ضيـقـوا صـدر الـعبـاة ؟؟؟؟!!!!

[حقوق الانسان]

هذه القصيدة اعجبتني وهي لشاعر اسمه ( ناصر البراق )

فيها من الكلام الجميل والوعظ لكل فتاه ترى الجمال بالعباة المخصره


العبايه عولموها وانفثو فيها السموم

من ملاهي الرقص جابوا فكر تخصير العباة

ظيقوا صدر العباة ووسعوا طرف الكموم

ونزلوها لين وصلت آخر أكتاف الفــــــــتاة

بانت نحور الصبايا وانكشف شكل الهدوم

والغبية تحسبنها زايده زين وحــــــــــــلاة

والبراقع دلعوها لين عام الخد عوم

لازم القرضه توسع والكحل يلقى الحــــياة

طوروا شكل النقاب وصارت الدعوه علوم

صار شفاف(ن)يوضح خدها ويا الشـــــــفاة

وآخر الصرعه لثام(ن)يفتن الرجل العزوم

والفتن قالوا ضلاله للقلوب المؤمنـــــــــات

وش علامك بنت حوى تستبيحين السلوم

أو مع خيلك ياشقراء بعضكم جنس البنـــات

قاهرتهم هالعبايه مايبون الستر دوم

جدهم علمان يعني لاصيام ولاصــــــــــــلاة

حطوا إن البنت سلعه وغلفوها بالهموم

وارفعوا شعار(ن) ينادي للحقوق الضايعــات

من ظلمها والبدو لاصاحت الحرمه تقوم

قايمه تحت المعادي لجل عين الشامخــــــات

من ظلمها يوم قام المعتصم من عز نوم

قال وين الكافر اللي يستبيح المسلمـــــات

ثم ذبح لجل شعرتها من العدو كثر النجوم

قال هذا حق منهو يستذل الطـــــــــــاهرات

نكسوا ذاك الشعار ولملموا باقي السهوم

يكسر الخاطر سهمكم لاضرب في مدرعـــــــات

بيتكم لاصار مبني داخل البيت مهدوم

وبيتنا صوم وصلاة وحج وأشهد والزكــــــــــاة

إتركيهم يابدويه وخلي اللايم يلوم

وسعي خصر العبايه واكرمي بالمكرمــــــات

وإن رفعتيها لراسك أصبح الراس محشوم

العبايه فوق راسك حشمه وطيب وثبـــــــات

وماعليك من اللئيمه تحاول تقلدك يوم

لبست البرقع ولكن حن عرق الماجـــــــدات

بحنكها ألفين دقه مدري ألف من الوشوم

أو تراه ألفين خكري يكتبون الذكريــــــــــات

ولابغت تكتب قصيده قافها هو قاف يوم

(يوم يابا)(يوم يابا)جاك عرق الراقصــــــــات

جت تقول إني بدويه قلت أنتي وجه بوم

إعقبي منتي بدويه أنتي جزء من الحـــــصاة

يابدويه لايغرك بعض غربان(ن) تحوم

أنتي فوق الكل أنتي فوق روس النايـــــــــفات

أنتي يوم الحرب دارت والمعارك (قوم)(قوم)

عانقت عزوات أخوك صوت ضرب المرهفـــــــات

إن حدوا من بيننا أو طولوا حد العقوم

يابدويه طبعي أرقى فوق كل الطايــــــــــــــلات

إحذري يابنت منهم طبعهم نفث السموم

عولمتهم لو أعرفها طلع معنى الشـــــــــــتات

ظيقوا صدر العباة ووسعوا طرف الكموم

وبيجي يوم(ن) نشوف شقوق في وسط العبــــاة


وسلامتكم

[$$عطر الكلام$$]

[align=center]الرااقي

حقوق الانساان

قصيدة راائعة

دمت للانتقااء المميز

صح لساان شاعرها ونخوة احساسه

لا عدمنا جميل اختيارك

اعذب التحايا[/align]

[حقوق الانسان]

هلا وغلا بالرااائعه عطر الكلام

اسعدتيني بتواجدك

الف شكر لك لروعة ردك

لك كل التقدير والاحترام

[كل الإحساس]

[align=center]حقوق الانسان


يعطيك ألف عافيه على حسن إختيارك هالقصيدهـ الرائعه .,.وصح لسان شاعرها


وسلمت يمناك اخوي .,.


بنتظار جديدك


تحياتي لك[/align]

[حقوق الانسان]

حياك الله اختي كل الاحساس

سعيد بتواجدك وروعة مرورك

لك مني كل التقدير والاحترام