المــــــــــــــــوده

[LATO∫A]

[align=center]المــــــــــــــــوده




يقولون البنات للعقل ناقصـات وانا اقول ملجعـات ومزهلقـات

فيهم الدينـات وفيهم الصايعات وكل هذا من سواتـج يامــوده



المـوده اللي عفست اخلاقهـم وخلت المستوره تشــذ بيناتهـم

والشيطــان عن ربهم حادهـم وكل هذا من سواتج يا مــوده



يامــوده خليتي شبابنـا بنـات والبنات اما بويـات او مايعـات

وبتشجيع من الامهات والابهـات وكل هذا من سواتج يامــوده



همهم صار بالجوتـي والجنـطه ولا يعرفون العـيش من الحنطه

ولي تزوجـوا طـاحوا بورطـه وكل هذا من سواتج يا مــوده



والصبيان ابــرد من البـراده وحجيهم عن قوتشـي وبــرادا

يلبسون ترجيه ومضعد وقلاده وكل هذا من سواتج يامــــوده



كل شـي في حياتهـم تغيــر لاسنـع لا عقـل لا شيئ يذكـر

يحـــف ويتحكــل ويتبـودر وكل هذا من سواتج يا مــوده



ماعنـده غاريـه ولا حشمـه ولا يفرق التيــت من العفطــه

ولي خزيته قال واي يمّـــه وكل هذا من سواتج يا مـــوده



والبنات صارت عندهم عـاده الدلعـه نص البطن وزيــــاده

مرصصه وتقصـع بركــاده وكل هذا من سواتج يا مــــوده



وان تحجبت قلنا الله هداهــا مادرينا عن السلال اللي بقفاهــا

جنها ملكه وساتــول وراهـا وكل هذا من سواتج يا مـــوده



هذا غيـر سـوالف التفنتـق قواطـي روب وسترج ولاقنــق

شلون بالله صاير هالتعنفــق وكل هذا من سواتج يا مـــوده



نرد على الصبيان اللي مايستحون لشعور واقفه والبراطم يلمعـون

واخرتهم بشامبو الخيل يسبحون وكل هذا من سواتج يا مــوده



ينفش القصيعه على راسه ويطلع وبالقهــاوي يغازل هالبــرع

ولو بيدي بالجوتـي احسنه اقرع وكل هذا من سواتج يا مـوده



والبنات عاد مالهم غفاريــــه لو وست وكت والكرشه مهيـه

وتحـط تاتـو يعني انا بيعاريــه وكل هذا من سواتج يا مـوده



صياعتـج هذي ابـد ماتفيــدج وجدام ربـج محـد يعينــج

لحقـي ترى النـــار بتقيــدج وكل هذا من سواتج يا مـوده



ابــد ماهي سواتج يامـــوده الا شبابنا وبناتنا فيهـم الدوده

التقليد عماهم والحريه مهــدوده وابد ماهي سواتج يا مــوده



عجبني ومادري وين احطه

منقول [/align]

[نووووور]

كل الشكر لك
علي روعه ماقدمتي بنتظار جديدك

[LATO∫A]

العفوو نوور

تسلمين على المرور

[بنت ابوووي]

هههه

روووعه الصراحه

تسلمين عالنقل الرائع

[بـــــدوري]

تسلم يمينك على الطرح المميز منك

واستفدنا من النقاط المطروحه

يعطيج العافيه

[عســـــوله]

لطوفه

مميـــزه كالعـــاده

الف شكر غناتي ع النقل الحلو

:)



تحيتي لج

[عبير البدره]

مشكوره فديتج لطوفه ويعطيج الف عافيه




عبوووره

[~~ ريم العطا ~~]

لطوووفه

؛
/

الف شكر عالنقل الرائع.,.,

دمتِ بخير

؛
/

~~ ريم العطا ~~