الشايب والوايت

[victory]

الشايب والوايت يسولفون عن شايب نوا يشتري له وايت..عشان الحلال،، وعزم يجمع له بالدراهم لين صار عنده ثمانين الف ريال،، وتوكل على الله،، واقبل ذاك اليوم إلا ذيك الناس المجتمعة في ارض فضا،، واثري جمبهم وايت،، وعجب خوينا هالوايت،، قال بس خلن اشوف هالوايت عساه للبيع،، يوم وقف واثري هالجماعة يحرجون: 50 ،، 52 ،، 55 ،، قال بس شكلهم يحرجون على هالوايت إن شاء الله انه من نصيبي،، ويخش بالحراج... 56 .. ويزود.. ويزودون .. ويزود.. لين وصلوا 75 .. قام خربها وقال 80 .. هو قال ثمانيييييييييين يوم سكتوا..!!! وهجدوا..!!!! والتفتوا عليه،،!!!! يناظرونه.. يناظرون بعض.. يوم تغامزوا ونقز له واحد منهم .. ويسحبه على جنب.. قال شف يابن الحلال بنعطيك مليون ريال بس امش من هنا ولا نشوف وجهك.. قال هااااا.. وش السالفة..؟؟!! مليون .. وليه..؟؟ قال له بس خذ هالشيك وتوكل على الله وش اسمك؟؟ عطاه اسمه وكتب له الشيك بمليون ريال وصرّف الرجال.. هو ما يدري وش السالفة .. طيب وش العلم ..!!!!!؟؟!!!! .. .. اثري هالجماعة يحرجون على المخطط وواقفين بالصدفة جمب الوايت.. و56 مليون و75 مليون.. وبو الشباب خش معهم.. ويحسبونه هامور يبي يلطش عليهم المخطط.. قاموا صرفوه بمليون.. وهو طاير من الفرحة..

[عبير البدره]

ههههههههههه


يا بخته حصل المليون وهو ما يدري بالدنيا ههههه


شكرال ك ويعطيك العافيه

[victory]

هلا والله اختي عبير البدره
الدنيا هذي حظووظ
يابخته وعقبال الجميع هههههههه
مشكورة على المرور اختي
تحياتي لك

[الناعــس]

خخخخخخخخ

رميه من غير رامي

ياليتني راعي الوايت هههههه

الحظ سبحان الله يجيك فجأة من دون سابق انذار

اما تستغله وتكسب او تتركه وتندم

يعطيك العافية فكتوري

[victory]

هلا والله اخوي الناعس
مو انت اللي تتمنى انك راعي الوايت
انا قبلك تمنيت هالشي
ارزاق كل واحد ياخذ رزقه
تحياتي لك اخوي ومشكور على المرور

[احلى الاسامي]

يرزقكم من حيث لا تحتسبون
ياحظه
تسلم اخوي فيكتوري
بس(شنو الوايت)...

[المنشار]

هههههههههههههههه 1.080.000 يااااااااا حلاووووووه

[ذيبانـ]

الدنيا حظوظ ومكتوب له المليون
هههههههههههههههه ابو الشباب
يبى الوايت هههههههههههههههه
الله يعطيك العافيه
على القصه