مســـاء مثـقــل بالحــنــيــن ...

[هذاك اول]

/

\



قصــاصــات من حلــم .. لم يكتمــل ..


/

\

* *


صباح الحب

صباح قلوب .. ماتعرف تحب ,, ولاتبي تنحب

صباحك خير ياقلبي

وش اخبارك

بعد للحين .. يمر بخاطرك طيفي

بعد للحين .. تبي اقضي .. بدونك يالغلا صيفي

بربك ليه هالقسوه

ترى هالدنيا ماتسوى

بدون عيون.. تضمك حيل وتشيلك

بدون قلوب .. تضوي يالغلا ليلك

خلاص ارجوك .. وربي طالت الضيقه

وذاك القلب .. صدودك نشفت ريقه

بربك وش تبي ثاني .. !!

انا المخطي .. انا القاسي .. انا الجاني

انا كل الخطأ مني ..

دخيلك حن لاجل الله .. يااول حب عبدالله

غيابك حيل جنـني

وربي ماني متحمل بعد اكثر

ابيك ترد .. ابي ذاك الفرح يكثر

بعد عمري

تعبت ارجوك

وغلاةامك

اذا عبدالله ايهمك

تعال ارجوك


/

\



تسألني ليله تقول لي ..

تشتــاق لي ..!!

عبدالله تكفى حاكني

تشتاق لي ..

وان قلت ايه .. تقول لي .. طبعك غريب

تشتاق لي ..

ياسيـدي ... ماهو غريب .. اني اجي مشتاق لك ..

كل الغرابه سيدي

ان الهجر.. عيا يطاوعني يجيك .. !!

وان الخفوق اللي نسيت .. للحين باقي يحتريك .. !

واني انا .. كلي انا .. ميت وربي فيك فيك ..

وان قلت لك .. مشتـاق لك

مشتـاق لك .. والله العظيم

مشتـاق لك .. والله العظيم

مشتـاق لك .. والله العظيم

/

\

\

* *

بربك ليـه

وش اللي جاك من تقصير

بربك يعني هذا يصير

تغيبي سنين عن عيني

ولاادري ديارك وين

حبيبي لى متى .. وبعدين

تعال وشوف هالخافق .. وناظرفيه

كسير ورجعتك تحيـيه

مثل ماكان .. يموت وضحكتك تبقى

يتوه بشوفةعيونك .. ويكره طاري الفرقى

بربك ماولهتي له!!


ولا اشتقتي له ابليله !!

ولامره تذكرتيه!!

ولاحتى تخيلتيه !!

بربك ليه

وش اللي جاك من تقصير

بربك يعني هذا يصير

/

\



* *


ابوعدك

اني بغير كل شي

الشعور اللي عزف احلى مواويـله وجــالك

والخفوق اللي تعب يسـأل وينشــد كيف حـالك

والمكان اللي جمع قلبين في لحظه سوى

والكلام اللي رقد مابينك وبيني وعيـّـأ ماقوى

وبوعدك ..

اني ابنسى كل شي

ضحكة حجاجك والحنيـن

والمبسم اللي خالقه ربي من الدر الثمين

والذكريات

والخافق اللي ماقوى بعدك ومات

وبوعدك ..

اني اليا من هزني شوقي .. ابشكي له عليك

واني انا .. رغم الزمن .. باقي انا .. منـّـك اليك

وان الغرام اللي غرسته في شرايـيني زمن

باقي مثل ماتذكره .. قلبك حبيبي عاصمه .. وتراب رجلينك وطن

وبوعدك ..


اني اليا من قلت لك ابعد وروح

لو سولفت لك دمعتي .. لو فضفضت لك هالجروح

عن غيبتك .. وشلون سوى بي الالـم

ابوعدك .. اني بصيح .. لين المحاجر ماتشوف

ولين الزمن يكسي حياتي كلها ..حيره وخوف

ياسيدي ..

وان مرت عيونك هنا .. واشتقت لي

لاتصدق اللي كاتبه قلبي هنا !!

وان قلت لك .. ابوعدك .. اني بغير كل شي .. بكذب عليك !!

ياسيدي .. كل اللي اقدر اوعدك ..

اني ابيك ..

واني انا رغم الجفا .. اعشق ترابك واحتريك

ماقلت لك من يعرفك .. اقسم بربي يمووت فيك !!

مثلي انــا .. مثلي انــا

ياسيدي ..... مشتـــاااااااااق لـك


/

\

*

*


لحظه بربك انتظــر

باقي حكي .. ودي حبيبي تسمعه

من قبل ماتبعـد تروح

ودي ابــّــري ذمتي ..واصــارحك

وابيك تعرف لو قسيت .. لو خنت عبدالله ومشيت

عن كل جرح مســامحــك

عن كل جرح مســامحــك

عن كل جرح مســامحــك

متعب انــا حــد النخــاع

مافيني اتحمــّــل وداع

لكن اذا كان العمر اللي قضيته في حشاي ... ماعلمّك

وشلون تعشق ماتخون

يابعد جرحي والوجع لو تطلب الفرقا تمون

بس انتظر حتى انتهي من كلمتي

عندي حكي ماينتهي

ولو ينتهي .. ابـيـبـتدي غيره جديد

يااصدق احساسن سكن مابين دمي والوريد

ابيك تذكرني بخير

ياحبي الاول والاخير

/

\

[دافـ الدمعه ـىء]

هذاك اول


قصاصات من العشق الزمردي

تستحق ان تقرا كل يوم

سلمت يا بطل

[رغ ــد]

[align=center]*
*
عبدالله

قرأتك مثقلاً بالحنين

وقرأت الصدق في حروفك

*
*

أمنية صادقة بالفرح

ودٌ وورد ،،[/align]