الله بلاني بهنوف

[الحياة مره]

قصيده : للشاعر تركي الديحاني





كل مايزين الهوى ويهب معه النسيـم ==== عطيـت ظهـري غثـا الدنيـا ولوعاتهـا
دنيـا تغشـك ولـو ممشـاك دايـم سليـم ==== وتضيع في ذيبها وتضيـع فـي شاتهـا
اقولـهـا للـمـلا والـلـي سـواتـي فهـيـم ==== ولا حسّـب حسـاب بلواهـا وصكاتـهـا
حتّيش لو اصبحت بقعا عدو وخصيـم ==== رحــت اتـوطّــى عقـاربـهـا وحيـاتـهـا
وياليت حظّي ولو مره يجـي مستقيـم ==== وامـيّـز صـــدور خـلــق الله ونيـاتـهـا
لو كل رجلٍ كريـم يصيـر اسمـه كريـم ==== ماشفـت بعـض اللحـا تفـتـل شنباتـهـا
والجادل اللي غلاها وسـط قلبـي يتيـم ==== راحـت ولا ادري متـى يانـاس جياتهـا
وان جيت يم الغلا والحب حظي سقيم ==== حبيـت مـيـر المحـبـه خــاب هقواتـهـا
الله بلانـي بهنـوفٍ غيـر كــل الحـريـم ==== عطيتـهـا وجـــه واذتـنــي بدقـاتـهـا ؟
تدق دقه ؟ ودق ؟ وتحط عبدالحليم !! ==== فـوق الثلاثيـن ولا تخلـي حركاتهـا ؟!
هي تحسبنّي على النيّه وتـوّي غشيـم ==== وامـوت فـي حبهـا وشفـق النظارتهـا
مانيب فاضي احب مانيب فاضي اهيم ==== وقـول ويلـي علـى الجـادل وشوفاتهـا
امـا تجيـنـي وثالثـنـا بلـيـس الرجـيـم ==== والا توفّـر علـى الهاتـف مسجاتهـا ؟!
ماهمهـا الا المغـازل والدلـع والرجيـم ==== امـحـق مــره ليتـهـا تـربــي بنيـاتـهـا
من وين مارحت تتبعني وجرحي اليـم ==== وصـد عــن شوفـهـا وقـطـع علاقتـهـا
وتقول حبك ياروحي ساكـنٍ بالصميـم ==== وقول منتـي هـوى نفسـي ومشهاتهـا
وفكّرت ابلغ اهلهـا وطلعـو سيـم سيـم ==== ولقيـت الاعبـر ربايعهـا وخالاتـهـا !!
المجتمع راح فيها من جحيـم الجحيـم ==== الظـاهـر ان القيـامـه قـــرّب اوقـاتـهـا
الذيب عند الغنم والنار وسـط الهشيـم ==== واخـوان بـدوى تخالـف بيـض نياتهـا
هذا زمـن روبـي وشعبـان عبدالرحيـم ==== ودنـيـا تـسـوق الاوادم فــي ملـذاتـهـا
ستايلـك يـازمـن يالـيـت يـرجـع قـديـم ==== الفين وسبعـه تخـوّف فـي بداياتهـا !!

[$$عطر الكلام$$]

[align=center]كل مايزين الهوى ويهب معه النسيـم ==== عطيـت ظهـري غثـا الدنيـا ولوعاتهـا
دنيـا تغشـك ولـو ممشـاك دايـم سليـم ==== وتضيع في ذيبها وتضيـع فـي شاتهـا
اقولـهـا للـمـلا والـلـي سـواتـي فهـيـم ==== ولا حسّـب حسـاب بلواهـا وصكاتـهـا
حتّيش لو اصبحت بقعا عدو وخصيـم ==== رحــت اتـوطّــى عقـاربـهـا وحيـاتـهـا
وياليت حظّي ولو مره يجـي مستقيـم ==== وامـيّـز صـــدور خـلــق الله ونيـاتـهـا
لو كل رجلٍ كريـم يصيـر اسمـه كريـم ==== ماشفـت بعـض اللحـا تفـتـل شنباتـهـا

غاليتي الراقية

الحياة مرة

قصيدة بديعة حقا

صح لسان شاعرها تركي الديحاني

وسلمت على الانتقاء المميز النابع من رقي ذوقك

دمت تمنحينا الأنيق من اختياراتك

في انتظار جديدك دوما

أزكى التحايا[/align]

[$بنت أبو متعب$]

يسلمووووو القصيده رائعه مررررررره صح لسان الشاعر وسلمت ايدك على النقل الجميل

تقبلي ودي

[نزف الجروووح]

السلام عليكم ورحمة الله وبركاته

صح نقلك اختي الحيـــــــاه مره روووووووعه القصيده مشاركاتك بصراحه بقمه الذوق متابعين مشاركاتك الاكثر من روعه تقبلي مروري المتواضع

اختك نزف الجروح

[الحياة مره]

مشكوره على تعليق والرد عطر الكلام وبنت ابومتعب ونزف الجروح