سوالف شوااب ..(( مال اول ))

[حبسيه]

اشحالكم ربكم الا بخير


خرااااااااااااااااااااااااااااااااااابيط مرااااااااااااااااابيط مال اول



ايام أول. أيام أ نتشرت فيها الخرافة بشكل كبيروهذا اللي محلنها


\
/
\

- بوبشير، وهو حشرة ضعيفة وطويله ولها يناحات طوال، كانوا يعتقدون إذا شافوه إنه يبشر عن ضيف قادم أو عمل ناجح او المطر راح ينزل .

\
/
\

- بو النقيع هو حشرة من فصيلة الخنافس، كانوا يمسكونها بإيدهم ويتمنون أمنية إذا نقع بتحقق الأمنية وإذا لا ما بتحقق.


\
/
\


- الطيطار إذا انضرب وانقطع ذيله لازم ينحط على الذيل شيء لأنه يدعي على أهل البيت. منو خاطره في طيطار مقلي ولا مشوي على الطريقة الافريقيه شو لاعت جبودكم ؟

\
/
\


- هاي حق اهل البحر بس إذا بتاكل السمجة لازم تقطع راسها قبل ما تبتدي فيها.


\
/
\


- تعالو يا الشعراء هاي لكم اصحاب المهياوه ما يخصهم : يقولون اللي ياكل لسان الذبيحة يستوي شاعر.
\
/
\


- الماي مب زين ينشرب حزة الغروب، لأنه يمرض.

\
/
\

- يوم بتي ترقد لا تحط الماي عند راسك لأنه يخف نظر العين. حطوه تحت المخده

\
/
\

- كانوا يقولون رقاد العصر يقصر العمر. \
/
\


- النعال ( عزكم الله ) مب زين يتم مجلوب، لأنه يدعي على أهل البيت أو تستوي مشاكل وضرابه وتكفيخ .ويقولون حرام اتم الجهة السفلية من النعال مجابلة السما لان فيها الله.(انزين والوسخ المكود ع الارض.ما يجابل السما؟)

\
/
\

- كانوا يدخنون بالشبه لأنه يطرد الحسد.

\
/
\

- كانوا يقولون إذا رفت العين اليمين خير، وإذا رفت العين اليسار شر.
\
/
\

- إذا كفك اليمين حكك يعني بتعطي حد فلوس، وأذا اليسار بتقبض فلوس(( أظني كل حد بيتمنى يده اليسار تحجه)).
\
/
\

- إذا خشمك (الأنف) حكك يعني بتسلم على شخص ياي من بعيد.

\
/
\

- إذا الأذن صاحت يعني حد يطريك يا بالخير أو بالشر.

\
/
\

- أذا كان شخص طالع وناديته أو قلتله لا تطلع (( يعني تنعبه - تزقره بلهجتنا )) مب زين، لأنه يمكن يستويله شي.
\
/
\


- الحرمه المربيه لازم ما تطلع من البيت ولا ينقال إلها خبر مب زين إلين ما تطلع من الأربعين.
\
/
\

- الياهل ( الطفل ) لازم يحطون في منزه ( مهده ) سكين وملح وقرآن، عشان يحفظه الله بالقرآن، والسكين والملح عن الجن. طبعا اليوم يحطون حق عيال النيدو والسيريلاك تلفون متحرك وقنوات فضائيه وبلاي ستيشن .

\
/
\

- الياهل يوم يطلع من الأربعين لازم يسبحونه على ريول أبوه أو أي حد ثاني عشان يطلع على اللي مسبحينه عليه



اختكم سعادة السفيره

حبوووووووسه

[الفراشة]

فديتك



يعطيك الف عاافيه على الموضوع

تحياتي لك

[ابو مهند]

فيها من الاعتقادت وفيها جد

ولازالت مثل اذا صفرت اذنك ان احد يحكي فيك سوى بخير او شر

وهذا حق الما بوبشير (( الزنبور )) لانه هو اصلن حشره مائيه ويعتقدو فيهاا

زكمان فيه اذا حكتك يدك يعني بيجيك رزق اذكر الوالد الله يرحمه اذا بغى يعطيني شي قال هاه يدك تحكك اليوم

وفيها كمان رفت العين اذا رففت جفونك معناته بيجيك غالي وصارت معي بدون مبالغه

والشاعر بعد يقول

عيني ترف وذكرتني بغايب ** عساه ياعيني من الي تودين

اما قلب النعول في من باب الكرامه وهي مكروه قلب النعل ام انك تنام او تجلس قريب منهاا

وبعد نوم العصر بعد مرض ليت مناام وهذا شي مذكور بالسنه والطب النبوي


يعطيك العافيه اختي حبوسه


دمتي بالف خير


ابو مهند

[عســـــوله]

ههههههههه عجيب والله


حبوسه

عليج السلام رحمة الله وبركاته

مشاركه اكثر من ورعه اختي

تسلم يمينج

:)



تحيتي لج

[مشـاري]

بوبشير، وهو حشرة ضعيفة وطويله ولها يناحات طوال، كانوا يعتقدون إذا شافوه إنه يبشر عن ضيف قادم أو عمل ناجح او المطر راح ينزل

هههههههههههههههههههه
ههههههههههههه

ولين الحين من انشوف بو بشير قلنا اكيد جاينا الخير هههههههههه

بعد ساعة الا واحد ميت ولا منقلب

مشكوره حبسية على طرحك الراائع

تحياتي

مشـــــــــــــاري

[مشـاعـل الخـالـد]

- إذا كفك اليمين حكك يعني بتعطي حد فلوس، وأذا اليسار بتقبض فلوس(( أظني كل حد بيتمنى يده اليسار تحجه


هذي الجمله الوحيده اللي مرت علي الباقي ما اعرفه ابد

بس ما اعرف غير انه اذا يدك اليمين حكتك بتاخذ فلوس


وفعلا ترى كم مره يدي تحكني واقبض فلوس


بس ماتتعدى 500 ريال



الف شكر

[حبسيه]

الفراشة

ابو مهند

عســـــوله

مشـاري

مشـاعـل الخـالـد

مساء الانوار عليكم

تسلمون على مروركم الجميل

تحياتي للجميع

[نوارة الخليج]

يعطيك العافيه حبسيه

معلومات جديده ولو انها تراثيه بس بالنسبه لي اول مره اعرفها

تسلم الأيادي

ودمتِ بخير

نــ الخـليـج ـوارة