معنى كلمة..(الله يعطيك العافيه)

[.Abo.Fisal.]

[align=center]

كيف حالكم ياحبايب؟....أن شاء الله أنكم بخير
وكعادة طفشاان ماني عارف وش أسووي في النت .....وصرت أتنقر بين المنتديات وأطب في موضوع في منتدى ويذكرني بموقف حصلي وقلت خلني أكتبه لكم ...(أخس موقف حصلي)عاد ماني مطول عليكم و خلنا ندش في صلب الموضوع
هذي السالفه صارت في أجازة الحج في أحدى السنين الي مضت....كنت شغال في حملة للوفد المغربي
المهم
و في يوم من الأيام كنا في اللوبي حق الفندق أنا وخويي..طفشانين ماندري وش نسووي
عاد خويي قال بطلب من الكوفي تبغى شيء قال لاهنت واحد كبتشينو<--------<< ماصدق خبر على طول طلب
ههههههااي
المهم خويي نادى الجرسون <---<<يعني المباشري.(لغير المتحدثين باللغه العربيه ههههاااي)ـ
خويي قاله هات لي باللهي واحد قهوة فرنسي واحد كبيتشينو قال أن شاء الله وراح
الي يجيب الطلبات ..(مغربي شايب كبير في السن)ـ
أنتظرنا لين جاء الطلب
الشايب مد القهوه لي وأعطيتها خووي وأنا أخذت الطلب حقي
خوي من زود الأحترام قله الله يعطيك العافيه
وأنا قلت بصير محترم أكثر منه قلت الله يعطيك ألف عافيه<-------<< ليتني ماقلتها
حنا قلنا لشايب المغربي كذا شفنا وجهه تغير

ونزل لين عند رجووله
ويطلع الزنوبه..(الزنوبه=نعال مطاطيه أذا صفعت بها الكافر أسلم)ـ والله ياذيك الزنوبه ما أنساها لونها أخضر
ماتشووف غير ضرب فينا
ياهوو وش فيه ليه كذا مو كنا حلووين قبل شووي
حنا بعدنا عن الشايب ...(عيب نمد يدنا على الشايب)ـ وجاء واحد بعد حتى هو مغربي وجالس يهدي في الشايب
خويي يضحك على الشايب يقول شكله يضحك وهو معصب وأنا مرتفع ضغطي ابغى أعرف السبب
المهم جيت ومسكت هذا فاعل الخير الي مسك الشايب قلت وش فيه هو
قالي أنتو قلتو له الله يدخلك النار
ويرتفع ضغطي زياده على بالي الشايب يتبلى علينا وأقول متى قلناله كل الي قلنها الله يعطيك العافيه بس
ويضحك الرجااال <-----------<< بغيت أصفقه بكاسة الكبتشينو.....بس حرام تروح 8 ريال بلاش هههاااي
قال عندنا في الغرب العربي العافيه معناها النار ....بغيت أبكي من القهر وأطالع في الشايب
وقلت الله لا يعطيك العافيه...وضحك
ومن بعدها صار الشايب خوينا
كل ما قابلنااه نقوله الله لا يعطيك العافيه هو يقولنا الله يعطيكم العافيه
ومره قالي الله يعطيك العافيه طلعلته الحذيان..(الله يكرمكم)ـ
عاد لا وصيكم كل مالقيتو واحد مغربي قولوله الله لا يعطيك العافيه عشان ينبسط ههههههههااي
وأن شاء الله القصه عجبتكم

يالله اشوتكم قصدي اشوفكم على خير

تقبلو تحياتي

.Abo.Fisal.



[/align]

[مجروحة الروح]

السلام عليكم ورحمة الله وبركاته

هههههههههههههههههههههاي

قصه مره رووووووووعه

يسلمو اخوي على مشاركتنا هذه االقصه الممتعه ويعطيك الف عافيه>>>>> ولا اقول الله لايعطيك

العافيه هههههههههههههههههههههه لووووووول

يسلمو اخوي

تحياتي

مجروحهــ

[عازف الحرف]

هههههههههههههههههههه


عز الله مقامك <<< بالتونسي ..




ههههههههههههههههههههههههههه



منور اخوي .. ابو فيصل

[ولد فله]

اضحك الله سنك يافتى ..
الله يعطيك العافيه<<<بالمغربي
وتقبل تحياتي..

[بنت فله]

هههههههه
الله لايعطيك العافيه بالمغربي
الله يعطيك العافيه بالخليجي

[اللوولوو]

الزنوبه=نعال مطاطيه أذا صفعت بها الكافر أسلم

قسم بالله ضحكت مع اني مالي خلق
والله مادري ايش اقولك اخاف اقول الله يعطيك العافيه تطردني من الموضوع

[.Abo.Fisal.]

[align=center]الله يعافيكم ^..^

وتسلمون يالغالين على ردودكم ومروركم


لاعدمناكم[/align]

[!@ولد@الكويت@!]

هههههههههههههههههه

الشايب هذا مايعطي وجه

خؤوؤش موقف ابو فيصل