|
.gif) |
|
||||||||
 |
|
|
LinkBack | أدوات الموضوع | طرق مشاهدة الموضوع |
07-24-2007, 01:13 AM
|
#1 | |
|
|
نفسي اتوطى ببطن صلبوخ روعه هههههههه
السلام ارحبوااااااا بصراحه هالقصه تموووووووووووت من الضحك
 على فكره يا جماعه القصه روعه و تحكي عن واقع بعض الشباب الدلوخ اللي ما يفهمونها و هي طايره 00 يعني تراه ما ابعد عن الواقع اللي عايشينه بعض الناس اتمنى تعجبكم ابطال القصه الزوج صلبوخ ، الزوجه نوره بالاشتراك مع فهد الذى قام بدور اخو نوره اخراج الباسل ************************************* 5 4 3 2 1 اكشششششششششششششن المشهد الاول : نوره : صلبوخ ..... يا صلبوخ..... صلبوخ ......... صلبوخ وينك صلبوخ: هااااه نورة: وينك صلبوخ: هذاني في المبطخ المشهد الثاني في المطبخ نورة : وش تسوي في المطبخ صلبوخ يناظرها وهو يعرم له خياره : زي منتي شايفه قاعد اغسل ثوبي وشماغي . نورة: هههههههههههههههههههههههههههه صلبوخ: اندري عنتس يعني بالله الواحد وش يسوي في المطبخ اكيد يدور شي ياكله ميت جوع نورة: طيب شف وش رايك بالفستان اللي علي ( نورة خذت لفه حولين نفسها ) صلبوخ: هههههههههههههههههههههههههههههههه ايه والله وش ذا الفستان وراتس ماخذه ستاره الملحق ومفصلتها نورة: حرام عليك والله حلو صلبوخ : وين حلو معه الله يفشلتس لا تروحين به للعزيمه تفشلينا نورة: لمعلوماتك سعر هالفستان غالي صلبوخ: لعب عليتس صاحب المحل شاف وحده مخفه زيتس ..... بصراحه يا نورة ذوقتس في اختيار الملابس زفت نورة: انت اصلا ما تفهم في الذوق وما فيه شي يعجبك كل شي تقعد تعيب عليه حتى بلوزتي اللي كنت لابستها الاثنين الماضي تقول كنها وزره عبدالمتوكل فراش المسجد وكل زميلاتي يسالوني من وين شريت هالبلوزه ذي صلبوخ : يا نورة انا اقولتس رايي بصراحه وبعدين ترى فيه بعض الحريم يزينون اللبس نورة: قصدك اني انا اشين اللبس صلبوخ: لا مهوب القصد ...... نورة ...... نورة تعالي.......نورة....... لاتزعلين تعالي........ لاحوووول زعلت يا كثر ما تزعل وش اسوي الحين .... مالي الا اتصل على اخوها فهد المشهد الثالث صلبوخ في سيارته ويكلم فهد صلبوخ: الو ... هلا والله فهد كيف حالك فهد: يا هلا والله وسهلا بخير ولله الحمد بشرني عنك صلبوخ: والله ابشرك تمام........اقول فهد ودي اشوفك اليوم ضروري ابيك بموضوع فهد: مشكله ثانيه؟؟؟؟ صلبوخ: يا حبيلك نبيه تفهمها وهي طايره فهد: خلاص عند قهوه المساء الساعه 8 مساء صلبوخ: خلاص تلقاني منطق هناك انتظرك فهد: على خير ان شاء الله صلبوخ: لا تتاخر فهد: ان شاء الله صلبوخ: لا تنسى تكفى فهد: ياخوي ازعجتنا خلاص صلبوخ: طيب خلاص مع السلامه فهد: طوط طوط طوط طوط طوط صلبوخ: اعوذ بالله ضو شابه الله من زين النفس كنه اخته المشهد الرابع قهوه المساء صلبوخ: وينك فهد تاخرت فهد: حسبي الله على عدوك الساعه الحين 8وخمس دقايق يعني تاخير بس خمس دقايق صلبوخ: ولو لازم تتعلم الانضباط وتجي على مواعيدك فهد: الحين اللي يشوفك يقول اني متاخر عليك ساعتين .. اخلص بس قل لي وش السالفه صلبوخ: السالفه يا طويل العمر باختصار اختك شرت فستان للعزيمه ولا عجبني وقلت كنه ستاره الملحق وزعلت فهد: بس كذا السالفه صلبوخ: لا وقلت ذوقتس مهوب زين ابد فهد:اسمعني اختي وانا اعرفها انسانه حساسه مره ورومنسيه مره وذوقها في الملابس ما فيه احسن منه بس حظها الردي اللي طاحت بواحد جلف زيك صلبوخ: افااااا.... ايه افزع مع اختك دافع عنها فهد: لا مو مساله انها اختي وانا قاعد ادافع عنها لكن انا اقول شي الصحيح انت رجال جلف والا يوم شفتها لابسه هالفستان وما اعجبك كان جاملتها يعني جبها باسلوب يعني مثلا كان قلت والله حلو وازين ما فيه انتس انتي اللي لابسته همن قل لها بعدين .... فيه محل في السوق الفلاني مدري انتي شفتيه والا لا عنده فساتين روعه تبي تقول لك لا قل لها وش رايتس نروح له بكره وخلاص رح بها للسوق دام فستانها ما اعجبك ..... مهوب تجي وتقول ذوقتس شين ويفشل ومدري ايش اللي يسمعك عاد يقول هذا مره فرزاتشي منزين ذوقك عاد انت صلبوخ: والله منتب سهل جبتها فهد: الحين نروح للبيت ورح وكلمها وقل لها كلمتين حلوين صلبوخ: طيب ... ما ودك نطلب شاهي والا قهوه فهد: لا ابد ما له داعي ابتقهوي عندكم في البيت صلبوخ: يالله اجل مشينا فهد: مشينا المشهد الخامس صاله بيت صلبوخ فهد: يالله رح ارقى فوق وصالحها زي ما قلت لك وانا انتظرك هنا فهد: وشفيك متردد صلبوخ: ياخي مدري احس انها مهيب معطيتني وجه فهد: ياخوي رح بس ما عليك صلبوخ: اسمع عندي فكره وشف وش ابي اسوي ......... نورة..........نورة............عجلي .....عجلي .....انزلي يا نورة..... بسرعه مسلسل الحاج متولي بدى......عجلي انزلي فهد: انت متخلف صلبوخ: وش فيها انا منول يومي صغير اذا زعلت على اهلي يجون يقولون لي عجل تعال بدت فلونه واجيك طاير مجلعد واطامر كذا كانت طريقتهم اذا بغو يطلعوني من غرفتي فهد: طيب نادها من السنترال وخلني اكلمها صلبوخ: صح جبتها ..... الو نوره تعالي انزلي عندنا اخوتس دوتس كلميه فهد: مساتس الله بالخير نورة وين الناس ترى لي ساعه منطق هنا ورجلتس ما جاب لي لا شاهي ولا قهوه انزلي خلينا نشوفتس نورة: هلا والله باخوي فهد دقيقه هذاني نازله لكم طلعت نورة من غرفه النوم ونزلت وسلمت على اخوها نورة: يا هلا والله زارتنا البركه كيف حالك فهد فهد: والله ابشرتس الحمدلله فهد: وش لونتس انتي وش لون صلبوخ معتس نورة: الحمدلله صلبوخ: نورة فهد يعرف لتس محل فساتين روووووووووعه نورة: صدق صلبوخ: ايه والله توه قايل لي قبل شوي نورة: وش اسمه صلبوخ: ايه صح وش اسمه فهد فهد: احم...... نورة شكلكم ما ودكم تضيفون ضيوفكم وين الشاهي نورة: ايه لحظه هذاني ابجيبه الحين ( نورة راحت للمطبخ) فهد: صلبوخ انت غبي ياخي تو اقول على سيبل المثال تجي وتوهقني وتقول لي وش اسم المحل ولا وتقوله عندها بعد صلبوخ: وشو <=== طايره بوهته فهد: يالله عموما انا ابمشي قبل ما تجي وتسالني واتوهق يالله فمان الله. طبعا انتهى الزعل اللي بين نورة وصلبوخ صلبوخ جاه انتداب من العمل وسافر واليوم موعد وصوله الساعه 9 مساء المشهد السادس وهو في التاكسي صلبوخ: السلام عليكم نورة: وعليكم السلام هااه بشر وصلت صلبوخ: ابشرتس نورة: الحمدلله على السلامه صلبوخ: الله يسلمتس..... اقول جهزي العشا تراي ميت جوع نورة: ابشر من عيوني صلبوخ: فمان الله نورة: فمان الكريم المشهد السابع والاخير داخل صاله المنزل صلبوخ: نورة وراتس حاطه شموع عسى الكهرب مهوب طافي نورة: لا ابد مهوب طافي بس حبيت اسوي جلسه رومنسيه جو شاعري يعني صلبوخ: بلا جو شاعري بلا جو رومنسي انا منيب رايق للخرابيط ذي ولعي اللمبات تكفين خلينا نشوف طريقنا ونعرف نتعشى نورة: ولعت اللمبات وطلعت فوق زعلانه صلبوخ: يا كثر زعل هالحرمه ابتصل الحين على اخوها صلبوخ: الو.. هلا والله فهد عاش من سمع صوتك فهد: هلا والله ومسهلا كن صوتك قريب صلبوخ: ايه والله توي واصل الحين هذي دخلتي للبيت فهد: الحمدلله على السلامه صلبوخ: الله يسلمك اقول فهد ابيك بسالفه ضروريه فهد: يا كثر مشاكلكم صلبوخ: ههههههههههههههههههههههههههههههه اقول بس تعال للبيت الحين فهد: طيب ثلث ساعه وانا عندك بعد نص ساعه جا فهد وضرب الجرس صلبوخ: هلا والله تفضل فهد: الله يسلمك .... شف خذ هالورده واطلع فوق لها وعطها زوجتك وحاول انك تراضيها وعطها من هالكلام المعسول يالله رح ما يحتاج تقول لي وش السالفه صلبوخ: طيب راح صلبوخ وطلع فوق وطق الباب صلبوخ: نورة افتحي الباب خلينا نتفاهم نورة فتحت الباب صلبوخ: نورة وراتس زعلانه علي هذا استقبالتس لي عموما قبل ما نتفاهم في الموضوع خذي هالورده نورة: من وين جبتها صلبوخ: ما جبتها اخوتس عطاني اياهاتحت وقال عطها هالورده قلت يمكنتس انتي موصيته عليها نورة خذت هالوردة ونطلتها في وجه وطلعته برى الغرفه وسكرت الباب نزل صلبوخ وهو مستغرب فهد: وش صار صلبوخ: ابد قلت عطيتها الورده ورمتها في وجهي فهد: افاااا شكلها زعلانه بقوه وش قلت لها بالضبط صلبوخ: ابد قلت انك انت اللي جبتها يمكنتس موصيته عليها وبس فهد: الله لا يبارك فيك ما الومها تزعل اسمع لا تتصل علي ولا تدخلني في مشاكلكم ما قد شفت غباء بالطريقه ذي .... مع السلامه صلبوخ : فهد... تعال فهد.... لاحوووول والله انا مقرود بهالعايله الزعوله كع كع كع كع كع كع كع كع كع كع كع ( والله نفسي أتوطى بمصارين بطنه هالدلخ ) ( منقول عن طريق إيميلي ) هههههههههههههههههههههههههههههههههههههههههههههههههه هههههه تمنى انها عجبتكم ولاتحرومنا من ردودكم  |
|
|
    
|
|
07-24-2007, 01:56 AM
|
#2 | |
|
|
هههههههههههههههههههههههههههههههههه
 والله بيني وبينتس يا بنت ابو متعب الرومنسيه تبي وجه حلو وحجاجاً طلق ومبيسماً جذاب وشكل ماهو بس صلبوخ الجلف وبعدين وش لازمة الشموع كان صبغة له اللمبة الرجال يسدد فواتير المفروض ان المره الفطينه تعرف خاطر زوجه والذنب ذنبة انه مافهمتة الا بعد العرس والمفروض انه تنطم وترضى بالقدر ولا من يدورالرومنسيه عند صلبوخ dkhan
__________________
 |
|
|
|
|
|
07-25-2007, 12:10 AM
|
#3 | |
|
|
ههههههههههههههههههههههه اي والله انت صادق بس مفروض صلبوخ يداري شعور زوجته هي رومناسيه <<ياعيني ههههههه ويسلمووو على مرورك اللطيف والحلووو
|
|
|
|
|
|
07-27-2007, 02:07 AM
|
#5 | |
|
|
تسلمي ياشيلاييخوا على مرورك الحلوو ياعسل
|
|
|
|
|
|
07-27-2007, 02:57 AM
|
#6 | |
|
|
هههههههههههههههههههههههههههههههه
يسلموووووووووووووووووووو اختي على الطرح الرائع والممتع جدا لا تحرمينا من جديدك لا خلا ولاعدم 
__________________
  |
|
|
|
|
|
07-28-2007, 12:43 AM
|
#7 | |
|
|
يسلمو اميره الوادي ياقلبي على مرووك الاحلى والاروع
|
|
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
دردشة ا دردشه ا دردشة صوتية ا دردشة كتابية
العرض العادي
