(دغيم الضلماوي وسالفته مع ابن رشيد)

[أبوهلال الشمري]

ياكليب شب النار ياكليب شبه
عليك شبة والحطب لك يجابي


الكثير يعرف هذا البيت ولكن يجهل قائله

وماهي مناسبة قوله وبعهد من .. هذه القصه امل اني افيدكم بها :- فيها من الدروس ماينسى الكل تطبيقه وحدثت في حائل في قديم الزمان ومازالت تتداولها الروات ( وشيباننا بكل مجلس لنهم قايلينه) واتمنى تعجبكم يحكى انه_

على وقت الامير محمد العبدالله الرشيد ذاع صيت / دغيم الضلماوي

الشلاقي الشمري ذاع صيته بالكرم وخاصة القهوة وقصيدته التالية:-


ياكليب شب النار ياكليـب شبـه

عليك شبة والحطب لـك يجابـي

وعلي أنا ياكليـب هيلـه وحبـه

وعليك تقليـط الـدلال العذابـي

وادغث لها ياكليب من سمر جبه

وشبة الياا منه غفى كـل هابـي

باغـي ليـا شبيتهـا ثـم قبـت

تجلب لنا ربعـا سـراة غيابـي

بنسريـةً ياكليـب صلفـا مهبـه

لاهب نسناسه تقـل سـم دابـي

سـراة بليـل وناطحيـن مهبـه

متكنفيـن وشوقهـم بالعـذابـي

الوالمة ياكليـب عجـل بصبـه

والرزق عند اللي يجيب السحابـي

صبة لقرمـاً صرفتـه ماحسبـه

يوم البخيل مكنهب الوجة هابـي

وصبة لمنعورين ليـا جـاة نبـة

يرخص بعمره والدخل لها ضبابي

وعدة عن اللي مايداري المسبـه

اللي يـدور بالقصيـر الغيابـي

عن الطيب عده نازلا لـه بغبـه

يضرب علي درب الخطا مايهابي

لا باطن الهلباج خطـوا الجلبـة

يا حلو خبط عصيهـم بالركابـي

أطمر لهم وأبدي سـلام المحبـه

لا جو على هجناً يديهم خرابـي

سلام أحلى مـن شخاليـل جبـه

وأحلى من السمن الجديد العرابي

مع كبشً مصلاح راسـه نجبـه

لا أدبر الهيـن متيـن العلابـي

خطو الولد يـوم الملاقـي نكبـه

يأتي علينا من حسـاب الزهابـي

وحتى يش لو يلبس وبينن وجبـه

معيرة علـى غضيـر الشبابـي

أنا لقيت الصبـر يازيـن غبـه

يرقيك روس مشمرخات الهضابي

من لاصبر ياكليب في حكم ربـه

هذاك يوم البعـث مالـه ثوابـي

يقولها اللي مـا حسـب المسبـه

ولا عرقل الاجواد ببعض الهلابي

هذا هـوى بالـي وهـذا مطبـه

من قبل مايسفح علينـا الترابـي



*****************************

سمع الامير محمد العبدالله الرشيد بكرم الضلماوي وكثر ذكر الناس فيبي يشوف عن الضلماوي وصدقه يوم يقول :-

الوالمه يا كليب عجل بصبـه

والرزق عند اللي يجيب السحابي


يوم جاء تالي ليلة من الليالي قال الامير لبعض اخوياه الخاصين ترانا نبي نسير ولاعلمهم بوجهته ونبي نروح عليه بيوم ثلاثاء( لانه كان معروف ان البدو ماكانو يسيرون ويتقهوون يوم الثلاثاء فكانو يبون يباغتونه على شان يحرجونه ) ويوم جاء تالي الليل الا يوم نوخو على الضلماوي فقام الضلماوي ورحب بهم يوم دخلو الرقة وشاف الامير محمد الوجار إلا والله الا النار حيه ووالمه على النار وصب لهم الضلماوي من الوالمة وقام يحمس الثانية وقبب النار .

قال الامير محمد :- ما تقولي يالضلماوي وش عندك به يوم انك تقوصد يا كليب يا كليب . فعرف الضلماوي ان الامير زعلان فقبلة وقام ومد يده للامير وقاله :-

مده رهن لولاك ماقلت ياكليب

ولا قلت شب النار وصر موقدا له

في ليلة تجدع سواة المشاهيب

نسرية تلصق خليل لخله

نطعن بعزك ياحصان الاطاليب

عسى الله جمع حزمتك ما يفله

يالجوهر الناريز يالمسك يالطيب

يا عنبرا من جربه مايمله

تكفي محاليب وتملى مجاليب

وكبد تيبسها وكبدا تبله

ياطير شلوى مالقي بك عذاريب

لو تستحتي ما تجمع الطيب كله

يا بو اليتامى والارامل ومن عيب

وأبوا لمن صار العصى ثالث له

وابو المحرول والاعمي والمحاديب

ومن ضامته بعقاء تصير ولدا له

أن كان هرجي به عليكم عذاريب

سامح عسى اللي عقبك بألف حله


وعقبة قال الامير محمد العبدالله يالضلماوي قال نعم قال والله ماتشريه غير ماشريته مدام اني حي كل مااحتجت تجي يمي وتاخذ حاجتك عقبة قام كل سنة يقيض بالديرة ويقولون يبني بيته بشعيب ابو جرف اللي جنوب عيرج اللي هو الشارع الجنوبي الان لثانوية حائل في المنطقة الشمالية للسعودية

[$$عطر الكلام$$]

[align=center]عسى الله جمع حزمتك ما يفله

يالجوهر الناريز يالمسك يالطيب

يا عنبرا من جربه مايمله

تكفي محاليب وتملى مجاليب

وكبد تيبسها وكبدا تبله

ياطير شلوى مالقي بك عذاريب


سيدي الرااقي

ابو هلال الشمري

دمت على القصة الراائعة والابياات البديعة

انتقااء مميز من الموروث وما يعج به من جماال

في انتظار جديدك الراقي دوما

أعطر التحايا[/align]

[أبوهلال الشمري]

مشرفتنا عطر الكلام _ مشكوره على هالاطراء الجميل ولو كان الشكر ماله داعي ماننتدقي الطيب الا للطيبين

[التميــــــمي]

مده رهن لولاك ماقلت ياكليب

ولا قلت شب النار وصر موقدا له

في ليلة تجدع سواة المشاهيب

نسرية تلصق خليل لخله

نطعن بعزك ياحصان الاطاليب

عسى الله جمع حزمتك ما يفله

يالجوهر الناريز يالمسك يالطيب

يا عنبرا من جربه مايمله

تكفي محاليب وتملى مجاليب

رحم الله الشاعر الضلماوي وبن رشيــد

أبوهلال ... بيض الله وجهــك وجعلها في ميزان حسناتك
أمتعتنا الله يمتعك بالدنيا والآخره

تحياتي

[أبوهلال الشمري]

يقول الشاعر_ ذا غضبت عليك بنو تميمٍ _ حسبت الناس كلهم غضابا
الله محييك يالتميمي من ذوقك تمتعت واعجبت الله يجزاك خير

[ابو مهند]

دغيم الضلماوي معروف بطيبه ودهاه وشعره القوي


يا بو اليتامى والارامل ومن عيب *** وأبوا لمن صار العصى ثالث له


وابو المحرول والاعمي والمحاديب *** ومن ضامته بعقاء تصير ولدا له



وهو ذكر بقصيده من تجب عليهم الزكاه الثمانيه يعني بها الموقف هذا اجاد وهذا ديلي على قوه شعره

وامتص غضب الامير ابن رشيد بالبيت الي يقول

ياطير شلوى مالقي بك عذااريب ** لو تستحي ماتجمع الطيب كله

وقالو عنه بعد من كرمه ان كان بابه مايسكر من الطين الي صاير قدام الباب وهذا دليل انه كان بابه مفتوح دايم وبجميع الاحوال بوقت العجاج والمطر وبالظروف الصعبه يكون بابه مفتوح ولذلك تجمع التراب امام بيته وجاء المطر وبناه


سلمت يمينك يابو هلال يانسل الاحرار ولاهي غريبه عليكم انتم من نسل حاتم الطائي


واعذرنا على الاضافه ولاكن من باب السوالف اعتبرنا بمجلس ونتسامر لاهنت


تحياتي لكم

دمتم بخير

[أبوهلال الشمري]

اخوي ابو مهند_ لاتعتذر عن شي مابه خطى وانا اخوك ويعلم الله انك اسعدتني بردك والنعم بك مايوفي وانا اخوك الله يجزاك خير وتسلم يالغالي

[سيف الدوله]

شمر هل الطولات وابليس ملعون
شكرا اخ ابو هلال وننتظر جواهرك