عائلة تقيم حفل زفاف لخادمتهم (صور)

[عســـــوله]

حصرياً:عائلة قطرية تقيم حفل زفاف بهيج لخادمتهم.

اليكم القصه

فاطمة ، او فطوم فلبينية كما يطلقون عليها ، عملت لدى عائلة قطرية كخادمة مدة 11 سنة متوالية وبدون اجازات ، أحبتهم وأحبوها ، وأصبحت مثل بنتهم وأختهم ، ففي يوم من الايام جاءت فاطمة الى معزبتها ربة الاسرة وقالت : ماما ! انا في رجال يسوي كلام بابا مال انا داخل فلبين ، يبي انا عروس ( الترجمة: خطبني رجال من ابوي في الفلبين )
المعزبة : مبرووووك فطوم ، بس انتي ليش زعلانه؟؟
فاطمة : انا لو في عروس كيف انا بعدين ترشي فلوس ألشان بابا مال انا؟ ( الترجمة : لو انا تزوجت اشلون بعدين اطرش فلوس حق ابوي؟)
المعزبة : ولايهمج فطوم ، انا ازوجج أحسن زواج وأجيب خطيبج هني الدوحة وأزوجكم
وطارت المسكينه الفلبينية من الفرحة ، ومن فرحتها بغت اتخم وتنظف الفريج كله.

من هنا بدأت قصة الزواج ، التي تكفل بها مخدومي فطوم ، وانا كنت شاهدا وحاضرا في هذا الزواج الرائع وبأيجاز بوصف لكم العرس:-
اولا طبعا العائلة تكريما وعرفانا لفطوم والعشرة اللي بينهم جابوا المعرس من الفلبين وعلى حسابهم وسكنوه في بيتهم وعدلوا لهم الغرفة ، صبغ جديد وغرفة نوم وزل على كيفكم ، والمعرس جايب معاه المسكين البدلة السودة ولكن المعزبة قالت حق عيالها فصلوله ثياب وجيبو له بشت ، وبالفعل تم ما أرادت الام
اما يوم الزواج الرجال والمعازيم من القطريين والفلبينيين المسلمين وحديثي الاسلام ، والعشا : ذبايح ماشاء الله.
وفطوم جابوا لها كوشة ، ودي جي اسلامي (DJ) ، و بوفيه من أحد المطاعم الفاخرة ، والمعازيم من القطريات والفلبينيات وصديقات فطوم من خادمات الفريج ، وكل هذا على حساب عائلة المرحوم / احمد بن عبدالله العبيدلي وأقيم الحفل في منزلهم العامر في منطقة معيذر بتاريخ 19/4/2007 ، بصراحة اخنقتني العبرة !!!!!!!!

وإليكم الصور(صور بالجوال)












.
.

من ايميلي


:)




.. تحيتي لكم ..

[نزف الابداع]

خخخخخخخخخخخخخخخخخ

بجد أحياناً بعض الخادمات تصير وحده من أهل البيت

ويستاهلون أحياناً أكثر من أهل البيت

واحد من أعمامي عندهم خادمه جلست عندهم 27 سنه أخر سنتين جلست عندهم براتب بس بدون ما تشتغل بس كانت مشرفه على الشغاله الجديده يوم سافرت صارت عندهم مناحه بالبيت

دمتي أختي عسوله لمنتدانا

[عســـــوله]

شوفوني

سبحان الله

فعلا شعور غريب ومحزن

27 سنه مب شويه

بعد ان تقضي مده مع شخص ويبتعد

ولا تدري الى اين

جدا صعب لحظه الوداع

الف شكر لحضورك ومشاركتك يخوي


تحيتي لك

[((شوق))]

هههههههههههههههههههه
عجبني الفلبيني يضحك شكله وهو لابس بشت وعقال
هههههههههههههههههههه
تصدقون حتى انا وحده من قريباتي سوت مناحه لما سافرت شغالتهم لانها مثل امها
خخخخخخخخخخخ
مشكوره عسوله عالصور الحلووووووووووووووه

[بنت ابوووي]

ههههههههههههههههههههه الحين الخادمات كل وحده تبييلها معرس ههههههههههههههههه



يسلمووو

[الناعــس]

اكيد عسووولة

11 سنه هذي عمر

والله تستاهل من يسوي لها عرس ببيتها

انا اعرف وحده عندها شغالة من يوم عمرها 45 وعمر الشغالة تقريبا 30

والحين وربي ماتصدقين وش صاير

بناتها وعيالها يعتنون بأمهم والشغاله

كلهم الحين معجزات يعني عمر الام تقريبا 90 والشغالة 85

بس لانها جالسه عندهم عمر صارت تقل امهم

يعطيك العافية

[نوارة الخليج]

[align=center]لفته حلووه من العائله

هذا يدل على وفائهم ونبل اخلاقهم

يعطيك العافيه عســـــووله

وتسلم الأيادي على مانقلت

نــ الخـليـج ـوارة[/align]

[بدرالبدر]

.






ما قصروووووووووووا ويجعله في موازين حسناتهم ...





جمع راسين بالحلال فيه اجر عظيم ...






بس عاد فلبيني بمشلح ما دخلت مخي ..






كمس تكا ...





.