إلين اليوم وحالي يرثي لحالي

[كل الإحساس]

[frame="3 80"][align=center][ مسـافر ] دون ما أدري وحـزني داخلي مخفـي
أبيك الحين / مو باكـر تحـلق فـوق أجوائي
( مطار القلب ) يتحـرى رجوعك ,,, غيبتك تكفـي
أبكتب لك ولا أقـدر على التعبيـر وإمـلائي
غيابك .. ما رحم حالي وحرفي × آآآه × يا حـرفي
تلعثمت , وعجزت آخذ في وقت البعد إجرائي

..×..×..×..

و.. ( غربهـ ) .. أكبر و أقسى من غربة الأوطان ..

تعب جرحي يطالع ساعتهـ يترقب ..الميعاد
تعب قلبي ... من الوقفه على بابي ....... يبي قلبهـ
تشوف المغترب لو ما اغترب ما تحتويه ابلاد
حياة المغترب حب .. وفراق ... وهذي هي الغربهـ

..×..×..×..



اعذرونـي .. لا تعلقـت بخيال
فيني × طفل × ما مل من كلمة .. ( ياليت )
كل ما نهرته غمض عيونه و قال :
وش للزمـن .. يقسى ويهدم .. ( ما بنيت )
محتار اجاوب ولا امسح دمع سال
يا من يبيع الصبر .. في الحال ( اشتريت )
من لام شخص ٍ فوق طاقة قلبه شال ..
ربـي يلومهـ .. وانا مـن قلبي ( دعيت )


..×..×..×..


أنا ما شعرت أني مع الناس قبل .. * ألقاك *
ولا ذقت للدنيا طعم قبل .. * تلقاني *


..×..×..×..


يا سؤالهـ . . جاوبهـ من هو بقى لهـ
يحضن ظلالهـ مثل " عين وهدب "..؟!
وعن سؤالهـ . . يسألهـ حتى سؤالهـ
كيف ينسى اللي يحب .. اللي يحب ..؟!


..×..×..×..

والله ... اني في غيابك .... محترم حرمة غيابك ...
عايش لـ حالي .... اغض الطرف ... واتحرى حضورك ...

..×..×..×..


( عليم الله ) .. يا أجمل وأطهر
" وأشـرف حب " يحيا بـي ويكبر
بأنـك في وجودي شـي أكبر
من اني آخـذ أنفـاسي وريـقي


..×..×..×..


بلغوهـ .. اني تعبت من التمني
ولا لقيت أريح من احلام الأماني ..!
آه منّهـ / وآه منكم / وآه مني
من نبش فيكم ورى الصمت وحكاني ..؟
إيه اموت بدونهـ .. وأحيا كأني
عايش بدوني .. (غياب انسان ثاني ) ..!!


..×..×..×..


ليت / لي / من قـوّ قلبك برودك في السلام
وليت / لك / من طيبتي :: رقة :: ألفاظي معاك
حتى في قمة جحيمي .. ( ودقق ) في الكلام
قلت لك : من | قوّ قلبك | .. وأنا قصدي قساك ..!!


..×..×..×..

انا / تكفيني الذكـرى / معك دام الزمان × يدور×
عزاي إنّـا بذلنا للنجاح .. ولكن اخفقـنا
من المخطي وضيّعنا ..؟ من اللي بيننا معـذور..؟
هو انتي ، أو أنا ، وإلا كبر هالحلم وهقنا..؟

..×..×..×..


ضد ( الوفا ) .... ماهو × خيانه × على طــول ..!!
طالع .. تـرى ممكن يجي ... ( قل حيلهـ ) ..!


..×..×..×..


أبشرك للحين طيب وموجود
عايش .. ولا عندي مشاكـل / ولا احزان
بياض قلبي كل الايام في زود
من جود ربي .. موب من كثر / الإحسان
مايكفي اني رغم الايام هالسود
حولي : ذياب : وعايش لوحدي / انسان

..×..×..×..

أكـتـب وانا أدري يب يجي يـوم ~ تـقـرا ~
وتعض أصابعك ؛ بندم ؛ لا تذكـرت
إني بعـد كل هالعمـر .. صـرت ~ ذكـرى ~
وإنك على ؛ موعد ؛ لقانا تأخـرت


..×..×..×..


اشرح ظروفك .. انا قلبي كبير
لا [ تخـاف ] .. إن كان لغيابك عذر
العتب مرفوع .. لكن في الأخير
حقـي اعرف وش هي اسباب الهجر
يكفي ان الشوق في قلبي سعير
وانت شوقك صاحبي ( تحت الصفر)
حدد انت اليـوم وياي المصير
وانا راضـي ... باللي يهديهـ القدر
ان بغيت القرب من الفرحه اطير
وان بغيت العكـس .. ما حـد ينجبر
لك ظروفك / وانا لي قلبي الكبير
و كلنا يا صـاح ... في الآخر بشـر
المهم تكون يالغالي / بخيــر /
واوعدك ... ما عاد تلقـى لي أثـر

..×..×..×..

أنـزه ( اسمك ) أن تمر .... حـروفـهـ
من غِيـرتي ... بمسامع الجـلاس ِ
فأقـول : " بعض الناس " .... عنك كناية ً
خـوف الوشاة .. وأنت [ كل الناس ]ِ


..×..×..×..

أنا || قوي || قدام كل المخاليق
وأضعف بشر لا صرت قدام روحـي
بين العهود الماضية ، والمواثيق
مازلت أدور عن ~ بقايا ~ طموحـي

..×..×..×..

يا كثر ،، ما قلت : ابسوي .. وابسـوي
ولا فيهـ شي ٍمن الذي قلت سويته
راحت حياتي ،، وانا اطري وانا انـوي
واللي بغيته / نسيتهـ يـوم سويته
انا احسب اني صغير وبـ العمر تـوي
واثرني اقفيت واحلا العمر عديته

..×..×..×..

أنا كان الفرح فيني / رئيسٍ عزّ مقداري
غدر فيه الزمان / وبات من أرض الفرح مخلوع
وصار الحزن ×مستوطن× بلا أذن ٍ دخل داري
تمادى واغتصب فرحي .. تعدى | حاجز | الممنوع
أنا الساقـي / أنا غيمهـ / أنا اشعاري أمطاري
أنا نبرة ( حـزن غامض ) .. اغرق سامعي بدموع

..×..×..×..


جيت × أجمّــل × وجهـي البارح ... لغيري
شفت وجهي ........ مالهـ بوجهي علاقهـ


..×..×..×..


( ان شاء الله ) .... بكرا يردون الاحباب
وامسح دموع ٍغبّرت من سفرهم
ودّعتهـم والدمع .... بـارد ... وينساب
ولما وصل لادراج حزني حفرهم
. . يارب . .
ما يبـقى بـ ( هالارض ) غياب
. . يارب . .
تدري ×مت× وانا انتظرهم

..×..×..×..


|| أنا || ... مانيب ... || أنا || .... والله .. بدونك
ولاني حــ ـر .. إلا في سجونك ..!!


..×..×..×..

{ قسم بالله }
إلين اليوم وحالي يرثي لحالي
{ قسم بالله }
إلين اليوم ولا ادري ليش هو اتغير
{ قسم بالله }
ما غضت عيوني ولا هدا بالي
{ قسم بالله }
ما مر يوم .. إلا فيه انا افكر
{ قسم بالله }
قلت انساه بس طيفه يتهيالي
{ قسم بالله }
لو حاولت انا انساه اتذكر
إلين اليوم وانا عندي || أمل || يرجع ويصفى لي
اقول :
الشوق بيرده على :: فرقاي :: ما يقدر

..×..×..×..

لو ~ طـال ~ دربي ما يقصر ..... ( طموحي )
الله خلـق في " هقوتي " عدت ...... ( أرواح )


..×..×..×..


تجرعت الألم | يمهـ | شربته بـ ( أول ) سنيني
وجيتك ما بغيت انك تحسي مر لوعاتي
اضّحك هم دمعاتي .. واطمن خوف يحويني
واجر بـ ( صوتي ) العالي لاجل عينيك ضحكاتي
ولكن لو نجي للجد ... ترى كذبي مأذيني
ما عاد استحمل العيشه بـ ( تزيفي ) لـ ( فرحاتي )
ضلوعي تزاحمت | يمهـ | بـ ( صدرٍ ) ما يكفيني
من الضيقه ، من همومي ، من آلامي ، وآهاتي
انا بس بـ اسألك | يمهـ | حقيقه ليه ولدتيني ... ؟؟
بنفس اللحظه يا | يمهـ | ولدتي ليه وناتي ...؟؟


..×..×..×..


مدري لـ شنهو ( موعدي ) ( وانتظاري )
مادامت أيامي قليلة ؛؛ محاصيل
في داخلي نزعة خفـوق انتحاري
حلم ٍ تكسر في ثنايا ؛؛ التفاصيل
واثر × انكسار× الحلم يعني انكساري
بغيت اكمل وانكسر فيني ؛؛ الحيل


..×..×..×..


محتاج لك ..
ولا ابي منك حاجهـ
محتاج لك ..
لو كنت ماني بـ محتاج
لو قالوا : الضيقه وراها انفراجهـ
ابطيت أدور .. كيف للضيقه افراج ..؟
الله خلـق للداء ... دايم علاجـهـ
وانا || السكـوت || لـ علتي دايم علاج ..!!


..×..×..×..

بحاول .. اخفي .. الواقع .. وازيف .. باقي .. الأحلام
انا .. دنياي .. ما تسمح .. اعيش .. بواقع .. الصوره


..×..×..×..

لا تكترث ... ما هو
[ حـزن ]
كل الحكايهـ وما بها
خفت الجفاف يعمّـني
وسخرتها .. عيوني
[ مـزن ]


..×..×..×..

( يارب .. يارب .. )
يارب ..
رحمتك بمنهو للذكرى × أسير ×
سنين مرت علي وأنا بـ ( همـي ) .. أعاني
يارب ..
قبل أرحل لمثـواي × الأخير ×
رجيتك ابي اشوف الـ ( فــرح ) .. من ثاني



..×..×..×..[/align][/frame]

[عســـــوله]

[ مسـافر ] دون ما أدري وحـزني داخلي مخفـي
أبيك الحين / مو باكـر تحـلق فـوق أجوائي
( مطار القلب ) يتحـرى رجوعك ,,, غيبتك تكفـي
أبكتب لك ولا أقـدر على التعبيـر وإمـلائي
غيابك .. ما رحم حالي وحرفي × آآآه × يا حـرفي
تلعثمت , وعجزت آخذ في وقت البعد إجرائي


كل الاحساس

يعطيج العافيه حبوبه


تحيتي لج

[جرح الزمن]

يا سؤالهـ . . جاوبهـ من هو بقى لهـ
يحضن ظلالهـ مثل " عين وهدب "..؟!
وعن سؤالهـ . . يسألهـ حتى سؤالهـ
كيف ينسى اللي يحب .. اللي يحب ..؟!

يعطيك العافية

دمتي بخير

[كل الإحساس]

عســـــوله



هـلا فـيـج


الله يعافيج يالغاليه تسلمين على مرورج الروعه


دمتي بود

[كل الإحساس]

جرح الزمن


هـلا فيك


الله يعافيك أخوي تسلم يارب على مرورك الرائع



دمت بود

[سكر زياده]

مجموعه راائعه

يعطيكـ العافيه غلاتي

دمتـــ بخير

[كل الإحساس]

سكر زياده


هـلا فــيـج


الله يسلمج ويعافيج يالغـلا على مـرورج الـروعه


دمـتي بـود

[برينسيسه]

[ مسـافر ] دون ما أدري وحـزني داخلي مخفـي
أبيك الحين / مو باكـر تحـلق فـوق أجوائي
( مطار القلب ) يتحـرى رجوعك ,,, غيبتك تكفـي
أبكتب لك ولا أقـدر على التعبيـر وإمـلائي
غيابك .. ما رحم حالي وحرفي × آآآه × يا حـرفي
تلعثمت , وعجزت آخذ في وقت البعد إجرائي


روووووووووووووووووووعه

تسلم يدك