|
|
|
||||||||
 |
|
|
LinkBack | أدوات الموضوع | طرق مشاهدة الموضوع |
05-05-2007, 01:08 PM
|
#1 | |
|
|
رويشد ومزنه قصة حب ولا في الاحلام
مرحــــبمـــبم
اعلان قبل بداية القـــصه مــزمـــز ميــــرندا <<< اعلان مانقدر نقول شي نرجـــع للقصـــه يقولون الحب عذب قلوب البعارين حتى الحمير السود لعن جدفها تروي لكم هذه القصه اسطورة الحب الشعبي رويشد & مزنه  التي حدثت قبل 200 عامكانت هناك بنت جميله تعيش في عشيرة الشيخ ملاهد ابوها شيخ وجدها شيخ وارثه الشيخوخه ابا عن جد  ويقالها مزنه ويدلعونها ((مزمز)). ياروحي ياميرندا  وكانت البنت سنعه وهي بنت شيخ تحب تشتغل وين راحت مزنه تجيب حطب ومن وين جت مزنه من الغدير. وماتعطي احد وجه من سرابيت القبيله وماشابه لذالك البنت تكبر يوماً بعد يوم وتنضج يوما بعد يوم ويزداد جمالها خيال........  رويشد طبعا فقير على قد حاله وله ثلاث اخويا ذباح وجريبيع وصنهات كل واحد يقول للقرد روح وانا اصير مكانك من شين فيهم نسأل الله العافيه وأطقعهم جريبيع ماله الاسن وحده ومسوسه ومتعرف اذا هو جاي ولا مقفي دقيق عصقول قصير عاد المشكله هو اغلاهم عندي <<< علشانه مخفه  عاد حنا يهالاربعه مضيعين وقتنا بلعب القمار والعياذ بلله جاهلين مافيه علم ذاك الوقت ومره غلبوني وخذو كل فلوسي وخربت الاخلاق وتصافقنا وفقعت كفرات حمارهم وهربت ورحت لغدير ورا بيت الشيخ ملاهد ((غدير الغزلي معروف ))خخخخخ وجلست احذف حصا مقهور على فلوسي اللي ضاعت وبديت اقوصد على روحي من شعر الغزل المباح بالوصف المباح ولاعلى جيت بنت الشيخ(( مزمز)). سمعت بعض القصيد وشكلها راحت معي هوا  قالت صح لسانك ياولد الاجوادوزين ان الواحد يفضفض. الصدر صندوق لاتحمله فوق طاقته ينكسر. << والله البنت تقول حكم قلت لها صح بدنك ومن ذوقك والله خ 8 1 قالت انت شكلك من شات الخليج عرفتك بختصاراك انت وش نكك بشات عاد انا مارديت عليها << ثقل  لاتستغربون البدو يتصلون عن طريق النجوم . وجلسنا نسولف عن شاطئ الغدير ولا اخو مزنه الصغير جاء يدورها يوم شافها عندي حط رجله ركض لبوه الشيخ ملاهد ونكب عفشنا الله لايبارك به تدورن وش قال<<<؛؛>>>>>> قال يابه ياسود وجهك بين العربان مزنه تحجي مع رويشد عند الغدير كفشتهم يابه وقام ابوها وقرط الفنجال وقال انا الشيخ ملاهد بن مناحي والله لا واطخهم وارميهم بالخلا  طربق طربق طربق طربق........r8s1a ويجي الشيخ مطسس على فرسه ولامعه مسدس وباروده وسيف وشبريه وطرطعان (طخ) ولاهو مصوبني وهو يكفخ مزنه لين عضة الارض ويسحبنا من الغدير لين بيتهم وربطني بعمود البيت وكل واحد يجي للشيخ يراعي لوجهي ويقول اهب يا وجهه اخسي يالخاسي سود الله وجهك وربي ماتسوى  تميت عندهم شهر لين تعافيت بس مربوط واتحرى مصيري المجهول وفي ليلة من ليالي الرحمه غارت ذيابه على حلالهم وفزعوا الرعيان الشيخ ورجاله ومابقي بالبيت الا انا ومزمز  ناظرت بوجهي وبكت وقالت ( كم يؤلمني فراقك ايها الجميل كم يحزنني وانا اعلم انك سوف تفارقنا إلى الابد أنا آسفه لما حل بك بسببي, ايها الذئب ماعشت لتكون أسير ) <===== تخربش البنت بالخواطر وفكت رباطي وطلعت من الديره بعد مده اشتقت لمزنه وصرت اعد الليالي والايام ونحفت<< الحب بلوى وطرت لي فكره قلت ليش ما اتنكر وارجع لديره على اني حواج وابيع قماش وكحل ومن الاغراض  خذيت من كل عجوز حاجه لين جمعت البضاعه ودعست لديره ممشى ثلاث ليالي ولا انا عندهم جسيت النبض ولا الاوضاع ساكنه تجمعن علي البنات والعجز وكل وحده تأخذ حاجه ومعهن مزنه وانتظرت لين راحوا الزباين وقالت اسئلك بلله من انت عيونك ماهي غريبه علي عاد انا ماصبرت على طول علمتها  ضحكت وقالت الشوق جابك ولا المنيه قالت الشوق وغنيت لها اغنية خالد عبد الرحمن عشق بدوي لمحتنا وحده من عجزهم وخفت اني انفضح عاد حماري مايزبن وانتم بكرامه طبلون مايتعدى 60 قلت لمزنه ابوتس موجود قالت لي عيب قال الشيخ ملاهد قالت الله يلعنتس انتي وابوتس ماهو وقت رسميات قالت ايه شفه ببيت الشعر ركضت لبيت الشيخ وقلت انا داخل على الله ثم عليك يا شيخ قام وقال دخلت ياضيف الرحمن اجلس يالضيف ولا المجلس مليان والكل يقزني صبوا لي فنجال ونزلته قال الشيخ ليش ماتشرب فنجالك ياضيف؟؟؟؟!!!! قلت له وش رايك بالظلم يا شيخ؟؟ قال الظلم يطعن بدون سلاح.. قلت له وحبس الطير الحر؟؟ قال بالعون انها كبيره بحقه.. قلت واللي ينسى ترابه ومرباه؟؟ قال بالعون ان مافيه خير انت وش قصتك يا وجه الخير ! قلت له اعلمك بالقصه بس ابي الامان ياشيخ وطلبي قال انت ببيتي وما احد يقدر يمسك ابشر طلبك مقضي بعون الله شربت الفنجال وقلت انا رويشد اللي عند الغدير قام الشيخ وعظ براطمه وقال الشكوى لله انت دخيل البيت وما اقدر اقولك شي والله لو دريت قبل كان قبيتك بووووز يامروح  قام اخو مزنه وخذا بندق الشيخ يبي يثور بي قال جابك الله وجيت والله لا اطخك طختاً ماتقوم بعدها عاد الشيخ مطنوخ صكه ذاك الكف الي خلا اذنه توز وقال ماعاش من يذبح دخيل الشيخ انقلع امشي من هان يا خاسي وطلع اخوه من البيت يسحب رجلينه قمت وحبيت راس الشيخ وقلت وين طلبي يا شيخ قال ترا اعطيناك وجه عاد ههههههههههههههههههههههه وش طلبك قلت طلبي مزنه على سنه الله ورسوله يا شيخ سكت الشيخ وقال معك شي قالت لا والله جاي حتى النعول ماهي علي قال الشكوى لله جتك عطيه مامن وراها جزيه وماتسمع الا انواع الزغاريت وانواع الرمي والطرطعان ماقصر الشيخ خلاني اعرس محفول مكفول مادفت ولا ريال (( من قدي دخيل )) خخخخخخخ وعمت الافراح ارجاء القبيله lw2lsh5 وتزوج رويشد محبوبة تسبده مزمز وبعد مده ليست بطويله انجبت منه 6 عيال و6 بنات درزن والحمد لله وانتهت القصه.الى متى وحنا نكذب وززز طعععع كل يتوكل على الله ولا تطرون السالفه لا احد  * تمت الترجمه بمعمل جوزيف بن قعيسان الواقع قبلتاً من شعيب البراقع . وتقبلوا تحيات اخوكم رش رش والحال مزركش
__________________
 |
|
|
    
|
|
05-05-2007, 01:20 PM
|
#2 | |
|
|
ههههههههههههههههههههههههههههههههههه
مدري أضحك مدري أبكي حسبي الله على بليسك يارشوود و الله أندمجت مع القصة من جد أسألك بالله متى ألفتها ؟؟ بس من جد قصة رائعة خصوصا شات الخليج والخواطريعطيك العافية يارب سي يو سلم لنا على مز مز
__________________
|
|
|
|
|
|
05-05-2007, 01:59 PM
|
#3 | |
|
|
حاليا مصدعه ماقدر اركز
بس حبيت ارحب بعودتك لي عوده للتعليق اطيب تحيه
__________________
 احتاج كوبا من القهوه .. وبعض من ذكريـ  ـات |
|
|
|
|
|
05-05-2007, 05:14 PM
|
#4 | |
|
|
عز الله ان الحب عذب قلوب البعارين حتى الحمير السود لعن جدفها
اه يارويشد وش عنتر عند حبك حبك هذا من قصص الف ليله وليله بس اللي خرب القصه ان حمار مايمشي غير 60 ههههههههه يعني لو صار حارش مارش مايزبنك هههههههههههههههههه بس والله مانت بسهل اخذت بنت الشيخ يعني بتارث غنم وبعارين و يمكن تصير شيخ خخخخخخخخخخ تحياتي لك ياشيخ رويشد
__________________
|
|
|
|
|
|
05-06-2007, 12:37 AM
|
#6 | |
|
|
جــاكم اخو مــزنه <<< كني اشوف رويشد عاضاً شماغه يبي يفــرك
وكانت البنت سنعه وهي بنت شيخ تحب تشتغل وين راحت مزنه تجيب حطب ومن وين جت مزنه من الغدير. وماتعطي احد وجه من سرابيت القبيله وماشابه لذالك ذالك حتى قبل 200 سنه فيه سرابيت البنت تكبر يوماً بعد يوم وتنضج يوما بعد يوم ويزداد جمالها خيال........ كــمل كــمل ومره غلبوني وخذو كل فلوسي وخربت الاخلاق وتصافقنا وفقعت كفرات حمارهم وهربت زين انــك ماكسرت القــزاز (طخ) ولاهو مصوبني وهو يكفخ مزنه لين عضة الارض افاا ياذا العلـم الرجال طلع حوووول ويسحبنا من الغدير لين بيتهم وربطني بعمود البيت وكل واحد يجي للشيخ يراعي لوجهي ويقول اهب يا وجهه اخسي يالخاسي سود الله وجهك اعــترف وش مســوي ههههههههههههههههه قام الشيخ وعظ براطمه وقال الشكوى لله انت دخيل البيت وما اقدر اقولك شي والله لو دريت قبل كان قبيتك بووووز يامروح الا قل يطــخك طختن مابــعد طخـه ولا المجلس مليان والكل يقزني شكلك جالساً نــص جلسـة وبعد مده ليست بطويله انجبت منه 6 عيال و6 بنات درزن ابوووووووك يالنشـــاط ههههههههههههههه الى متى وحنا نكذب وززز طعععع كل يتوكل على الله ولا تطرون السالفه لا احد يارجــال لو انــكـ قايل طلع حلم اصررررف رويشــد عقبال ماتقص علينا سبب طلاقك مع مزنه وسبب غيرتها من شغالتكم
__________________
|
|
|
|
|
|
05-06-2007, 04:26 AM
|
#7 | ||||||||||||||||||||||||||||||||||||||||||||||||||||||||||||||||||||||
|
|
اهلين ملوكه أكثر ماكثر الله الوزززز طعععععع وبلاش بعد
ايو الله ركزي لي على الخواطر لانها تذكرني بمزمز
يعافيك ربي الله يسلمك ومزنه بالمستشفى تبي تجيب الـ13 ابشرك
__________________
|
||||||||||||||||||||||||||||||||||||||||||||||||||||||||||||||||||||||
|
|
|
