|
|
|
||||||||
 |
|
|
LinkBack | أدوات الموضوع | طرق مشاهدة الموضوع |
04-30-2007, 11:31 AM
|
#1 | |
|
صبــاح الطفــولــه ,,
0
0 0 هدني هالرشح حيل وربي حمى اتعبتني تذكرت ساعة كنت طفل عند امي ساعة امرض فديت عمرها تذكرت الطفوله وتذكرت ساره يووووه ياليتني ارد طفل وربي ماابي اكبر لين اموووت من كثر ماني تعبان قلت بكتب وكان هذا البوح وليد اللحظه اتمنى تلامس احساسكم 0 0 0 كان ياماكان في ماضي السنين بيت وجدار وحصيره وكانت انفاسي قصيره طفل همه ,, بس يلعب ماعليه وكنتي طفله ,, دوم وانتي تسأليه من هو يجري ,, ومن هو بس يجري وراه تجري انتي ,, وكنت احاول امسكك وسط حارتنا ومابين السكك تذكرين يوم مره ,, المرض خلاني باقي بالفراش يوم جيتي تسألين وين عبدالله علامه .. ليه مايلعب معاي يومها امي ,, جالسه يمي ,, وتسقيني دواي كنت اصيح وقتها خفتي .. وصارت دمعتك تنزل تطيح تذكرين يوم تهنا .. ماعرفنا وين حنا يوم قلتي ,, وينها امي قلت لك ,, وش بك علامك .. لاتخافي وقتها ,, والخوف نشـف كل دمي تذكرين يوم قلتي هالرياض .. ابوي يقول العاصمه هي كبيره !! يعني قول لي كم بيت .. يعني عشره !! قلت لك امي تقول ,, الناس فيها يسهرون بس مدري كم عددهم ,,عشره والا ينقصون تذكرين يوم كنا دووم نتمنى ونحلم يومك انتي تنشديني وش تبي انتا تكون لاكبرت قلت ابي اصبح كبير مثل ابوي ,, واركب الطياره مع خالد اخوي .. وانتي وش تبغي تسوي لاكبرتي !! قلتي ودي اني اسكن بالرياض .. ودي عندي كل شي مثل امي ,, تذكرين قلت لك ساعة تكوني بالرياض والله تضيعي ,, ويوم خفتي .. قلت وش بك ,,,,,, لاتخافي بكون انا وياك .... مع ناصر ربيعي تذكرين تذكرين يوم نلعب ,, وسط حوش امك صباح يوم كنتي ترسمين ,,,, بالتراب ,, صورة ارنب تساليني ايش هاذي .. قلت قطوه قلتي لا .. هاذي ارنب ,, وابتسمتي قمتي من ثاني رسمتي ايش هاذي ,, قلت مدري .. مفترش هالارض نايم ,, والتراب ,, يحضنه بالحيل صدري تذكرين يوم قلتي لي بسافر قلت وين ..قلتي بسكن بالرياض اذكر اني رحت لامي وقمت اصيح ياالله نمشي للرياض ,, مثل ساره قالت امي باكر وليدي نروح ,, بس ارقد اذكر اني نمت من كثر الصياح ويوم فقت امبكرن ذاك الصباح طرت يمك ,, وكانت امك ,, ماسكه ايدينك بخوف قمت واقف في مكاني .. التفت يمك اشوف رحتي مع ذاك الطريق اجري صوبك ,, حافي اركض ,, لين ماطحت ابمكاني وانتي كنتي تشرين كنت اصيح .. وكانت امي واقفه خلفي تقول يااالله عبدالله عشاني ياالله عبدالله حبيبي ,,, ياالله قوم باكر نسافر نروح للرياض اذكر اني ,, كنت اصيح ,, وكنت العن هالرياض تذكرين اه ياحقدي على ذيك الرياض وكنت اسأل دوم امي يمه ياالله قومي وديني هناك لين ماتت كل ذيك الاسئله وانتقلنا ,, رحنا جده اه ياكانت سنين والله اني دووم اذكر حاجتين عن خيالي ماتروح وجه سـاره وحال قلبي ,, ساعة اقفت ,, يوم تشر ,,,, كيف ضعفه وانكساره ,, .,,
__________________
لاشــئ يستـــحق .. |
|
|
    
|
|
04-30-2007, 10:30 PM
|
#2 | |
|
|
قرأت
تأملت توقفت عند بعض الكلمات..تبسمت وتوقفت عند بعض منها.. تألمت.. . . اجهل الكثير هنا.. يشطح بي خيالي نحو الافق.. نحو حلمها.. وأحلامك.. لكني .. على يقين.. انها مجرد احلام.. لم تستطع شيئا حيال حزنك.. سوى تخديره لبعض وقت.. وستعود من جديد... لــ (ايه كنتي تذكرين) ........................ عبد الله الجهني.. ذكريات كتبت بمصداقية مطلقه.. تستحق القراءة لاكثر من مره... .. اطيب تحيه لروعتك هنا...
__________________
قالها مره بدوي .. احيان بعدك عن بعض ربعك شرف |
|
|
|
|
|
05-01-2007, 04:19 PM
|
#3 | |
|
|
عبدالله الجهني
يسعد مساك وفرصة سعيدة بين سطور الخليج الراقية برقي كل من فيها شرواك بالخير كم هي رائعة نقية تلك الايام الا ليتها تعود ليتها تعود بكل تفاصيلها بكل براءاتها بكل نقاؤها اااااااااااااااااااااه لو انها تعود ادفع عمري ونبضي وكل لحظاتي في سبيل لحظة من تلك الايام رائع بحروفك التي عدنا بها الى انقى الايام جعل الله ايامك كلها حنان وعطاء بعيدا عن القسوة والرياء كن بخير عبدالله |
|
|
|
|
|
05-03-2007, 06:13 AM
|
#4 | |
|
|
كان قدومك غيمه حلمت بها ذات مساء
دائما اترقب هذا القدوم الحالم مشـاعـل ,, دمتي حلما انتظر قدومه ارق التحايا لقلبك ربي يسعد ايامك
__________________
لاشــئ يستـــحق .. |
|
|
|
|
|
05-03-2007, 09:20 AM
|
#5 | |
|
|
يسعد قلبك دعاء
سعدت بهذا الحضور العذب حبات المطر لقلبك
__________________
لاشــئ يستـــحق .. |
|
|
|
|
|
05-03-2007, 11:15 AM
|
#6 | |
|
|
*
* انتهيت وأنا أردد ياااااااااااااااااااااااااه كم أنت رائع هنا يا عبدالله شدني الحرف بطريقة أردتكَ لو واصلت أكثر دومــاً أنت هكذا .. بالأسلوب السهل / بالمفردة التي تدخل القلب دون استئذان دمت أخي الكريم بكل الخير وكما تقول دوماً / ربي يسعد ايامك
__________________
...... ،
التعديل الأخير تم بواسطة : رغ ــد بتاريخ 05-03-2007 الساعة 11:55 AM. |
|
|
|
|
|
05-03-2007, 11:37 AM
|
#7 | |
|
|
:
: : : : عزيزي لقد غبت طويلا عن هذا المنتدى ولكن بلحظة رجووعي لم أحس بمثل هذا الاحساس بقراءة خاطرة ما .. فقد وقفت عند تلك الخاطره أتأملها وأتأمل كاتبها .. أيقنت تماما أني سألاقي الجمال والرووعه بالداخل ليس لانه أسمها جذبني بل لان كاتبها أسرني بروعه حروفه وسلاستها عزيزي عندما نريد ترجمه احساس الطفولة .. تجد كل الحروف تتسارع لوصف ذااك الاحسااس .. ولاكن عندما اريد ان اصف احساسي بقراءه ماكتبت .. اجد حروفي.. تتلعثم .. تتوقف الكلماات حائرة على شفتاي .. وأي حروف تصف لك مدى اعجابي بك .. : : احسااسكَ راائع شعوركَ مرهف دوووما : : : : سيـــــــدي.. أنت أجمل الكلمات أنت أعذب الحروف هنا استمتعت حتى الرمق الأخير اي نص هذا الذي اشتهيت ان أعانق هذا الصباح ..! كانت حيرتي امام كلماتك..! أي طفوله هذه أيها المولع بكثير من المسافات على الورق لا يجيد المضي بها الا ... عارف بمنعطفات الروح .. : : : : ~*¤ô§ô¤*~عبدالله الجهني~*¤ô§ô¤*~ جعلتنا نبحـر من خلال كلماتك الى عالم آخر عالم البراءه واطفوله والاحاسيس الصادقه :: استمتعت جداً بقراءه خاطرتك عانقت سحبك الممطره سبحت داخل روعتها همت مع جمال زهورها وفارهه عطورها دمت و دام عزفك الرائـع ولحنك العذب لك أجمل باقات الروز والجوري
__________________
طفلتك ماعــاشــت احســاس الطفوله فــاقده في هالزمــان احســـــاســـــها شــافت ان الصبــح ماتقدر تطــــوله وزفرت ونـــه مــن ورى انفـــاسهــا ما استحى منها الحـزن هـاك الخجوله ولاطرى يرحــــل ويبعــــد يـــــاســهـــا |
|
|
|
|
|
05-03-2007, 12:29 PM
|
#8 | |
|
|
رغد
انورت صفحتي بحضور قلبك الرقيق يالغاليه تختفي احرفي بانسكاب هذا العطر دمتي اعذب نثرت الياسمين لكـ ربي يسعد ايامك
__________________
لاشــئ يستـــحق .. |
|
|
|
|
العرض العادي
