|
كل مايتعلق بالمراة من ازياء وتجميل واكسسورات (حصرية فقط ) أرسلي الرقم 1 إلى الرقم التالي 81428 لتصلك على جوالك |
|
|||||||
 |
|
|
LinkBack | أدوات الموضوع | طرق مشاهدة الموضوع |
05-12-2007, 04:20 PM
|
#1 | |
|
|
.. قصة ساره ..
اسعد الله اوقاتكم بكل خير ..
محبين الشعر .. جلبت لكم قصيدة حزينه والغريب ان الشاعر ولف القصة بشكل قصيدة .. ولكن للأسف كاتب القصيدة غير معروف .. ها لقصيدة عن جمــــيلة الحسن مختارها وصفها يعـــــــجز الكلــمات وكـل حروفها طلت صبح ذاك اليوم و(محــــــمد)شافها وغرست سهــــمين في قلـــبه ودله عشقها وسرحت( سارة )بحــــبه وانشـغل بـه بالها ولا قوى (محــــــمد )أبد عــــذاب فراقها شافها مرة ولكـــــــــن قلبه اللي اختـارها بنت ذاك الجـــــار كم تكــــــــوى بنارها أهله يزورونها وكم بحــلمه زارهـــــــــــا وكم تمنى لجل يعرفها أويـــعرف أخبارها بانتظار اللقا دارت أيام والقلوب بأسـرها هذا أبوها عن يمينه وعن يسـاره أخـوانها أسرعت دقات قلبه ينتظر رد أبوها وردها الجواب اللي يحدد أيـام عمــــره جنـبها (مبروك)قالها أبوها وقال:سارة دربك دربها فرحة(محمد)غدت فرحة مدينة بنصرها شهور وصارت زوجته وما بحــــياته غيرها بينهم قصة مـــــــــشاعر صعـــــب وصـفها راح يذكرها باليوم اللي لمـــــــــــحها ومرها وضحكت:عندباب البيت أنت ليه مانسيتها؟ مرت الأيام،،قالت أنا حامل وما صدق حملها من فرحــته ذرف دمعتين وضمـــــــــــــها شال شغل البيت على راسه وشال هـــــمها ما يبي روحه تتعب أبد في حملهـــــــــا قال: كل الـــــــــــــــــناس ولاشيء جنبها هــي حياة الــــــــــــــروح وببقى جنبــها قرب الموعد وكانـــــــــت على قلبه يدها قرب المــــــــــوعد وكان يسمع نبضها وصل (مستشفى الولادة) ولسانه يدعي لها قالت:محمد، أحـــبك ،أذكـر اللي قالها ينتظر زحف الزمن والثـــــــــــــواني عدها ينتظر شوفة(فهد)وينتظر لجل يعرف حالها وانولدطفل جميل اسمه (فهد) لكن اللي اسمها: (سارة) ، توفت، لحظة وجوده هي لحظة موتها ماتت وهي تولده و(محمد)مابــقى به إلاجسد ماتت سعاداته وعاش ميـــت بعــــــــــــــــدها ما بقى له ذكريــــــــــــــــــــــات بالحياة إلا فــهد صار يشبهها وعـــــــــــيونه نفـــــــــس عيونها وأبوه ما يـــــــــــــعرف من النـــــــــــــاس إلا فهد هو ليله وهو نهاره وما ينومه إلا على فراشها كل ما شافه وشاف الوردة الحمراء وشاف صوَرها قال كيف أنـــسى حيـــــــــــــــــــــاة ٍ عشتها أربع سنـــــــــــــــينٍ وحاله حــــــالةٍ يرثى لها قــــالوا له:أتــزوج أو أترك بيتــــــــــــــــها قال:أنا بخطب بس ورب البيت ما أترك دارها بســــــــكنه باقي سنـيني ولو بدأ نسيانها خطب واللي خطـــــــبها كــــــــان شـــرطها يجـــــيب خدامة لفـهد ويصـير مثل ابنها (محمد)تزوجـــــــــها ، والخدامة جــــابها مرت الأيام وما نسى سارة وقديم أيامها وفهد مازال بســــــــــــمة الدنيا لأبوه وفرحها وخــــــالته ما دارتــــه كانت تداري نفسها مرت شهور وتناسى بعض آلام عاشــــــها واستأذنت زوجتـــــــه منه، تنادي أهــلها وجاء ذاك اليوم وجهزت من بدري دلالها حطت القهوة،والسكري وأجود ما عندها وكلن حــــــــــضر ولبى لهــــــــــــا دعواتها ومر بعض الوقت وكان وقت العشاء وقتها ومابين هي بين الصحون وبـــين تحضيرها همـــــــــــس صوت بريءٍ نبراته كانت جنبها (ماما أنا جوعان) فهــــــد اللي أتـــــــــــــمها أمس تم الخمس لكن ما عرف كيف غطي قبرها قالت : أنا مو أمك حبيبي،ماما لاعاد تقولها ارتسم بعيـــــــــــونه عجب ومافهم وش قصدها قالت :أنا مشغولة خذ هالصحن وأطلع أتعشى بحوش البيــــــــت وألعب ولا أشوفك بعدها ناظرها نظرة حزينة وأخذ عشاه من يدها طلع واللي طلعه خوفه وكيف يعصي أمرها؟ ساعتين، وكم دقيقة،والدار راحوا ضيوفها الكل سلم وراح ،وجاء (مــــــــــحمد) عقبها قال يـــــوم أقبل :فهد ويـــــــــــــــنه يامها؟؟ ردت:مع الخدامة نايــــــــــــــــــــم عندها ياهو وحـــــــــشني،هو حياتي ومابــــــــــها ودي أشوفه بس مدامه نام أشواقي كيفها حط راسه على المخــــــــــــدة ونام وقتها وتلحف ...كانت الليله شديــــــدٍ بردهــــا شاف (سارة)بالمنــــــام بعد دقايق نامها كانت تردد الـــــــــولد وينه)؟ هذا قولها فز من نومه وماتوقع شـــــــــــــــــــــوفها وقال :أصحي فهـــــــــــــد وينه ؟يامهـــا قالت:أووه لاتقلق عليه نايــــم عندها رجع ينـــــــــــام ،وثـــــــــــــاني مرة شافها فز وسألها مرتين:وش قصدها بسؤالها؟ روحي شوفيه وطمنــــــــــــــــيني لجلها قامت مها وما ودها وفهد ماهو في بالها راحت ورجعتله عقب دقيـــــــــقة ونصــفها قالت:فهد نايم وهي لاراحتله ولاهو همها قال:أجـــل نامي،ونام وتــــــــــكررله حلمها نام وهذي ثالث مرة بالمنام يــــــــــشوفها قالت:فهدجاني يامحمد،عش حياتك مع مها فز هالمره ، ودقاته ،كيد يسمــــــــع نبضها قام يجري للـــــغرف ومالقاه عنــــــــــــدها صاح كالمجنون :وينك؟آه ويــنه يامهـا؟ أنت على الدنيا يافــــــــــهد ولاصدق عندها طلع لحوشه المظــــــلم وبالزوايا ظلامها لقاه متوسدٍ لعبته والنفــــس فاضت روحها واليدين اللي كان أبوه قبل نومه يضـمها صار مثــــل لون الليل لون عروقــــــــــها زاوية مـــات الـبــريء بحضنــــــــــــــــها في ليلةٍ كانــــــــــــت شديد بردهـــــــــــــا محمد اللي نصــــــــــــــفه مـــات من زمان نصــــــــــفه الثاني يمـــــــــــوت عنــــــدها شاف الضنا وعيونه كذبت مشهد قدامها موت الضــــــــــــــــنا كذبة يا زماني قلها ضمه لصدره وبالضــــــــــــــــلوع آلامها آه وش بقى بالدنيــــا يستاهل أعيشها ماتـــــــــــــت ومات اللي بقى لي منها ليه عايش بلاهم؟ليه ما غطاني معاهم رملها كيف أنا أدفن ضنـــــــــــــاي ومندفن قبله شعــوري بالحـــــــــــــــــياة وعلمها وكيف أنا صرت (ميــــــــــت )والكفن ما كفـــــــــــــــــــــنو ني به ولا ني عشتها فاقد روحــــــــــين مع روحي ويا كثر أقدارها دنيـــــــــــــــــــــــتي مابين فرحها وحزنها من يجيه اللوم مني وش يفيد عتاب نفسي ولومها دنيةٍ عايش بها فاقــــــــد هناي وبسمها وين سارة ؟ليت أقدامي قبل7سنين ما مرت بابها ولا شفـــت ولاعشقت ولا هويت عيونها ليت لي قلب يحب ولا رحــــــــــــــــلت محبوبته ينسى قديــــــــم الوقت ولا يجيب بذكرها ولكنه عشق سكن بالعـــــــــــــــيون وهدبها يحكم أنه ينطـــــــبع في حياتي اسمــــها وأن حرف السين والألف والراء والهاء كلها تجري بروحي كل السنين الباقيه مع دمها خاطري مكسور ،وكل الدمـــــــــــوع يكنها بعيني ما للشــمس نور ولا لشموعي ضيها في بساتيني زهورٍ تدري بقصتي وبسرها أذكر النرجسه والفل والجوري وردها كنت أنا وسارة نشــــــــم الياسمــــــــين ونبتسم ،،واليوم لاحشى ما شــــمها تقوى الهجر
__________________
 |
|
|
    
|
|
05-13-2007, 03:16 AM
|
#2 | |
|
|
[align=center]اخي القدير
تقوى الهجر قصة راائعة ومؤثرة جدا بنفس الوقت وشااعرها ابدع بسردها بشكل قصيدة وتعددت بها المعااني والاحاسيس لذا فهي زااخرة بشتى اوجه التعبير من فرح وحزن وألم دام هذا الانتقااء العطر والمميز سلمت لجماال الاختياار تستحق كل اشاادة دمت بود وسعاادة أعطر التحايا[/align]
__________________
[align=center]  [/align]
|
|
|
|
|
|
05-13-2007, 04:06 AM
|
#3 | |
|
|
[align=center]يا الله شكثر مؤثر هالقصيده
انا سمعت بهالقصه من قبل بس ماتوقعت انها ممكن تكون حقيقيه ليش هالقسوه بس يعطيك العافيه اخي تقوى الهجر ولاعدمنااااااااك نــ الخـليـج ـوارة[/align]
__________________
|
|
|
|
|
|
05-13-2007, 11:24 PM
|
#5 | |
|
|
الف شكر لك اختي عطر
واكرر وااعيد بان تواجدك هو تميز الشعر بأكملة تحياتي لك تقوى الهجر
__________________
|
|
|
|
|
|
05-18-2007, 04:01 AM
|
#7 | |
|
|
قصه ترجمتها تلك القصيده كأجمل مايكون الشعر
صح لسان شاعرها ولاعدمنا حظورك الرائع اخوي تقوى الهجر لك التقدير والتحيه إحترااامي
__________________
 |
|
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
العرض العادي
