-,.زاويــة الكاتبة ملاك المشاعر.,-

[ملاك المشاعر]

كل مابقي لي منك فـ ـتـ ـ ـات من مشاعر

والمضحك بأنك عدلت في الفتات بيني وبين غيري

تبدأ بهم ... وإن فاض شيئاً منه .. وهبته إلي

ألا يستحق هذا الثناء !!!

شكرا لك بحجم مشاعري .. وأكرهك بضئالة نصيبي منك


أحبك

[ملاك المشاعر]

وحدي هناك

أرقب زخات المطر

أنتظر

وأنتظر .. أن تأتي

ولا تأتي

.....

ذات مرة .. سمعت والدتي تحثني
ارفعي ذراعيكِ للسماء .. تحت المطر .. ولتكثري من الدعاء

.....

اليوم أرفعها عاليا .. لأهمهم دعائي اليومي .. ( اللهم احفظه .. اللهم وفقه .. ( ..... ) )ودعاء استحلفت أن لا أعلم به أحد سواه .. وحده يعلمه

اللهم آمين

اللهم آمين

اللهم آمين

[ملاك المشاعر]

( ليه دايم أحتاج أسألك .. وش فيك وشهو مزعلك .. ليه دايم ردودك تكون .. نظرة بمعنى شدخلك )


اليوم الكلمات ماتسعفني .. اسمعوني بصوتي .. وبكلماتي العامية ,, واعذروني

لما كنت صغيرة , كنت أتمنى إني أكبر بسرعة
كنت أتفاخر بكل يوم يعدي لأن عمري يزيد يوم
كنت أنتظر أوصل العشرين بكل فخر وسعادة
كنت أبي هالقلب الصغير يسكنه من يستاهله
تأثرت بقصص الحب والروايات الي كنت أسمعها كثير
وأقراها .. قصائد الحب , وكيف الشاعر يتغزل بمحبوبته
كنت أظن إن الحب كذا .. همسة حب .. نظرة .. شوق .. حنان
(كنت أظن وكنت أظن . وخاب ظني ومابقى بالعمر شي واحتريته)

وهذا العمر يمشي .. وإلى الآن كل يوم يمر أكبر .. بس بدل ما أكبر يوم .. أكبر سنين
وين هالحب الي انتظرته سنين ؟؟؟
وين قلب حلمت فيه؟؟؟
وين ذاك الشوق الي أحتريه ؟؟؟

ومابقى بالعمر شي
شاب قلبي
طار عقلي
والعيون ابيضت وهي تنتظر من يمسح دموعها .. ومالقت

غير يدٍ من جليد تزيدها هم وألم


والغريبة .. للحين وأنا أنتظر

يمكن يجي

شوي ويجي

بكرة بيجي

ويجي بكرة ولا يجي

ولا يجي

ولا يجي

[ملاك المشاعر]

ياخذوك مني بشر ,,
وتنساني وتبقى مع هالبشر ,,
قلت لي ألف مرة إني أغلا البشر ,,,
بس ياترى للحين أنا غير البشر ,,
وإلا غديت واحد من البشر ؟؟!!!

[ملاك المشاعر]

لن أهمسها لك مجدداً

سأكتفي بأن أكتبها في قصاصةٍ من ورق

وأدسُّها تحت وسادتي ,, تعويذة المساء

لرُبما تعودُ يوماً .. وتمسحُ على رأسي

لتُخبرني .. أن نساء الكون ذرات من رمال

وأنا هي كونك ... ( دنيتك ) كما تُحب أن تسميني

رغم الألم

أحبك

[ملاك المشاعر]

أسمع صوت جوالي
أجيه ملهوف .. ويجي زولك على بالي
ويختنق كل فرح بداخلي
لما اسمع صوت غيرك يناديني
ولاحد دق ينشد عن أحوالي
ماغير حاجة (ن) له .. يبي مني أقضيها
وأرمي بقوتي هالجوال
وبصدق كل شي انقال
ماعاد بهالزمان حب (ن) يشبه حب نمر بن عدوان

[ملاك المشاعر]

حبيبي والله صدقني ..

أنا قلبي قلب طفلة ..

لمسة دفى منك .. تكفيني

[ملاك المشاعر]

.......................................


ياترى وش غيرها يوصفني ؟؟

مابه أحد يوصفني غيرك يالنقاط

تكفين طلبتك إلا انتي .. لا تخليني