.. فيصل التميمي ..

تقوى الهجر · 04-09-2007, 09:24 PM

بسم الله الرحمن الرحيم

اسعد الله اوقاتكم بكل خير .. قد يستغرب الجميع من الاسم المتواجد بالموضوع .. فأحب ان انوه بان الاسم .. أسمي ،، حبيت ان اجمع كل ماكتبت من خواطر وشعر بهذي الصفحة والسبب يعود لتواجد بعض ماكتبنا بمنتديات اخرى ..

واتمنى ان ماتجدوينه هنا يلامس احساسكم ..

اخوكم

تقوى الهجر

تقوى الهجر · 04-09-2007, 09:25 PM

.. وينك يابوي ..

ما زالت أحلامنا كما هي وآمالنا كما هي... متأملين بأن تعود تلك السنوات القليلة وهذه الأيام الضائعة مع من نحب ومن نفقد... بل نتمنى أن تكون هذه السنوات لحظات قليلة نقدم بها العطاء لمن كان فقدهم أكبر منا ونرد لهم جزيل تلك السنوات التي أمضوها معنا ولم نكن نحسب لها حساباً مادياً أو معنوياً... أحلامنا كثيرة وتطلعاتنا كبيرة.. والزمن لا يعود ولكن تبقى أحلامنا كما هي وسنواتنا تمضي ولن تعود... فكانت ليلة البارح بهذي الخاطره:

في وسط ليلي الدافي ..

وأحساس من الهوى الصافي ..

كان الواقع مثل الحلوم ..

قليلة في وقتي الهموم ..

يوم ما كنت أنت جنبي ..

وأفديك بروحي ودمي ..

وكان رضاك كل همي ..

كنت انت كل دنياي ..

وكل الحب يا معناي ..

يا بوي ..

يا أحلى أسم نطقته شفاي ..

لما أقول وش الراي ..؟

تفز لي أوتارٍ عزفها قلبك ..

ولما أقول وين دواي ..؟

تداويني من جروح حبك ..

لما أحس أني مو بخير ..

وأن الدنيا صارت غير ..

وأن دروبي عكس السير ..

ياخذني أمان دربك ..

ويطمني حنان قلبك ..

وإن تاهت بي المسافة ..

وصارت اللحظة كلافة ..

وطوى حزني حسافة ..

تزدهر زهرة عطاك ..

وتلمح عيوني سماك ..

وتكبر حلومي في مساك ..

واليوم أنا صاير غريب ..

في دنيا ما فيها حبيب ..

العالم من بعدك ..

غدى حزنٍ رهيب ..

يبه وينك عن عيوني ..

يبه العالم يلوموني ..

يبه كيف سرقتك أيامي ..

وأنا سارقتني أحلامي ..

تركتك تضيع من أيدي..

وأنا واقف ولا بإيدي ..

سواك تموت قدامي ..

وينقطع بعدك وريدي ..

يبه ينشدك غلا سنيني ..

وتترجاك دموع عيني ..

وإذا مر يوم ما ذكرتك ..

أقول لأيامي خسرتيني ..

يبه وينك انا وويني ..؟

يبه اليتم طاويني ..

يبه أرجوك احويني ..

بعطف وحنان أنسان ..

استاحش بعدك هالمكان ..

يبه خان الكلام العبارة ..

وبكت عيوني بمرارة ..

والياس طال انتظاره ..

والحياه بعدك خسارة ..

يبه .. آه .. يبه ..

كيف القلب بعدك هاجر باراضيه ..؟

وكيف مات الوصل بين قلبي وغاليه ..؟

وكيف العمر عيا صمتك يناديه ..؟

يبه عيا قلبي يشيل الحزن ..

وينتهي جرحك يا زمن ..

وتذوب غربة هالوطن ..

يبة تعال ونور دنيتي ..

ورجع في أيامك بسمتي ..

وأفديك بروحي وجنتي ..

يبه ..

ليه عيا صوتي المبتور ..؟؟

يناديك والأمل مكسور ..

أرجع ..

وياليت الزمان يدور ..

وتسمع ..

ندا قلبٍ حفظ أسمك ..

ورسمك ..

سحابة نور ..

يبه..يا شايلٍ همي ..

عسى جنات الخلد لك دارٍ ..

تحفظك من شقاوي الجور ..

وياربي أحفظ لي أمي ..

تراها كل همي ..

وهي حلمي ..

أمي ..

أنا يمه .. ما أبي سوى رضاك ..

وأنا مقوى أني أجفاك ..

ولا أقدر على فرقاك ..

أنا يا أمي ..

إن عافيت ..

أو أخطيت ..

أو جافيت ..

أجيك أعتذر عن خطاك ..

وأنا يمه ..

مهما قلت ..

أو عديت ..

أو أحصيت ..

عمري يا الغالية ما وفيت ..

ثنايا ذرة من عطفك .. ورضاك ..

وقفـــة ..

يارب ترحم جميع أمواتنا و يجعل صورهم وذكراهم بقلوبنا لحين نلقاهم !

أنتهى

تقوى الهجر · 04-09-2007, 09:28 PM

.. غربة الروح ..

كانت وسطهم جالسة ..

تبكي الجراح ..

تشكي همومٍ عايشة ..

عمري إللي راح ..

تحكي وترسم بالأمل ..

وتنشد قصايد فيها للعاشق وصل ..

وتناظر العهد القديم إللي غفل ..

وهم يسمعون ..

هي بس تحكي ويفهمون ..

معنى الحزن في عيونها ..

كيف الصبر من دون حتى سكونها ..

هي بس تنسج بالقصيد ..

أحلى مسامع للعشق ..

ومنها تعيد ..

وبعد لحظة ..

أقبلت أناظرها بين الملا ..

وأتامل الصورة التي توصف حلا ..

أقبلت أرتب كلامٍ اوصفه ..

وأشوف ضلعي من دقته قلبي إعصفه ..

أرقب ملامح شفتها ..

حبيتها ..

جلست أسمع ..

عزف قاضي ..

ما عزف إلا ألحان التراضي ..

الله حسيب كل العيون إللي تطالع، وما تسمي ..

والقلوب إللي تعدت حدود حلمي ..

بعدها سكتت ..

وساد الصمت ..

عيوني بكت ..

بعدها ..

كلهم تمنوا قربها ..

صاروا مثلها يكتبون ..

أحلى القصايد عنها ..

واحد وصف كلماتها ..

وواحد وصف جمالها ..

والثالث أنشد قصايد في نظرة عينها ..

وش يفهمون ..؟

عن العيون ..

إللي سكنت صدري الحنون ..

قام القريّب منها ..

قايل لها:

" اختاري منهو إللي تبين ..

أو تحلمين ..

أو تطلبين ..

يسكن عيونٍ يا زينها .."

قلبي خفق ..

كسر ظلوعي وغرق ..

بحلمٍ ما قد أحد سابق فيه وسبق..

سكتت كثير ..

وطال أنتظاري ..

منهو بتختاري أمير ..؟

يسقي عيونك في الهجير ..

ويبري طعونك لا صار هالعالم فقير ..

يا كم طول صمتها ..

طول كثير ..

صارت ملامح حيرتي ..

أقرب من دمعي لبسمتي ..

والأسئلة في مهجتي ..

من تطلبين ..؟

أو تامرين ..؟

أو تسكني حد الجبين ..؟

وبعد صمتٍ طول سنين ..

قالت: " أبغى فلان لأنه مثلي حنون ..

وآمر فلان أنه يسكن في العيون ..

وأطلب فلان .. رغم قلبه دايم حزين .."

هذا كل إللي قدرت ..؟

تطلب فلان ..

وتذكر فلان ..

وتنشد فلان ..

وأنا إللي ساكن عيونك من زمان ..؟

ضاع الحكي وسط السكون ..

وجال الحزن في مركب بحور الفتون ..

ماكنت أبي إلا كلمة منها ..

ليش خذلتني عيونها ..

كسرت قلبي ظنونها ..

آه .. كم حيرت عيني كثير .. ظنونها ..

وكم سهرت قلبي أسير .. بسجنوها ..

حسيت كل الكون مني أنسرق ..

صوت ضحكاتي في مسامعها ورق ..

وقلبي أحترق ..

هذا إللي صار ..

مالي في الدنيا قرار ..

كلٍ يدور عن مدمعه ..

وبأختصار .. قلبي الغريق ..

قلبي الحزين ..

قلبي الذي مات من سنين ..

الله معه ..

انتهى !

تقوى الهجر · 04-09-2007, 09:31 PM

.. بين همسات القلب والقلم ..

أنتي يا من لقاءك يستحق الأنتظار ..

أنتي يا من قلبك يعشق بقلبي ..

أن يلعب لعبة الأقدار ..

يا من عشقت كتاباتك التي ببالي ليلا ونهار ..

قولي لي.. كيف سأنسى ذلك الأحتضار ..

حين تفارقيني .. وحين تتركيني ..

كما يفعل الكبار بالصغار ..

أنتي يا من اعطيتني لقلبي شوقاً ..

لا يملك أن يختار ..

غير أن يأتيكي مشتاقاً ..

لكلامكي ..

ولهمس قلبكي ..

وروحكي التي لا تبالي بقلبي ..

فتفعل ما تشاء وتختار ..

أنتي يا من نسيت معكي الحياه ..

وأنسيتني أصحابي وهمومي ..

وشؤون الدنيا والأسفار ..

أنتي يا من أسكنتكي عيني ..

وملكتي لساني ..

وصرتي لي جنة باردة وأدفأ نار ..

أنتي يا من أخذتي همومي ..

وحذفتي حزني من قاموسي ..

وجعلتي في حياتي أفكار ..

أنتي يا من درستي كتابي ..

وعرفتي شوقي.. وكتبتي بكتاباتك ..

درساً أدرسه كلما أعشق وأحتار ..

أنتي يا من أأتيكي في ليلٍ اسود ..

وفي صبحك تأتيكي شمساً ..

تنشر على وجنتيكي جمال البدو والأحضار ..

أنتي يا من غيرتي الدنيا ..

فجعلتي في ليلي شمساً ..

وجعلتي في نهاري أقمار ..

أنتي يا نور حياتي ..

ويا سبب أحلى ضحكاتي ..

ويا كل الدنيا ..

أخترتكي من دون الدنيا ..

حينما ملكت حرية الأختيار ..

أنتهى ..

تقوى الهجر · 04-09-2007, 09:32 PM

.. احبك بخيالي ..

ها هي كعادتها تزدحم بالأفكار ..
أنها مخيلتي التي لطالما أتعبتبي معها بين الجميل والقبيح والكاذب والصادق .. والحزين والسعيد .. وها هي اليوم تأتي لي بحبٍ جديد .. حبٍ كالذي عذب قيس فجعله يكتب أحلى قصائد الغرام .. وكحب روميو الذي فضل مماته الأبدي الخالد على حياته
شيئ غريب .. لم أكن أنتظر أن يأتني قدري التخيلي بكهذا حب .. يصعب علي تفسيره أو أخذ أسبابه أو تحليل نتائجه .. حب كهذا أخذ بي بعيدا ورمى بي على شاطئ رملي ذهبي .. لا أظنه ينضب أبدا .. أخذ بي إلى أعماق البحار حيث الحصول على كل ما هو رائع في جماله .. أخذني فوق أعالي السحاب، أخذني ليرجع بي إلى مكان أجهل نهايته ..
وفجأءة .. سقط القلم من يدي ليوقض صوته مخيلتي من أحلامها التي أحبها هذا القلب الصغير .

في ليلة أحلامي الطويلة ..

من ليالي ألف ليلة ..

خط القدر قصة جميلة ..

عن سوالف رحلتي ..

معها ثنايا قصتي ..

شفته ومدري وش حصل ..

انفتحت أبواب الأمل ..

هل هو النصيب إللي سأل ..

أو الخجل ..

أو الدروب إللي رسمت ..

في الهوى معزوفتي ..

شفت الهنا في دنيتي ..

وهذي بداية قصتي ..

مشيت أنما أجمل طريق ..

معك يا كل الحنان ..

حسيت أنا بهمي يضيق ..

ومعاك أنا دربي أمان ..

ما شيل أنا أي هم ..

يوم أشوفك تبتسم ..

وأقول انا : (آمر وسم)..

لو تطلب عيوني حبيبي ..

صدقني ما تغلى عليك ..

دامك براحة ما يهم ..

كلي انا لشارة أيديك ..

صدقني أنا يوم أقول ..

أنك أجمل من سكن عيني أنا ..

وأني معك شفت الهنا ..

وأحلى أيامي معك ..

يا أجمل خيوط السنا ..

أسال القلب الصمول ..

إللي ما هزه عذول ..

هو يبوح بخاطره ..

يشكي، يسولف لك، يقول ..

عن كل دقة شاعرة ..

مرت عليه ..

بنظرة قبول ..

من هالعيون الساحرة ..

صدقني أنا لو أقول ..

أنت الذي أعطتيني ..

كل الأمل ..

اهديتني ..

قصةٍ فيها للعاشق وصل ..

لو أقول انك زماني ..

ما وفيت ..

وأنت لدروبي الاماني ..

ما اكتفيت ..

لو أقول انك حبيبي ..

وش حكيت ..

كل الحروف بداخلي ..

عيت تسابق بعضها ..

ترسم تواصيف امن بالهوى ..

أصبح يوازري نبضها ..

هم ما وفيت ..

وما سقيت ..

كل الغرور بداخلي ..

لأجل أوصلك ..

صرت أجهلك ..

وعزومي هدت كاحلي ..

وما سريت ..

تصدق يا عمري ..

كثير سنين لو عشتها ..

عيت توصف لك غلاتك ..

وش أبوح أن قلتها ..

رقتك ولا حلاتك ..

إللي بعيوني شفتها ..

حسيتها ..

تدري يا عمري ..

كل إللي أبي ..

أمسح من عيوني مدامعها ..

وأغير لجلك مذهبي ..

بكلمة (أحبك)

وأخلي الناس تسمعها ..

انتهى ..

تقوى الهجر · 04-09-2007, 09:33 PM

.. لك حق تسأل ..

لك حق تسأل ليه انا منك وفيك ..

لك حق تسأل ليه أنا أموت بغيابك ..

ليه الخفوق عيا يجافيك ..

ليه أنا يا عمر عمري عانيت بأسبابك ..

ليه أبيات الشعر كلها تحتويك ..

ليه أنا اشتاق لطلة مراسيك ..

وليه المشاعر ساعة شوفة طيوفك تحتفل فيك ..

وليه أنا في غيبتك اكسر الخاطر ..

وليه أنت مهجة غربتي في أمسي والحاظر ..

ليه القمر من طلتك يبقى بالليل ساهر ..

وليه النوم عيا يقابل مقلتي ..

باسبابك الظاهر ..

أي نعم ..

كل هذا لأنك أكبر من الحلم ..

ولأنك بروحي النغم ..

ولأن حبك بقلبي أقوى حتى من الألم ..

لأني أنسى بشوفتك أحلى أحاسيس الندم ..

أي نعم ..

أنت النهار أنت أنا كيف بسلاك ..

وأنت الدرب إللي لاقصى الحشى وداك ..

وأنت الزمان إللي من عزتك يفداك ..

وأنت السما أنت وحبها يعلاك..

وأنت شباب العمر مقدر على فرقاك ..

وأنت الزهور إللي عبيرها هل كل ما أطراك ..

والله لك حق تسأل :

لو ضيعتك كيف أنا بلقاك ..؟

والخفوق يقول:

ما به حد يسوالك !!

أنتهى ..

تقوى الهجر · 04-09-2007, 09:36 PM

.. القلوب قبور ..

احبك لو يموت الحب وتصـــير القلوب قبور،، أحبك لو زرع قلبي شجر غابات من خوفـي
أحبك لو وقف هالكون وضاع الفي وسط النور،، أحبك لو صرخ قلبي حزن ويلات من جوفــي
أحبك لو يموت قلبي وسط فرقاك وقف مجبور،، من فراقك ألم يسري وسط دنياي وحروفـــي
ترى والله أنا مقدر أشوف العاشقين معـذور،، لأني من عشقتك حيل ما طاعت لي ظروفـــي
لأني احترق شوقٍ لجل طيفك غديت مسحور،، لجل ما تلحم طيوفك عشق سادي مع طيوفـي
لاني عاشقٍ دنياك عشقت من النهار النور،، لأنك نور هالدنيا .. لأنك مـطلبه شوفــــي
طلبتك يالغلا ارجع لجل تمشي الحياه وتـدور،، لجل ما ترجع أفراحي وتـلمس كـفك كفوفي

.

تقوى الهجر · 04-09-2007, 09:37 PM

.. وداع ..

عندما حان الوداع تركت قلمي هنا مودعا.. مهللا لعهد جديد من عهود أفاقنا..
تحياتي ممزوجة بالعبير والورد.. كل من أعجبه هذا القلم الصغير الغض..
لكل من أراد أن يتذكر قلمي..
لكل من أراد أن يتذكر حكاياتي..
لكل من أراد أن تتردد كلماتي على مسامعه..
أودعكم الله تاركا قلمي هنا..
وكلماتي هنا..
وأحزاني هنا..

ليلي طويل..

وقلبي عليل..

وإللي بنفسي هم ثقيل..

كانت جنبي وقتها..

وكنت انا كلي لها..

وكانت جميلة..

بس القدر الله دخيله..

فرق حبايب..

وشرق غرايب..

كنت أحبه في غروره..

كنت أحبه في عناده..

كان مالي إلا وداده..

بس للأسف، للقدر قوة أراده..

فاقت قواها عزمنا..

وهدت خطاها همنا..

هذي الحياه..

قسوة تعانق إيدنا..

ياكم قسى ماضينا..

وضعنا في خطاوينا..

ومع الاحزان تماشينا..

وقلنا الحياه..

محدٍ وصل لي مبتغاه..

أو مرتجاه..

ياما تلاقينا حبايب..

نشكي سوى فرحي إللي غايب..

وأسأل أنا قلبي إللي ذايب..

لو كان قلبي حبها..

وقلبي إللي ذاب فــ قلبها..

وألحين ويني وينها..

صرت أنا ضايع غريب..

هدني غياب الحبيب..

والقريب..

صار يشكي لي أحزاني منها..

وصار الكدر همي الغريب..

يا كم بعيدة هالمسافة..

والأمل يشكي حسافة..

أنه يوصل لأحلامها..

ما أقول يوصل لها..

أهاتي من طول العنا هزمتني..

والدنيا لو هي قوية خيرتني..

بين موتي..

وبين فرقاها عودتني..

كيف انا أختار..؟

وفي اختياري الأنتحار..

كيف أنا بصبر دون قربك..؟

وكيف انا باعيش دنيا ما بها حتى حبك..؟

وكيف أنا نامت عيوني..؟

بعد ما هزيت كوني..؟

بالفراق..

واشتعال نار الاشواق..

وبالموت لي سباق..

علميها يا حياتي وش صار بغيابه..

حالي كيف من فراقها أسبابه..؟

صار الجسد دايم نحيل..

والفرح هد فيني كل معنى جميل..

والأسى صار عنواني وصار الدليل..

صرت ما أقوى..

صرت من جد.. مالي حيل..

علميها.. كيف الفرح عيا يجيني..؟

والفراق من نارها يحتويني..

والكلام ضاع فيها وضاع فيني..

كيف انا بقوى الغياب..؟

وكيف أنا بسأل عن دنياي العذاب..؟

وكيف انا بقتل في أيامي الشباب..؟

وكيف انا بقوى دخيلك علميني..؟

والمشاعر حدها وحد الألم فيني..

صارحيني..

ما صرت أعرف وش فيها دنيتي..

بس إللي أبيكي تعرفين..

مهما أشتكتني غربتي..

لا تشتكين..

أو تصرخين..

بس أبيكي تطالعين..

حد المرايا..

أو في أحلامك زوايا..

بتلاقي طيفي في الحنايا..

يقلك كلمتين..

(أنا أحبك)..

لا تخافين..

ومهما كنتي انتي والقدر ضدي..

وكان العذاب حدك و حدي..

قلبي حبيبتي يشكي من الالم..

مهما سويتي ومهما قلتي من ندم..

لأن الظفر عمره ما يطلع من اللحم..

شلون..؟ لا تسألين..

أنتهى ..

.. فيصل التميمي ..

ديوان شعراء الخليج