لغز منقول ولا تعبون حالكم

[دال 10]

الأخت صبا
معذرة انشغلنا شوي
ماهو السيف ولا النهار ولا الظل
تحياتي ،،،،،،

[دال 10]

الأخ فهد بن منصور
نورت الموضوع طال عمرك
والله يحييك طال عمرك
تحياتي ،،،،،

[صبا نجد]

انت ما تحس بالمعاناة اللي تسببها لي لما اجاوب وترد علي بلا لالالالالالالالالالالا

يا اخي تحطيم لا تكتبها على طول حاول تهيء نفسيتي شوي

حرام عليك سببت لي عقد نفسية اهئ اهئ

[مشـاري]

يامشاري لازم(ن) تطلب طبيب *** الجماعة صابهم عقبك جفاف

وحالهم والله غدا حال(ن) مريب *** ومافي حل الا نقلهم داخل اسعاف




طاط وطيط وحالهم والله عطيب ///// كنهم نمل ٍ وجاهم بيف باف

غط راس الي عطاشا فا الشعيب ///// وانتبه تخطي على زين الوصاف


طيط ههههههه

[مشـاعـل الخـالـد]

اقتباس طاط وطيط وحالهم والله عطيب ///// كنهم نمل ٍ وجاهم بيف باف

بف باف بعين العدو قول امين


ماني بحاله لغز وانتم قاعدين تحطون ابيات هجاء

[مشـاري]

هههههههههههههههههههههههههه
هههههههههههههههههه

ام فرج حسبي الله عليك هذا يسمونه ملح خاص للغز

[دال 10]

طيط طاط وشمسهم عند المغيب *** مستحقين (ن ) عساهم بالتلاف
والحبيب ضربه مثل أكل الزبيب *** وان سألته قالك مابي خلاف
تحياتي ،،،،

[ـالهنوفـ]

يامشاري شفت لي شي غريب *** لابس ثوب الشقا يمشي كشاف
ابن ابوي وكيف سيفي له حريب*** ذابحه قبل امس والليلة يشاف


,

هلا اخوي دال 10 ...

حياك انت والغازك الصعبه .. الممتعه ..

,



خلونا نحلل الأبيات ونفكر بصوت عالي شوي >8



يامشاري شفت لي شي غريب ..

مشاري مبتدأ مرفوع بالضمة اللي ممكن تطيح عليه بأي وقت

شفت لي شئٍ غريب .. الشوفه ممكن تكون إحساس او شئ لاحظه مو شرط يشوفه بعيونه

<< الحين جابت التايهه ههههههههههههههه

.


لابس ثوب الشقا يمشي كشاف

الشقا = ممكن يكون سبب لتعب الإنسان ,, الهم ,, التفكير ,, الوسوسه

يمشي كشاف = اعتقد انه مايهمه .. يعني يجاهر باللي فيه

او يمكن الكل شايفه ويدري انه عايش بهم او شقا ..!!


.


ابن ابوي وكيف سيفي له حريب

ابن ابوي = قريب جداً من الإنسان .. مثل الأخ .. او اقرب .. ممكن الصديق ,, القريب

كيف سيفي له حريب = معناها هو عدو ..؟؟؟

والحرب ممكن يكون بسيف ثاني غير السيف اللي نعرفه ..

نوع ثاني من الحرب ..


.


ذابحه قبل امس والليلة يشاف

معناها كل ماذبحته يرجع ..؟؟

وش هالذبح اللي يرجع من بعده ؟؟

بس هو ذابحه قبل امس ... والليله يشاف

يعني امس مارجع هههههههههههههه ماخذ فترة نقاهه عشان يرجع



.


اللي وصلت له انه ممكن يكون الشيطان .. او الوسواس

اللي يوسوس للإنسان بارتكاب الخطايا والذنوب ..

وهو قربب جدا من الانسان ..

وكل يوم يذبحه ويحاربه بسيف الاستغفار والتوبه

ومع كذ1 يرجع باليوم الثاني ويرجع يوسوس للشخص



شرايكم بالتحليل .. dkhan


عاد لو طلع خطأ ابموت من التحطيم مثل صبوبه واكثررررر