.,.,. ليتـ الزمن يرجع .,.,.

[شـ ــووقــ]

الا ليت الزمن يرجع00 ورا,, ولا الليالي تدور
ويرجع وقتنا الأول وننعم في بساطتنا
زمان أول أحس انه00زمان فيه00 صدق شعور
نحب ونخلص النية وتجمعنا محبتنا
زمن مافيه لاغيبة00ولا حتى نفاق وزور
ياليته بس لو يرجع00ونسترجع طفولتنا
صغار, قلوبنا بيضا,,نعيش بعالم(ن) محصور
ولانعرف أبد أغراب,,مغير عيال حارتنا
صحيح صغار في التفكير00لكن ماعلينا قصور
نخطط نكسر اللعبة,,وتسعدنا شقاوتنا
نروح المدرسة بدري,,ونضحك داخل الطابور
نحاول نزعج العالم00في روحتنا وجيتنا
وعشان نأخر الحصة,,نخبي علبة الطبشور
نشاغب بس في الآخر00تميزنا برائتنا
ولكن دارت الأيام,,وبان الخافي المستور
وصار الهم متعلي,,على قمة سعادتنا
جبرنا وصارت الدنيا00تصف أحزاننا بالدور
وتهدينا الألم والهم,,غصب عن عين رغبتنا
تعبنا من بلاويها00أحد ضايق وأحد مقهور
وكلن غارق بهمه,,وفي الآخر تشتتنا
وأنا ما أقول غير إلا,,ياليت ان الزمان يقوم
ويرجع للورا فترة00نعدل وضع عيشتنا 0
0
0
0
0

مواصلة لمحاولاتي في الفوتوشوب مع تلك الكلماتـ
0
0
0

[.. ليدي السكر ..]

*


أحب هذي القصيده وايد ..


كنت اتمنى اشوف التصميم .. بس للاسف ما طلع لي .. < -- وجه حزين ..



يعطيج العافيه شوق ..





*

[شـ ــووقــ]

ليدي حملت لك الصورة من جديد من نفس موقع الخليج
ان شالله تكون واضحة
والف شكر على المرور ياغلااهم

[مشاعل البندري]

زمان الطفولة

براءة و أمان ...

تصميم حنون زاد من الحنين

يسلم ايديك شوق

[ملاك المشاعر]

ياهلا والله بقمرهم كلهم

من جد تصميم حلو والكتابة عجبتني تبين إنها كتابة باليد

وهذا الي يغفل عنه الي يكتبون على الجدران في تصاميمهم إن الخط لازم يكون شبيه بخط اليد


تصميم جميل ورقيق وكلمات روعة عزيزتي

وإن شاء الله ما ننحرم من تصاميمك ياقمرهم

في أمان الله

[مشـاعـل الخـالـد]

روعه ياشوق

الاحساس تفوق على التصميم ..

يعطيك العافيه وماننحرم احساسك هنا..


اطيب تحيه

[.. ليدي السكر ..]

*


شكرا لج لتنزيل التصميم مره ثانيه ..

.. عيال حارتنا ..

التصميم حلو ايد ..

و صج مثل ما قالت ملاك الكتابه باينه انها بخط يد ..

و هذا الشيء زاد من حلاوة التصميم ..

تسلم يدج شـ ــووقــ ..

بانتظار رائعج القادم ..





*

[عســـــوله]

شواقي

تسلم يمينج غناتي

وايد روعه

صايره دافورررره مشاء الله عليج

:)


موفقه غناتي


تحيتي لج