسلامي و أحكامه

الحكم لله وحده وليس للبشر

و تظل أخ عزيز يا رماد الشوق و مهما كان ما أرضى أحد يمسك بأي سوء لأنك عضو مميز بالمنتدى

ألف شكر لك :)

[رهــف]

..


وعليكمـ السلامـ ..


مو شي جديد عليهم ..


(قلت طيب والحرامي ؟؟ قال يعني مصدق لو بصمنا بنلقاه انا من اول ماتعينت بالقسم


كل يوم يجينا عشرات البلاغات و عمرنا مامسكنا ولا حرامي ..)


يعذروني .. هذا دليل علىى عدم كفائتهم !!


لا ويقولون الشرطه في خدمة الشعب ..


أنا مره شرطي تحرش فيني ..وحسيت قلبي بيوقف ..لأنه لوتمادىى أكثر ..


محد بيقدر يوقفه من الناس .. بس لأنه شرطي ..المهم الله ستر !


يسلموو رماد ..


والله يعوضك خير ..


وياليت يكونو قد الثقه ،،