مليون حبة شمام فيها الايدزبالسعوديه

[عبير البدره]

[align=center]

السلام عليكم ورحمة الله وبركاته



من ساعه تقريبا وصلتني رسالة على جوالي ومضمونها الآتي

(( تعميم من وزارة الداخليه بدخول مليون حبه شمام الىالاراضي السعوديه
عن طريق الشمال مضروبه بابر الايدز _ بتاريخ اليوم 20/3/1428
الرساله من الاستشاري الدكتور صالح الدماس مستشفى الملك فيصل التخصصي ))



استغربت من هذه الرساله وهذه الرساله وصلتني من اعز صديقاتي


وقمت بالبحث بالقوقل على وعسى اجد شئ يفيدني بخصوص هذا المضمون

ولكن للاسف ما وجدته بالبحث نفس المضمون للرساله الي وصلتني وهيا



" تعميم من وزارة الداخلية بدخول مليون حبة شمام إلى الأراضي السعودية عن طريق الشمال مضروبه بإبر تحتوي على فايروس الإيدز بتاريخ يوم 20-3-1428 هـ "




7



يا ابناء المملكة العربيه السعوديه افيدونا بخصوص هذا الموضوع


هل هذه شائعه جديده ام حقيقه مريره حصلت وهيا تهدف من اجل اباده العرب والمسلمين

مثل ما يقولون حرب الجرثوميه




انتظر جوابكم




هونت ماني ماكله شمام من اليوم







تحياتي




عبوووره[/align]

[عبير البدره]

الخبر منتشر بالبحرين وقطر


فكيف الخبر بالسعوديه ؟؟

[مشـاعـل الخـالـد]

اقتباس " تعميم من وزارة الداخلية بدخول مليون حبة شمام إلى الأراضي السعودية عن طريق الشمال مضروبه بإبر تحتوي على فايروس الإيدز بتاريخ يوم 20-3-1428 هـ "

هلابك عبير

انا تو العصر سمعت الخبر خواتي يسولفون فيه

وجايه لوحده من خواتي رساله مثل رسالتك نفس المضمون

يقولون واصله من الاردن واللي سوى هالنجاسه اسرائيل

يبون ينتقمون مننا باي طريقه وشوفي شلون عقولهم الخبيثه دبرت هالشي الحقير

بنعمة الله يدسون السم <<<< تموت بالشمام (الضميري)

الله ينتقم منهم ان شالله



لكن


لكن


الخبر الاكيد واللي الاخبار اكدته ان الخبر مو صحيح وانه خارج المملكه ماوصتنا هالشحنه

وعساها ماتوصلنا



طبعا كل اللي كتبته سمعته من خواتي عاد هم وذمتهم


يعطيك العافيه عبووووره


جوريه

[طــلال]

بصراحه ليا هالحين ما وصلني شي

بس بعلمكم بسالفه

احد التجار قبل تقريبا ست شهور

دخل للسعوديه حبوب بندول الكل يعرف حبوب البندول

من الخارج والبندول ما فيه شي بس انه باعه بسعر اقل من وكيله الحصري بالمملكه

بعد ما دخله المسكين باسبوع طلعت اشاعه ان فيه بندول دخله احد التجار

من الخارج يسبب امراض عديده والله ما اذكرها بس قال من ضمنها سرطان

وكان البندول رقمه يختلف عن رقم بندول وكيله الحصري بالسعوديه

انا الى الحين ما وصل شي ولو كان الخبر موثق كان طلع بشكل رسمي

والاشاعات من كثرها هاليومين

حاله التجار كذا اذا دخل تاجر السوق ويبي يترزق الله لزقوا به اشاعه يخلونه افقر من الفقر بعدها

المطلوب لا تصدقون اي شي ما طلع بشكل رسمي

واعتذر على الاطاله

[ولد فله]

.....مصدر موثووووووق..
علميا لا يعيش فيروس الإيدز خارج جسم الأنسان
اكثر من عشر ثواني ولم يثبت انتقاله عن طريق الأطعمه..
(هذا تدعى بكذبة ابريل كما سمعت)

اتمنى لنا ولكم السلامه..
تقبلو تحياتي..

[مشـاري]

<< ماكل اليوم شمام

بنت شويرط حسبي الله عليك بموت من الخوووف


مااعتقد انا هل الخبر صحيح لن عندنا هيئة رقابه جيدة وهي الجوده النوعية ومستحيل تمر بضاعة

الي داخل الارضي السعودية وطرحها في الاسوق للمستهلك بدون مايخذون عينات على هل السلعة

ولي تعقيب بسيط على كلام الاخ ولد فله

علميا لا يعيش فيروس الإيدز خارج جسم الأنسان ؟

اتفق معاك ان علميآآ لايعيش في جسم الانسان بس يجوز انا تم تلويث الشمام عن طريق الابر وملوثه

ولو بقليل من دم احد المصابين في الإيدز

تحياتي لك بنت شويرط ومواضيع الي تجيب الامساااك حسبي الله عليك طيرتي النوم من عيوني

مشــــــــــاري مريض الهوا بس

[رمـاد الشـوق]

ماتوقع يا عبير ان الخبر صحيح

نسمع كثير من هالإشاعات تنتشر بين فتره والثانيه ..

عموماً حنا في حفظ الله ان شاء الله و اللي ربي كاتبه بيصير

مشكوره عبير بس اكلي شمام و خلي كل شي على ربك

تحياتي ..

[ياقوتة الحب]

السلام عليكم ورحمة الله وبركاته..

اول شيء....الايدز ما يعيش إلا في كريات الدم البيضاء والشمام ما عنده كريات دم بيضاء!!!!!

ثاني شيء...الايدز ما يعيش في جسم البعوض علشان يعيش في الشمام..

ثالث شيء...انا ماكله شمام اليوووم اللين صر ضلعي(وصر ضلعي كنايه عن الشبع يعني اللين شبعت)

رابع شيء...((قل لن يصيبنا إلا ما كتب الله لنا))

خامس شيء....(ادري مصختها)ترحمووا عليه يمكن اموووت من الايدز..ههههههههههههههههه

مشكووووووووووووووووره عبووووووره على الموضوع..