][امي تقول..اكتب لي ياوليدي قصيدة][

[التميــــــمي]

مساكم الله بالخيــر

هذه قصيده قصيره عن الوالده الله يحفظهــا وامهاتنا وجميع المسلمين ويرزقنا برهم ، مع العلم اني ماني شاعر لكن لكل واحد لديه مواهب ويحب يحركها مثل ماقال احد الشعراء ...

الشعر درب(ن) أحد(ن) تغنى فيه وأحد(ن) صاح****مشــــاعر قلب(ن) تفجر باسلوب مجروح
واي نقد من اخواننا الشعراء ارحب به وبالعكس كذا نتعلم منهم ونعرف اخطائنا..
*
*
*
*
*
امي تقول اكتب لي ياوليدي قصيدة ..........
.......... ابطيت بكتابي وعقب بالرد عييت
\
/
مااظن اخليها في كلامي سعيدة ..........
.......... حقوقها عجزت اخليها بشق او بيت
\
/
الي ذبحت ابوه.. آسف وش تفيده ..........
.......... ولابو معروف شكرا لمعروفه وش اديت
\
/
والي ذبحك بمعروفه القصايد وش تزيده ..........
.......... كل مدح الشعر لو اقوله ماجزيت
\
/
يالله يامعبود يالي كل الأعمار بيده ..........
.......... تزيد عمره كثر ماتمنيت
||
||
سلامتكم

[بعيد الارماس]

الله يمسيك بالنور والخير يالتميمي

يعطيك العافيه ..

ما أجمل الثقه بالنفس .. لم نخلق نعلم كل شيء !

ولكننا دائماً نتعلم ..


أخوي الغالي
التميمي

أحيي فيك هذه الثقه وطلب الإستشاره من إخوانك الشعراء للإستفاده ..

امي تقول اكتب لي ياوليدي قصيدة ..........
.......... ابطيت بكتابي وعقب بالرد عييت
\
/
مااظن اخليها في كلامي سعيدة ..........
.......... حقوقها عجزت اخليها بشق او بيت
\
/
الي ذبحت ابوه.. آسف وش تفيده ..........
.......... ولابو معروف شكرا لمعروفه وش اديت
\
/
والي ذبحك بمعروفه القصايد وش تزيده ..........
.......... كل مدح الشعر لو اقوله ماجزيت
\
/
يالله يامعبود يالي كل الأعمار بيده ..........
.......... تزيد عمره كثر ماتمنيت

============

صح لسانك يالغالي

مهما كتبنا في الأم لن نفيها أبسط الحقوق بأجمل الكلمات

قمت بتعديل بعض الكلمات في بيتين من أبياتك

رغم مراعاتي للإختلاف البسيط في اللهجه وسأترك لك مراجعة البقيه

وأنا على ثقه بقدرتك على ذلك لولا استعجالك

فأصبحت هكذا :


ما اظن اخليها في كلامي سعيدة
.......... حقوقها عجزت اخليها (بشق) او بيت / جميل ولكن لو قلنا : أخليها بشطر أو بيت
لجمال الصوره والوزن رغم علمي بالمقصد في كلمة (شق) هو التقليل

******************
الي ذبحت ابوه.. آسف وش تفيده / إظافة واو وحذف التاء : والي ذبح وذلك للسبب ذاته
.......... ولابو معروف شكرا لمعروفه وش اديت / في هذا الشطر خلل واضح
في الوزن وهنا عليك الملاحظه بتوحيد الكلمات وتطابقها مع الأبيات في القصيده

******************

التميمي

آمل أن نرى القصيده بعد ترتيبها من قبلك

فنحن لم نضيف سوا بعض التصحيح البسيط جدا ً

تلك ماخطت أناملك


إحترااامي

[فواز البوعينين]

تسلم لنا يالتميمي


ويسلم لنا حضورك ونور قلبك


الله يحفظ الوالده ويجعلك من البارين فيها إن شاء الله


لا تبخل علينا وانا اخوك بكل ما يجي معك


ملاحظه:
بعد ما تكت أي محاوله حاول تغنيها على لحن ثابت


لك مني كل الود

[التميــــــمي]

حي الله اخووي بعيد الارماس .. ماهي غريبه منك ياطويل العمر هالطله

تصحيحك بمحله .. وهذي الابيات
مااظن اخليها في كلامي سعيدة ..........
.......... حقوقها عجزت اخليها بشطر او بيت
\
/
والي ذبح ابوه.. آسف وش تفيده ..........
.......... ولابو معروف شكرا لمعروفه وش اديت

مع العلم البيت الرابع المقصود فيه الاب وللأسف كثير من الناس مقصر مع ابوه واذا توفى الاب قال آسف يابوي مقصر في برك وكلمة آسف وش تفيده بعد مايتوفى بالدنيا ، ولابو معروف شكرا لمعروفه وش اديت المقصود به هو الابن البار يلقى الشكر من ابوه ومن الناس الي حوله على بره لبوه ... اما كلمة وش اديت الصراحه كانت ((على مااديت)) لكن قريت القصيدة كم مره ولقيت ان وش اديت متأقلمه مع الوضع

ومهما قلت اخووي بعيد الارماس انا اتعلم ..واتعلم منكم

يعطيك العافيه على هالطله وصح لسانك

[التميــــــمي]

اقتباس   المشاركة الأصلية كتبت بواسطة فواز البوعينين تسلم لنا يالتميمي ويسلم لنا حضورك ونور قلبك الله يحفظ الوالده ويجعلك من البارين فيها إن شاء الله لا تبخل علينا وانا اخوك بكل ما يجي معك ملاحظه: بعد ما تكت أي محاوله حاول تغنيها على لحن ثابت لك مني كل الود

حي الله الشاعر واخوي فواز البوعينين ..

تسلم ياطويل العمر على هالطله ، والله يصبرنا على بر امهاتنا بالصورة الي يرضاها ربنا سبحانه

وملاحظتك بمحلها ياطويل العمر

تقبل تحياتي

[جــــــــــرح]

التميمي صح لســانـــك
عسى الله يخليهــا لك ومحاولة تستحق المحاوله حتى لو ماكنت شاعر
تحياتي لك ياراقي تقبل تحياتي ....
اخووووك
جـــــــــرح

[خالد احمد]

التـميـمي ...


صـح لسـانك يالغالي ..


والله لا يخلينـا من أمهـاتـنـا ... هـن على ما قالوا .. راس المـال ..


محاوله جميـله .. لإنسانه تستـحق الكثيـر ..


سلمت .. ودمت بخيــر ..

[مشـاعـل الخـالـد]

/
يالله يامعبود يالي كل الأعمار بيده ..........
.......... تزيد عمره كثر ماتمنيت



صح لسانك وعلا شانك


الف مليوووون شكر للاحساس اعلاه

الله لايحرمك رضاهم


اطيب تحيه