يانجد حبك هو شرابي و زادي ^^ شيله

[رمـاد الشـوق]

يانجد حبك هو شرابي وزادي

الشيله الرائعه للشاعر/ رشيد الزلامي

بصوت مهنا العتيبي

[rams]http://www.albadeya.com/download/up/albadeya_com_1808461039.ram[/rams]

[مشـاعـل الخـالـد]

صح لسان قايل الابيات ... وملقيها..


رماد الشوق


يعطيك العافيه

[$ دلع $]

السلام عليكم ورحمة الله وبركاته


صح لسانك ..ويعطيك العافية


تقبل مروري

[ابو مهند]

أنا من نجد يكفيني هواها ** ويبري لوعتي شربي لماها

وشوفي من نبيه ومن نوده ** غزال تابع قلبي هواها


بينما فيه شاعرالي هو فهد ابن صلبيخ من تشوف الاسم تدري انه معصب الله يرحمه زعلان على نجد

الاجودي الظاهر انه ذبحه الفقر يقول


يانجد من سماك نجد غوا اسماك***هو ليه ماسماك بأم البلاوي

عسى الذي سوى رسومك وسواك***يرسل عليك من المياهيف هاوي

ابي اليا من الطريقي تمثناك***يمسي على تالي ارسومك خلاوي

بس الطيور وناعي البوم ينعاك***والذيب من قل الأزاويل عاوي


يانجد والله ماتسوى سواياك***نفسك علينا مثل نفس المهاوي

جيل(ن)تجلينه وجيل(ن)تبلاك***وجيل(ن)تكوينه بحمر المكاوي

واللي وطاه العسر واجزل بفرقاك***داج الديار وصار دنع دناوي

ياخذ ويدله تالي العمر ينساك***وتشيب عين اللي لعزك رجاوي

يوم(ن)ابن مقرن بسيفه تولاك***خلا سنامك مع الردوف امتساوي

ركب عليك وطوعك لين خلاك***اطوع من النظوا ذلول اللحاوي


وسلامتكم

هذا قصايد بنجد وحب الديار شي مطبوع بالقلب بس العتب وارد

الله الله على هالصوره تشرب من حليبها وتنطرب على صوت حنيتها وبها الربيع الله عليك اخوي رماد والله ماشفت اجمل من هالمنظر

اما بالنسبه الابل عطايا الله


قالو فيها الكثير بس من اروع ماقيل فيهاا

من الثراث الجميل وهي للشاعر الشيخ عدوان الهربيد الشمري يقول


البل عطايا الله مجانيس الالوان ** طوال الرقاب منهضات المتوني

ما يعلم الله ينسخيبه للاخوان ** لولا تجازي صاحبه بالغبوني

عذر وبها الغيب شينين الالوان ** اللي يقزون الولد بالطعوني

من فوق حيلا ضاربات للاقران ** بس الحبال ويابسان الشنوني

البل ذبايحها عطيبين الاطعان ** لباسها الجوخ الحمر والزبوني

قادة من المربوب والسعن مليان ** والعصر خلفاته على الماء عطوني

وانا واللي مثلي يربي من الضان ** الله جعل فرق الغنم للعفوني


وسلامتكم


اخوي رماد اعذرنا على اللقافه

بس موضوع جميل بروعه اختيارك عن الابل وعن نجد يحرك ذكريات الشمالي ماقول قريحتي خ7 لان مامن قصيد بس نجيب الابيات الرائعه الي سمعهناا


بيض الله وجهك وسلم يديك على هالصوره و والقصيده لاهنت ياماكر الطيب والجود


وهذي شيله من روائع الثراث اهداء خاص لكم

وهي منوت الشمالي خاصه وهي الحمرى من الابل والبندق...

http://www.5ymah.net/rm/anatalbk.ra


دمت بالف خير


ابو مهند

[حبسيه]

وعليكم السلام ورحمة الله وبركاته

قصيدة راااااااااااااااااااااااائعة

صح الشاعر على هذه القصيدة الرااائعة

وصح لسان ((مهنا العتيبي)) على هذا الأداء المتميز وهذا الصوت الشجي (ماشاءالله تبارك الله)

ويعطيك أخوي رماد الشووق اتحفنا بهذا القصيدة الجميلة وهذه المجهودات الرائع

ما احرم من طلتك ياطيب

احترام لك

[رمـاد الشـوق]

مشـاعـل الخـالـد

الله يعافيك يا مشاعل و يطول بعمرك

الف شكر على مرورك الجميل ..

كل الود ,,

[رمـاد الشـوق]

$ دلع $

وعليكم السلام و رحمة الله و بركاته

صح بدنك والله يعافيك يارب ..

مرورك شرفني واسعدني ..

كل الود ,,

[رمـاد الشـوق]

ابو مهند

يامال العافيه والله

صح لسانك أخوي و بيض الله وجهك

مرورك واضافتك زادت الموضوع جمال و روعه ..

مشكور لاهنت ..