|
 |
 |
 |
|
|
||||||||
 |
|
|
LinkBack | أدوات الموضوع | طرق مشاهدة الموضوع |
04-03-2007, 10:58 PM
|
رقم المشاركة : 1 | |
|
|
ايام القيظ اول وايام القيظ الحين!!!
[align=center]سلاااااااااااااااامووون عليهووم
شلوونكم شخبااركم .. منوره قسم التراث خ7 عندي موضووع حق الشايب على قوله حبوسه خ8 ... زمان أول أيام القيظ والحر اللي مثل ها الأيام كانت وايد حلوة عند أهالينا قبل كانوا يقيظون في النخيل والضواحي مب مثل الحين يشردون من الحر بالسفر برع البلاد كنه البلاد ما فيها مكان يقيظون فيه مساكين والله ما عاشوا حياة أبهاتنا وأمهاتنا قبل ولا قاسوا اللي قاسوه أهاليهم أذكر يوم كنا صغار في ها الأيام أيام القيظ نطلع كشدة ( كشتة ) عاد وين كانت كشداتنا في النخيل وإلا على البحر بس و كنا نستانس فيها وايد مب مثل اليوم يا إما سفر وإلا قاعدين تحت الكنديشن على النت والتلفزيون زمان أول أذكر كنا نتريق في البيت ونطلع من صباح الله خير نروح نقيل في النخيل عاد وين النخيل ووين البيت ناخذها مشي من الحارة للنخيل نمشي تقريباً ساعة وإلا ساعتين في الحر و ما شاء الله كل يوم على الحال ولين آخر الأجازة ما شاء الله صايرين كنه صخام من الشمس احترقنا مب مثل اليوم لو نطلع برع الحجرة دقيقة نقول ( أوووووف حر ) ونرد تحت الكنديشن يالله بالستر من نوصل النخل يالله عادي كل واحد ياخذ مخرافته ويمسك له نخلة ويخرف النخلة لين يترس المخرافة كلها واحد يمسك نخلة الصلاني واحد الخنيزي واحد الشهل وكنا شاطرين في ركب النخل وبدون حابول وإلا نروح لشير الهمبا والزيتون ( الجوافة ) والرمان واللومي كانت النخيل قبل كلها خضرة ونخيل مب مثل الحين ميتة مع أن الماي كان خريقة ما تحلية ما شاء الله ومن نخلص نتغدا وعاد شو الغدا مب محشي ولا معكرونة بالباشميل لا لا قدر عيش و مالح و إلا ذيك البرية اللي ما كلها الشيخ وإلا سحناه بس كنا نتخبل عليها قبل بس اليوم والله ما نعرف إلا الأكل وعقب ما نتغدا نروح عاد نلعب تحت هاذيج الشمس الحارة لين ما نشبع ونصير مثل الصخام وبعدين نروح نغط اعمارنا في الحوض نكمل لعب ومن تغيب الشمس كل واحد شل كشاره و يالله على البيت نوصل البيت ومأذن علينا المغرب والروحات كانت ويا الييران شلل و يا بعضها كانوا الناس قبل غير عن الحين الناس كانت لبعضه اليار لليار مب اليوم اليدار لازق في اليدار والبيت مقابل البيت ولا يتعارفون سبحان الله يالله وينها ذيج الأيام والله اشتقنا لها وايد لو عندنا آلة الزمن جان زين جان رديناها ذيج الأيام بس يالله الحمد لله والله ~~~~~~~~~~~ القيظ : الحر الشديد النخيل : المزارع والضواحي كشدة ( كشتة ) : رحلة الكنديشن : المكيف نتريق : نفطر ( وجبة الفطور ) الصخام : الفحم مخرافة : سلة من سعف النخيل يجمع فيها الرطب نترس : نملأ الحابول : الحبل الكبير الخنيزي والصلاني والشهل : من أنواع نخيل الهمبا : المانجو خريقة : ماء مالح و أحياناُ يطلق على ماء البئر المالح : وجبة اماراتية من السمك المملح البرية : نوع من السمك الصغير ويطلق في بعض مناطق الدولة مثل العين بالصد سحناه : سمك البرية بعد تجفيفه وطحنه كشاره : أغراضه ---------------------------------- لا تقولووون لي مكرر بدوس بطن مشاري خ10 خ12 م ن ق و ل ,,7 [/align] |
|
    
|
|
04-03-2007, 11:18 PM
|
رقم المشاركة : 3 | |
|
|
فديت روحج انجال
وربي انج صادقه ايام اول وراحة البارحه والبساطه اما الحين اونه متطورين بس اقول ها اللهجه مو غريبه على ها الموضوع احسها اماراتيه  تعرفين انا بقول مكرر عشان بس تدوسي على بطن مشاري نذاااااااله dkhan تسلمين انجال على روعة لطشتك ما انحرمش |
|
|
|
|
04-04-2007, 03:48 AM
|
رقم المشاركة : 4 | |
|
|
تعرفين انا بقول مكرر عشان بس تدوسي على بطن مشاري نذاااااااله
حسبي الله عليك ياعجوز السوء ادورين علي الزله علشان دوسين في بطني  كانوا يقيظون في النخيل والضواحي مب مثل الحين يشردون من الحر بالسفر عز الله انهم عاشو احلى من ايامنا هذي مرتاحين اهلنا قبل لا مصانع ولا تلووث هم عاشو زمان احلى من زمان هذا بمليوون مرة اما نحن عشنا في غابه كبيرة الكبير ياكل الصغير ولاخ مايشوف اخووه الا في كل عيد ولا فيه صلة رحم هل الايام الله المستعان بس << داخل تلقي محاضره انت وجهك قوول مشكورة انجال على طرحك الرااائع وطلع  مشكورة فديتك على موضووعك الرااائع وكل الشكر على حضورك الطيب في هل القسم مشـــــــــــاري لكل دولة رجال وزمان |
|
|
|
|
04-04-2007, 08:31 AM
|
رقم المشاركة : 5 | |
|
|
الأخت العزيزه انجال
الله يعطيك العافيه رحمتينا بالترجمه صحيح زمان أول أختلف وهذا الزمن راح يختلف عن الجيل القادم والستر يالله من تاليها شكرا لك ولا عدمنا مواضيعك وحظورك إحترااامي |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
العرض العادي
