|
 |
 |
 |
 |
 |
|
||||||||
 |
|
|
LinkBack | أدوات الموضوع | طرق مشاهدة الموضوع |
07-01-2007, 02:41 AM
|
رقم المشاركة : 1 | |
|
|
أحلام ،، العصافير !!!
مقدمة :
تحذير ! هذا الموضوع يحتوي على تلميحات لمشاهد فاضحة ،، وأخرى عنيفة وفيه ألفاظ وكلمات ( بذيئة ) قد لا تتناسب مع ( الأطفال ) دون ( 18 سنه ) !!( خاصة إذا كانوا ،، ما يجسرون ينامون والنور طافي ) !! [align=center]الموضوع : كل إنسان له حلم ،، في حياته !! إلا ،،، أنا ،،،، حياتي كلها ( أحلام ) وطبعن هذي الأحلام ،، متنوعة ،، ما بين ( زين ) >>> يشبهني !! وما بين ( شين ) !! ما يشبه مراقب المنتدى ( أبد ) وبما أن حياتي ( مجموعة أحلام ) !! فمن الطبيعي ،، إنها تكون أحياناً ( همّ ،، و ،، غمّ ) مثل الحلم المزعج ،، اللي نعيشه ألحين ان السحالي لازالو موجودين وأحياناً ،، يكون الحلم ،، ( هلوسة ) ولا فيه أمل يصير صدق !! مثل الحلم بوظيفة مشرف عام المنتدى وأخيراً ،، ممكن يكون الحلم ( سعة صدر ،، وفلّةحجاج) مثل ،، الأحلام اللي تدعو إلى ممارسة الـ( حب المالح ) وإلا ( محموس ) وإلا ( حب القرع ،، أو القريض ،، أو حلاو الصعو ) !! >>> طبعن اللي يحكم الاسم ،، هو الطرف الأخر !! إذا هو أبيض وإلا أزرق !! وإلا ( أجنبي ) !! أذكر أخر حلم ،، حلمته ،، صار وأنا قاعد أكتب هذا الموضوع !! والسبب إني قعدت أدوّر حرف ( الذال ) وما لقيته ،، عشان الجهاز اللي أكتب فيه كنّه دفتر ( أبو ثمانين ) !! >>> يعني ،، إني ،، أكتب من جهاز محمول ،، ( يحلفون إنه لي ) !! ومع كثر الدوران ،، دخت ،، وطحت على ( الكي بورد ) ونمت !! وشوّي والحلم يشتغل ،، كنّه ( سكرين سيفر ) !! ( والله يا هو حلمّن بطران ) !! تقرقع في بطني ،، إلا ،، أعلمّكم بسالفة ذا الحلم هما الدعوى ( سعة صدر ) !! هذا الله يسلمكم !! حلم للراشدين فقط ،، وكانت بدايته ،، مع ظهور القمر من بين كتل السحب الضخمة من الدخان ،، والتي كانت تغطي سماء (ام الزهيويات والسحالي ) !! حيث ،، كنت ( متسلّقي ) !! >>> هذي الكلمة ( عاميّة ) وإلا العربية الصحيحة ،، المفروض تكون ( منسدح ) !! كنت منسدح على ظهري في رأس ( طعس ) حول ( مزرعة صديقي ،، عزوز ) وكنت خاش جو ،، وقاعد ( أدغدغ ) سرّي !! وأجمع ( قطن ) وعودان وقراطيس ،، ( غادي ،، سرّي ،، من كثر ما فيه من قطن وعودان وقراطيس ،، وغثئ سيل ،، كنّه ،، هباتن منّدفنه !! ) !!>>> ( هباة ) يعني ( قليب ) قديمة ،، وصايرتن خرابة !! المهم ،، أنا قاعد أنظّف سرّي ،، وأجمع من ذا الخمام ،، وأغني وأقصد ،، وأقول : ( يا نوف ،، ردّي على حبيبك الصوت ** يا نوف ردّيه ولا تسفهينه ) !!>> هذي كلمات ،، أغنية لهاني شاكر ،، من محافظة القصب !! يقولون إن أهل القصب ( تبرءوا ،، منه ،، عقب ما حلق لحيته وشنبه !! وصار وجهه كنّه بطن ) !! وأنا قاعد ( أشدو ) بكلمات الأغنية ( الآنفة الذكر ) !! وتطلع لي وحدة طخماء ،، وطويلة ،، لابستن ( نقاب ) و( شرّاب ) !! ( بس ،، نقاب ،، و ،، شرّاب ) وعشان أبري ذمتي ،، كان في ( خشمها ) خرزة !! ( شكلها ماكلتن سبحة ،، ونشبة في بطنها ! ) !! وإذا بتناظرها من علوّ ( نقابها ) إلى أسفل ( شرّابها ) تحس إنك ماسك خط ( من الرياض ،، إلى حفر الباطن ) !! ( وينك يا حمود عنها ؟ ) و من يوم طلعت علّي وأنا قاعد ( أقزقز ،، فيها) >>> أدوّر فتق في ثوبها ،، عشان أرقعه !! و ماسكن خط ،، ( أقزقز ) من ( نقابها ) إلى ( شرّابها ) ،، ومن (شرّابها ) إلى ( نقابها ) !! بغيت أطلع من الخط وأنقلب ،، يوم وصلت ،، مفرق ( محافظة المجمعة !! ) !! جعلها السيل !! ما نبّهني ،، وقطع ( حبل ) أفكاري !! إلا ،، حلاوة صوتها ،، يوم ( صدحت ) وقالت : وش رأيك ياطعس؟؟ بدل ما أنت قاعد تخرّبط !! وعلى بالك تقصد ،، وتغنّي !! ( أنت وصوتك ،، ذا اللي كنّه ،، صوت سير مكيّف جمس صالون موديل واحد وثمانين ،، ولونه عودي !! ) >>> موصّيني ( أبوي ) أجيب طاري الجمس حقنا ،، كود أحد يشتريه !! ويفكنا منه !! قالت : وش رايك ياطعس،، تلعب معي ،، لعبة ( الزير سالم ) !! ؟؟ بيني وبينكم ،، أنا لعبت ،، يجي مليون لعبه !! بس ،، ما قد مرّ علّي ،، لعبة أسمها ( الزير سالم ) ؟؟ قلت : جديدة ذي !! وش ( الزير سالم ) الله لا يسّلم منك ( مغّز إبره ) ؟؟ قالت : هذي لعبة بسيطة مرّه ،، وتعتمد على فن التمثيل !! يعني ،، كل واحد منّا ،، يقوم بتمثيل مشهد ،، ( درامي )!! >>> أي بسيطة ،، تحتسي ( ألماني ) وتقول بسيطة ؟؟ أنا وش يدرّيني ،، وش معنى ( درامي ) ؟؟ كل اللي أعرفه إن ( الدرام ) هو البرميل !! بلهجة أهل الشرقية !! قالت : الزبدة ،، أنا بأمثّل دور ( الزير سالم ) وأنت تمثّل دور ( واحد يغلط عليه ) !!>>> داريتن إنّي ما عندك أحد !! دور جدار ،، ويسحب علّيّ !! قلت : ما عندي مانع !! ما دام الدعوى ( جدران ) !! بس هاه ،، تكسرين ضروسي !! ترى ( الدعوى تمثيل ) !! المهم ،، ( صوّرنا المشهد ) واللي خفت منه ،، صار ،، و ( كسرت ضرسي ) حسبي الله عليها !! بنت الذين ،، من يوم قال المخرج ( أكشن ) ،، وهي جايبتن جهدتها !! والله يا هي ( تطامر ) على ذا الجدار من قلب !! كنّها جيب ربع ،، يمشي طبلونه ،، وأعترضت له سكةّ قلاّبيات !! وراغ عنّها ،، ودخل في شجر ( حرمل ) !!( وهو يطامر ،، وإلا إن تسان ،، علوم ،، وسباحة ،، ورطرطه في ذا البرد ،، ما لأمها داعي !! ) !! وفي عزّ المطامر ،، سمعت صوت المعلق ( سلطان العبدالله ) اللي يعلّق منوّل على سباق الخيل ،، وهو يصيح ( جميلة ،، الله عليك ،، يا محيسن الجمعان ) يا شين الحلوم ،،، إذا قامت ،، تخابص !! كنّها جمهور الأهلي ،، يوم يرقى عليهم محمد نور !! عشان كذا ،، قررت ( أستيقظ ،، من حياة الأحلام ) وأعيش ( الواقع ) زيّ ما هو !! بدون ( زيف ) أو ( مخابص ) !! >>>> مرتّن تلقى نفسك راقد في سرير قماش ،، مربوط بين نخلتين ،، على شاطي جزر ( الهونولوو ) !! >> يحلفون إنه ما تأثر ،، بأفلام الكرتون !! و شوّي وتلقى نفسك ،، وأنت متوّسد ساق مشعر ،، كنّه ساق (رويشد) !! وإلا ،، أبط ،، (................................................. ....................) !! وععععععععععععععععععععععععع امحق حلوم وعشان كذا ،، كان قراري ،، باختيار الواقع بدل الحلم ،، في غير محله !! والسبب ( إن الأحلام ،، بكل مساوئها ،، ومخابصها ،، وتداخل صوت سلطان العبدالله ،، وصوت عمري وحياتي ،، أم شرّاب ونقاب !! أفضل بكثير من واقعنا المرير ) !! قناعة شخصية !! <<< منيب عاقل النهاية !! the end[/align] |
|
    
|
|
07-01-2007, 07:50 PM
|
رقم المشاركة : 4 | |
|
|
ولكمووووووو هبنقا
 هههههههكل إنسان له حلم ،، في حياته !! إلا ،،، أنا ،،،، حياتي كلها ( أحلام ) وطبعن هذي الأحلام ،، متنوعة اوووخص بطران احلام هذا الله يسلمكم !! حلم للراشدين فقط طف النور يابـو شبشب وكنت خاش جو ،، وقاعد ( أدغدغ ) سرّي !! اي ياسـري  <<< قام يدغدغ سره حيث ،، كنت ( متسلّقي ) !! >>> هذي الكلمة ( عاميّة ) وإلا العربية الصحيحة ،، المفروض تكون ( منسدح ) !! وفي مصطلحاَ اخر مـنبطح صوت سير مكيّف جمس صالون موديل واحد وثمانين ،، ولونه عودي !! ) >>> موصّيني ( أبوي ) أجيب طاري الجمس حقنا ،، كود أحد يشتريه !! ويفكنا منه !! هههههههههه حتى بالحلم يوصيك  سمعت صوت المعلق ( سلطان العبدالله ) اللي يعلّق منوّل على سباق الخيل ،، وهو يصيح ( جميلة ،، الله عليك ،، يا محيسن الجمعان ماهقيت محيسن الجمعان يسابق خيل اخبره على الابل هههههههه the end shkshk shkshk shkshk shkshk تستاهل هالزئفه  ولاتقاطعنا انت واحلامك |
|
|
|
|
07-04-2007, 03:25 PM
|
رقم المشاركة : 6 | |
|
|
الله يلحس مخــك مثل مالحستنا احلب الموضوع من اليوم ابي اطلع علوم تمسك ماطلع لي شي ولاحتى بالحكحكه <<< خبير نياق وكنت خاش جو ،، وقاعد ( أدغدغ ) سرّي !! انت تلحق تدغدغ سرك من كبر بطنك اللي تسنده شراع من كثر ما فيه من قطن وعودان وقراطيس ،، وغثئ سيل ،، كنّه ،، هباتن منّدفنه !! ) !!>>> ( هباة ) يعني ( قليب ) قديمة ،، وصايرتن خرابة !! وانت الصادز الا تقل برميل مندى ماحوله الا الهبايب والقعيسات << ياقدمه متوّسد ساق مشعر ،، كنّه ساق (رويشد) !! توسدك الفقر وخر عني ما انت مضبوط  ول عاد ياسيقان نانسي عجرم على غفله  الله يرجك ياهبنقا لين تبيض عيونك توي صدقت ان المريس يضر بصحه الموضوع يطق على جبهة القسم ولاينزل حتى يمسك هبنقا ويتم تحليل مخه ودمه لتأكد خلوه من مرض البزطناريا |
|
|
|
|
07-04-2007, 06:06 PM
|
رقم المشاركة : 7 | |
|
|
888
تم سحـب عينة الــدم  والله يعيينك رويشد على عينة البول ههههههههههه |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
دردشة ا دردشه ا دردشة صوتية ا دردشة كتابية
العرض العادي
