للشباب/ موضوع مهم نبي نتنـاقش فيه

[التميــــــمي]

هلا الملا عمر

توقفت على ردك وسأخذه بالتفصيل ..

السلام عليكم
رأيي في الموضوع إنك إنت ومشعل وبدر وبقية ربعكم تستاهلون المشعاب
وبدر يستاهله مرتين
ليش؟
أول شيء وقبل كل شيء لازم الواحد يحسن اختيار اصحابه، وهذا مطلوب شرعا وعقلا
وعليكم السلام
أخوي الملا عمر ... في ناس تخاف من الله في شتى الوسائل ، بدر تعرفنا عليه قريبا والحمد لله انها انتهت علاقتنا به ،،
قبل ما تقول إن أصحابك كلهم والنعم، مع احترامي الشديد لك ولبقية الشباب ولكن أنا مثلك شاب واكبر منك في العمر ومريت في تجارب
كلنا نقول نفس الكلام تقريبا عن أخويانا
ولكن لو جيت للحق إن الكلام هذا موب عن قناعة تامة
تبغى تتأكد
خل واحد من ربعكم يتقدم يطلب أخت واحد منكم وشف كيف تتغير النظرة ويعاد التقييم من جديد
أجل ليش من الأساس ما يكون فيه تقييم حقيقي للشخص اللي قدامك قبل ما تقرر إنه يستاهل يكون صديقك والا لا
هذا أولا، وقلته في البداية لأنه لو اتبعنا هذا المبدأ كان قلننا مشاكل الأصحاب إلى العشر أو اكثر

صحيح انا معك بالكلام هذا لكن لو تقدم واحد لأخت صديقه أول شي الدين وهذا الحمد لله مايتسم به أصحابي ، ثانيا الاخلاق .. وهل هو كفو بأخلاقه وعقلانيته الحمد لله الغالب
وثانيا
المفروض على مشعل إنه يكون حريص في مثل هذه الأمور، خصوصا إنه يعرف أخلاق بدر ولابد، وحتى لو كان بدر مصدر ثقة، الثقة ياخي لها حد
وعندنا مثل (عند الغمد فقط) يقول: قفل بابك وأمن جارك، ومعناه يفهم إذا تذكرنا قوله صلى الله عليه وسلم في الحديث الشريف (اعقلها وتوكل)
اخوي الملا انا معك ان مشعل يكون حريص ، لكن مشعل غلطان لأنه عطى جواله لبدر الي فيه رسائل خاصه له ولخطيبته حتى والله اخوته مايقرونها
بنت تحب خطيبها الي هو بمثابة زوجها لاهو محرم شرعا ولا عيب ، ورجل يحب خطيبته متملكها يعني لو يجامعها لم يقف بوجهه حتى الشرع ، ، وفي الحقيقه وبتصرف بدر الحقير اثبتنا انه مريض

وثالثا
حركة بدر عديمة من الحياء نهائيا، كيف تقلب في جوال موب جوالك وبدون إذن؟ المصيبة العظمى لو لقي تجاوب من البنت وش بتكون الحالة؟ بدر باختصار نذل ويستاهل ماجاه
لاحد يقول لو درى إنها خطيبة مشعل ما كان سوا الحركة هذه، لأن بنات الناس خطيبات لمشاعل آخرين، ومشعل ما حط رقمها إلا لأن له علاقة فيها،

صحيح كلامك يالملا ... ستر الله ، حتى لو درى بدر مايامن انه مايتجرأ وياخذ رقمها ، لأان الغايه من اخذ الرقم التفرج عليه ؟؟؟ماظنيت غايته اشباع الشهوه ويدق سلام


الحمد لله مرت على خير ومشعل زواجه في 15\7 من الشهر الداخل ان شاء الله
والله يتمم على الجميع الخير

تحياتي الملا على المداخله والافاده

[التميــــــمي]

حي الله اختي مشاعل البندري

الحمد لله على كل حال

الواحد له خصوصيات في جواله ، هل يرضى انه يرى خصوصيات الناس والناس ترى خصوصياته

الله يكتب لنا الاجر في الدنيا والآخره

[التميــــــمي]

صدقت ياشوفوني

حركة دنيئه ان الواحد ياخذ جوال صاحبه ويقلب فيه

انا قلتها .. تبي مقاطع قل لصاحب الجوال هو يرسلك

[مناحي1]

اخاف ماجطل بدر الرقم من مشعل الا هو راعي بنيات ؟؟

على العموم اذا ماثق في صديقي اثق في مين ؟؟ اذا ماهو كفو لثقة فليس بصديق ولكن ممكن نسميه معرفه

وبعدين هذا بيغصب الناس بالمغازل ؟؟ بعيد عن الحلال والحرام والصح والغلط اكثر ماكثر الله الاسواق يروح يغازل فيها بيده ورجله !!

شخصية سامجة غبية تستاهل من يدوس في بطنه قبل طردة من الاستراحه

وفي الختام تقبل تحيات اخوك مناحي1