اوسط الحلين

[عسـاف]

شوف يا قلبي حلن من اثنين

يا اما تحبها واما تنساها

مافي وسط بين الحلين

الاول عذاب والثاني اقساها

هذي جزات من يعشق الزين

يدري حياته ما تسوى بلاها

عرفت يا قلبي حال المحبين

وكان اختيارك تبقى معاها

وش بتسوى لو شفتها الحين

وكانت الصدفة موعد لقاها

لا مرت بجمبك تخزك بعين

وزولك يبلم يناظر حلاها

خزه قويه من بين رمشين

وبسمه لطيفه من مبسم شفاها

لطفك يا مثبت العقل والدين

من اللي تذوب كل من طراها

اللي يقول حوريه من العين

من كاس الحسن ربي سقاها

اسال واقول هذي من وين

قالوا الكويت لو رحت تلقها

عز الله هذي ديرة المزايين

اموت بالكويت وروحي تفداها

[ددسن غماره]

صح لسانك وماقصرت

[دافـ الدمعه ـىء]

الله الله

دائماً يزيد اعجابي بـ حرفك

شهادتي بك مجروحه

صح اللسانك

[عسـاف]

ددسن غماره

يصح بدنك ولا عدمناك

[عسـاف]

دافـ الدمعه ـىء

ها انت تعلم حرفي الغرور بك

والحزن في غيابك

جرعات من الادمان الخاص لتواجدك

عساف

[$$عطر الكلام$$]

[align=center]اسال واقول هذي من وين
قالوا الكويت لو رحت تلقها

عز الله هذي ديرة المزايين
اموت بالكويت وروحي تفداها


شاعرنا الراقي

عساف

صح لسانك على القصيدة العذبة

دوما تطربنا بـ ـسلاسة أبياتك وروعتها

وهي تختال بـ ـكل رقة وتناغم

سلم نظمك البديع
وسلمت الكويت وأهلها جميعا

دمت بـ ـألف خير وسعادة

أزكى التحايا[/align]

[عسـاف]

الان اكتمل جيد الورد وعقده

بعطر الكلام

سيدتي لحظات تامل اسرقها لاضع

ذلك العقد المكتل على نحر حروفي

عساف

[~حبيبة حبيبها~]

من جد صدقت هذا حال الحب
اذا حبينا بنجلس على نار الشوق والوله
واذا جينا بننسى قلبك مايطاوعك
عندك حل ثالث هههههههه
ومشكور


........حبيبة حبيبها.........