للشباب/ موضوع مهم نبي نتنـاقش فيه

[التميــــــمي]

مســاكم الله بالخيـــر

قريتم الموضوع وأنا يالربع أبي رايكم وراي الأخوات الي يقرون الموضوع وأتمنى أخذ الموضوع بعين الجديه لأنه خطير
هذي سالفه صارت قبل شهـــر في إستراحتنـــا ( جمعة شباب) ، بذكرلكم الاسماء .. بدر طلب

من مشعل جوالــه على أســاس أنــه بيشــوف المقاطع وزي كذا ، قام مشعل وعطاه أياه ، بدر

طلع من المجلس وراح للحوش وللأسف سوى حركــة حقيرة بأنــه دخل الرسايل ولقى رسائل

خاصه لــمشعل مع خطيبته ، قــام أخونا بالله بدر يوم شاف أن خطيبة مشعل ترسل رسايل

خاصه ( أخـــذ رقمهـــا ) مع إن بدر لم يعلم بأن هذا رقم خطيبته لأن مشعل الله يهاديه

مسميهــا بإسمها وما حط رمز أو أي شي ، بدر الوقح صار يدق من جوال بدون إسم على

البنت ويناديها بإسمها وترى إني أعرف عنك كل شي ، خطيبة مشعل عطت الرقم لمشعل وقالت

إنه يهدد وأنه يعرفني ، مشعل دق على هذا الرقم ويلقاه مقفل أو بعض الأحيان مايرد ، قــام

مشعل وعطــى الرقم بدون إسم هذا لواحد من ربعنــا موظف بالاتصالات على أساس يشوف

وين يتكمركز فيه أكثر وقته ، فمن الي لقاه خوينا بالاتصالات انه بحي بدر وحول الاستراحه

وعلم مشعل ، في الاسبوع الماضي دخل بدر الاستراحه وكان مشعل موجود في نفس اللحظه

مشعل اتصل بالرقم حق بدر ورن الجوال لأن بدر نسى لا يقفله ، والله ويالربع يقوم مشعــل

ويمســك بــدر ويضربه ضرب وبغى يصير به طلق نار لكن ستر الله فكو الشباب

وطردو بدر هدا الوضع ، مشعل وصى الربع بأن اي رقم يدق على المره ماهو عارف الا بدر


أنا قلتكم ذا السالفه ياجماعة الخير لأن الوضع خطير والواحد ياخذ بعين الاعتبار

لا تاخذ جوال أحد إطلب منه هو يرسلك بلوتوث المقاطع الي تبيها ، لأن الشيطان حريص ويوقع الظن والشك بصاحب الجوال الي أنت ماخذه ، يعني يدق رقم على إخت صاحب الجوال أو زوجته ويزعجها يمكن يظن إنك أنت ورا هذا الرقم ... مع إني أنا اسويها أوصي صاحب الجوال هو يرسلي

لا تغلط مثل غلطة مشعل بأنه حط إسم خطيبته بإسمهــا ،، حط رموز تدل على الشخص الي أنت تبيه من أهلك

والمعذرة على كلامي العامي في هذا الموضوع لأن كتبتبه وأنا مستعجـــل

أتمنى التفاعل مع الموضوع

تقبلو تحياتي

[عازف الحرف]

لاحول ولا قوة الا بالله ...


هو بدر فهم انها صديقتة او من الكلام ذا ...


يااخي اعوذ باله انتشرت اسباب الفسوق والضياع ... من اتفة الامور ... وهو الجوال


يعني لو الشباب ماامسكوا مشعل كان فعل حماقة لا تحمد عقباها ...

وكان الحين تجدة بالصفاء ... تحت حكم القصاص ...


اعوذ بالله من هالافــــة .....

وفي الاخير ...كل الشكر لك للتنبية والسرد على الرغم من ضيق وقتك


دمت بصحة وبعافية .. والله لا يورينا من هالامور

[روزكول]

لا حول ولا قوه الا بالله


حتى الاصدقاء ما نثق فيهم




مشكور اخوي على التنبه




عاد لا تخلي فزعاتك

[الملا عمر]

السلام عليكم
رأيي في الموضوع إنك إنت ومشعل وبدر وبقية ربعكم تستاهلون المشعاب
وبدر يستاهله مرتين
ليش؟
أول شيء وقبل كل شيء لازم الواحد يحسن اختيار اصحابه، وهذا مطلوب شرعا وعقلا
قبل ما تقول إن أصحابك كلهم والنعم، مع احترامي الشديد لك ولبقية الشباب ولكن أنا مثلك شاب واكبر منك في العمر ومريت في تجارب
كلنا نقول نفس الكلام تقريبا عن أخويانا
ولكن لو جيت للحق إن الكلام هذا موب عن قناعة تامة
تبغى تتأكد
خل واحد من ربعكم يتقدم يطلب أخت واحد منكم وشف كيف تتغير النظرة ويعاد التقييم من جديد
أجل ليش من الأساس ما يكون فيه تقييم حقيقي للشخص اللي قدامك قبل ما تقرر إنه يستاهل يكون صديقك والا لا
هذا أولا، وقلته في البداية لأنه لو اتبعنا هذا المبدأ كان قلننا مشاكل الأصحاب إلى العشر أو اكثر
وثانيا
المفروض على مشعل إنه يكون حريص في مثل هذه الأمور، خصوصا إنه يعرف أخلاق بدر ولابد، وحتى لو كان بدر مصدر ثقة، الثقة ياخي لها حد
وعندنا مثل (عند الغمد فقط) يقول: قفل بابك وأمن جارك، ومعناه يفهم إذا تذكرنا قوله صلى الله عليه وسلم في الحديث الشريف (اعقلها وتوكل)
وثالثا
حركة بدر عديمة من الحياء نهائيا، كيف تقلب في جوال موب جوالك وبدون إذن؟ المصيبة العظمى لو لقي تجاوب من البنت وش بتكون الحالة؟ بدر باختصار نذل ويستاهل ماجاه
لاحد يقول لو درى إنها خطيبة مشعل ما كان سوا الحركة هذه، لأن بنات الناس خطيبات لمشاعل آخرين، ومشعل ما حط رقمها إلا لأن له علاقة فيها،
الله يصلح الحال ويسمعنا خير
وفي الختام
اذكرك بالنقطة الأولى وحديث الرسول صلى الله عليه وسلم اللي فيما معناه (لا تصاحب إلا مؤمن ولا ياكل طعامك إلا تقي)
والسلام
الملا عمر

[مشاعل البندري]

لاحول ولا قوة الا بالله

قصة مؤثرة و مزعجة

مافائدة الصداقة والثقة اذا كانت هذه النهاية ؟؟

الجوال جهاز يخص صاحبه فقط ويجب ألا يعطى لأي أحد .

وان كانت هناك خصوصيات بالامكان اخفائها فيه .


سوء الاخلاق والشباب والمراهقة والفراغ هي السبب .

والحمدلله ما وصلت الامور للأسوأ !

تحياتي لك التميمي

قصة يستفاد منها الكثير يعطيك العافية .

[نزف الابداع]

اسواء الصفات أن الواحد ياخذ جوال صديقه ويقلب بالرسائل والبلوتوثات

[التميــــــمي]

هلا اخوي راعي مزاج

صدقت بقولك

تكبر وتوصل للمحاكم لسبب غضب

الله يحفظنا ان شاء الله

[التميــــــمي]

هلا اختي روزكول

الشيطان حريص على التفرقه بين الاصحاب

لذلك لناخذ حذرنا منه